每日生活不斷重複,好似毫無意義。//《躁鬰日子》
偏偏喜歡你
595
回覆
164 Like
5 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
偏偏喜歡你
2023-09-01 03:02:35
通常夜晚先寫到文,寫寫吓就呢啲鐘數
不過我見你哋都唔係早......
早啲瞓啦大家!!
偏偏喜歡你
2023-09-01 03:02:47
八、形
家姐大概留在香港一個月,林蓁當然不會天天都和她待在一起。
原來作為妹妹——一個與家姐闊別多年的妹妹,如果顯示自己的空閑,也有點不好意思,也許是家姐的發展頗好,而她僅是一個待業的普通人,相比之下,有點比不過。不知為何,她就是想讓家姐知道自己也在努力生活。因此,沒有約會家姐的日子,林蓁都在做兼職。
二人計劃去南丫島玩、出旺角掃街、坐文青café打卡,像遊客。
在出發到離島的前一晚,林蓁接到暑期班中心上司的電話,說臨時有事,明天需要她回校。家姐在旁,看見林蓁面有難色,便用手勢說:去吧去吧。
掛線後,家姐已說:「約第二日啦。」
「Sorry……有個導師入咗院,想我幫手頂聽日啲堂。」
「你教咩㗎?」
「中文,同埋扭氣球。」
「你識扭氣球?」
「係呀,我都有返過Snoopy公園㗎。」
「哇!」家姐驚奇:「你好叻女喎,竟然扭氣球,我身邊都無人有呢啲skills。」
「返parttime學啫,都幾好搵嘅。」
「喂,你唔好瞞我,係咪唔夠錢使?點解你返咁多份工?唔好自己一個揹。」家姐嚴肅起來。
「唔係啊……唔做嘅話好悶吖嘛。」
「你有返學㗎嘛?有咩悶?」
林蓁看著家姐,想起輔導員說,她最好增加身邊支援,不要覺得這是見不得人的事,城有七百萬人,各人有各人的隱晦。她又想起,平時不與人道,是害怕傷及自尊,可是現在,對方是家姐。
她躺到床上,家姐也一起望著天花。
林蓁說:「我覺得閒落嚟,唔太舒服。」
家姐不信:「你咁唔識歎,休息不知幾chill。」
「休息嗰陣會覺得個心好煩,總係感覺要放下電先得,否則會心情好差。」
「咁似寵物嘅你。」家姐問:「幾耐係咁啊?好攰喎。」
「幾年。」
「你真係唔舒服?」
「係,唔舒服。」
偏偏喜歡你
2023-09-01 03:03:03
家姐似乎沒有預料到林蓁會回答得那麼認真,因此也變得小心起來:「邊度唔舒服?」
「成個身體囉,要食藥先會慢慢好,又要見吓人傾吓偈。」
「咁你同我講,會唔會好啲。」家姐以肯定的語氣說。
「會,所以而家講。嘻嘻。」
「因為咩唔舒服?」
「咩都有啲啦,屋企——唔關你,男人囉,或者啲淋瀋嘢,加加埋埋都唔惹少。你明啦。」
「又話無拍拖無男仔追?原來都有為仔愁。」
「就係入唔到去拍拖個stage先愁,人哋鍾意我鍾意到要追嘅話,我實開心㗎。」
「咩人嚟㗎佢係?」
林蓁講了幾句周立沖的背景,家姐淡然:「普通人一個。」
「人人都普通人,不過佢對我嚟講係唔同。同佢一齊好開心,其他人做唔到。」
「係嘅,佢一定係有優點你先會咁鍾意,不過可能所有鍾意佢嘅女仔都係咁諗,變咗係你唔特別。」
家姐太清楚林蓁在乎「獨特」,這種隱忍的自尊一直是她的動力。
林蓁倒是沒有想過自己特不特別,只是感到他是無可取代的一位。不過,既然如此,或者在他眼中,只是一個為他的悲喜出過力、云云女子中的其中一位。
她沉默,誰能坦然接受自己的愛是一種泛濫的存在?
