我因為好鍾意呢隻Citizen Eco Drive 雞泡魚手錶,我一直都想買BN0151,夏天游水時戴,因為我覺得藍色=藍天+