然後,她就想到,這個讓她死去活來的人,竟依憑吸取他人的愛來活命,卻不懂她們的感受,似乎不是她理想的對象——溫柔是內心溫柔而非巧言令色,善良是真誠利他而非虛偽作狀。
偏偏喜歡你
2023-09-01 03:03:17
家姐逐道:「拍拖嘅嘢,當然要兩個人都真心先有幸福啦,有一個人唔真誠,另一個人都會因為親密而感覺到,勉強無幸福。」
「係嘅……但唔甘心囉。付出咁多,咁樣完。」
「係會好嬲嘅,何況你本身都唔係會容易付出感情嘅人。」
家姐說中她委屈的地方,她便流淚,敍述是良好的情感抒懷途徑。
「當係命運救咗你,唔使拍唔幸福嘅拖。咁樣咪證明,以後同你一齊到嘅人,一定會係更加好、更加堅定咁揀你囉!你諗吓,未一齊之前,做在野黨已經咁不作為,一齊咗之後你仲可以旨意佢啲咩?實求求其其咁執政。」家姐慷慨激昂。
林蓁破涕為笑:「係嘅。」
「係咪仲成日諗住人呀?」
「係……」
「掛住咪掛住,鍾意咪鍾意,慢慢嚟啦。我諗如果你逼自己唔再鍾意,個心只會突然喺未生到周圍嘅肉之前消失,變得好空。」
「係……」
「你而家個樣好乖,完全無以前駁嘴話我嘅氣勢。」家姐指住林蓁的臉。
「以前點同而家。」
「有啲嘢都係無變嘅。」家姐笑笑:「你聽日要早起,而家瞓啦。」
「我未講晒——」林蓁猶豫。
男人只是她不開心的導火線,不是根源,她說得太少,需要被擁抱的部分太多。有時,她也察覺自己的悲很微小,可是,就是忍不住反覆回想,直至心下一沉。
「急咩,我哋大把時間。」
家姐替林蓁整理好歪歪扭扭的被子,一同睡去。
張以汶
2023-09-01 03:08:45
係咪就嚟埋尾
究竟我改咩名好
2023-09-01 03:12:48
自己有幾個兄弟姊妹,嗌哂交
見到女主同家姐就會喺度諗自己有無機會好似佢地咁
中佬三九
2023-09-01 03:21:00
Live! 早啲瞓啦
大西北姿粉客
2023-09-01 22:51:30
家姐果然係蓁姐嘅靈丹妙藥
偏偏喜歡你
2023-09-02 02:15:36
大直路了
偏偏喜歡你
2023-09-02 02:15:51
「急咩,我哋大把時間。」
家姐替林蓁整理好歪歪扭扭的被子,一同睡去。
翌晨,林蓁外出到校,小息時,收到家姐的短訊:「你返咁早嘅。」
她回覆:「係,慘,啲學生暑期都要咁早返學。」
「你戥自己慘先啦。」
如果林蓁真要覺得慘,那麼,就是原本和家姐去離島的計劃被打亂了——事實上,她本人也沒有去過離島,十分期待,因而失望。
「我點同,有糧出㗎喎。」
家姐便沒有回覆她,直至她下課,踏出校門,便見到家姐拿著一杯手搖坐在長櫈上喝,旁邊還擺著一杯果茶,正是林蓁喜歡的。
「你接我機,我接你放學啦,去打邊爐好無?」
「好,我book個位先。」
「好耐無打過邊爐……好掛住,以後好少機會食啦,唐人街都唔係好食。」
「我哋食放題,畀你任食任掛住。」
「好耶。」
然後,林蓁才知道,家姐決定移民,這幾年早就儲夠移民資格,男友也有BNO,二人可以永久居民身份雙宿雙棲。
這次,林蓁知道了家姐再次離去,心情卻比以前那次平靜很多。
如果以後家姐的生活不愉快,可能她還會思海翻波,然而相信出去總比留在這裡好——譬如家。難道要家姐忍受家中周不時的爭吵,或者一個從未善待自己的老年男人終日嘮嘮叨叨呼呼喝喝嗎。
以往,她有偷偷、偷偷地在難過的時候,心中怨恨家姐、弟弟、媽媽離她而去,讓一個家理應共同承擔的喜悲,全部都壓在她身上,從此就只有悲。她曾經希望家姐可以回來,就算情況無變,至少,有多一個人關心,不至於讓她感到就算自己死掉,也無人理睬。
現在,林蓁只是希望家姐可以繞過世間風雨,與未來丈夫一起,有一個安心之所,不會做被虐打的夢,不會恍神間以為自己仍是瘦骨嶙峋的十七歲。
中佬三九
2023-09-02 02:17:03
Live!
偏偏喜歡你
2023-09-02 02:23:04
所以她真的高興。
彷彿要離開的人是她自己。
家姐反問:「你咁興奮?係咪都想移民?」
「未啊,我無諗呢啲,但戥你開心。我諗唔係香港嘅問題,只係有啲嘢喺香港,就會難以解決,出去都好。」
「都唔知你講咩,咁玄。」
「總之我戥你開心!」
「其實你有無嬲過我走?」
火鍋的湯慢慢地隨熱力滾燙,泡泡形成又爆破,煙還未裊裊升起,沒有侵擾對著坐的二人的視線。林蓁把番茄、菜、菇類都放進湯。最後說:「以前有,而家無。」
「Sorry。」
「我哋一齊有疤痕㗎嘛!Sor咩ry。」
林蓁決定如此帶過話題,她確實已沒有怨恨——對於家人的離去,只是偶然想起,會替以前的自己感到委屈。可是,事隔多年,她已長到廿一歲,開始有能力保護自己,或者是從前兇惡的人已經年老。
以前的事,雖然不是完全過去,但已有些遺落在時光。
家姐問:「咁點解而家無?」
「都過咗去啦,屋企而家我惡啲,哈哈哈哈哈。」
「你唔好又收收埋埋,我唔會笑你喎。」
「唔係呀,真係無嬲你——其實都無咩好嬲,反而覺得——你仲記唔記得我叫你同老竇求饒?之後我哋冷戰。後尾諗返起,我覺得係我戇鳩。」
林蓁發現,想事情想到最後,總會對它心懷愧疚。偶然想像,如果做好一點,會否有轉機。這聽說是得不到足夠的愛,而滋長的自責及不安。
「戇鳩!」家姐說:「我好耐無講廣東話粗口。」
「屌你~講多啲。」
「阿媽同細佬有無contact你?」
「無……我同細佬有互fol IG,但唔叫有聯絡。阿媽更加唔使講。」社交媒體總讓人的關係不清不楚。
「唉,我屌你老母!」
「吓……咁我屌返你老母啦。」林蓁笑:「但我真係嬲阿媽嘅,坦白講,我成日覺得母親呢個角色要有多啲母愛。」
「佢對我哋都好似無,有時我仲會諗起以前捱肚餓,痴線!」
「而家食返多啲嘢先。」
偏偏喜歡你
2023-09-02 02:23:16
過往一些荒謬的事,被重逢的姊妹以調笑口吻說出,林蓁只感到:原來過往的不快也不過如此,可以輕鬆語言道出,不需嚴肅,不必忌諱,好像只和舊事的自己打個招呼——不是擁抱這種淒清悲壯下才會送贈的溫暖,而是微微一笑,眼神是哦過去有去過這境地。
她們聊了很多以前的不愉快。
譬如被父親打、丢掉玩具、逼令食飯食快點,向母親求救卻不得回應、時時肚餓要在學校盼著同學分零食。
或是,姊妹二人的嗌烚。
不知不覺間,九十分鐘過去,她們要離席了。最後一起捧著大肚子離去,還去雪糕車買了一枝軟雪糕,二人一同分吃。
林蓁想起對上一次食軟雪糕,是和周立沖一起,正想傷春悲秋;下一秒,便見到家姐咬了好大一口甜筒——
「喂啊!我無得食啦!」她喜歡吃被雪糕浸軟的曲奇。
所以,她就想:
過去的事,不如算把啦。
雖然好像有些倉卒,但如果過去的事,「唔算把啦」,其實還可以點?
對於失望、不快、傷害,一個人還可以點?
她還可以點?
所以,以前的事,不如算吧啦。
林蓁看著家姐一邊吃雪糕一邊喋喋不休「以前六蚊一枝咋」,這樣想。
夜凪景
2023-09-02 02:31:38
果然家姐先幫到林蓁走出陰影
程澄青請
2023-09-02 02:51:54
暖場!
大西北姿粉客
2023-09-02 03:56:27
解鈴還需繫鈴人
拼命無恙
2023-09-02 07:11:47
其實望住其他人移民 雖然點都會戥佢地開心
但作為留低咗嘅自己 多多少少都會有種落寞嘅感覺
然後大咗個之後面對好多嘅 發現真係只可以講句「就係咁囉」
唔係每件事都有原因 唔係每樣野都解決得到
讓我住進你心裡
2023-09-02 09:59:20
希望林蓁釋懷好返
偏偏喜歡你
2023-09-02 10:56:12
聽過人係細個打交打到老死不相往來
但大個之後
諗返以前只係想撩吓交打
之後就friend返
夜凪景
2023-09-02 21:12:08
我同我阿哥一世都做唔到
偏偏喜歡你
2023-09-03 00:49:34
聽日一次過出到結局
elvan_owo
2023-09-03 01:20:00
正
大西北姿粉客
2023-09-03 04:34:26
正
偏偏喜歡你
2023-09-03 11:47:13
始終有啲嘢唔係咁容易放低/無事
偏偏喜歡你
2023-09-03 23:31:57
發現寫唔切,呢幾日一有就會出
多謝你哋陪我埋尾
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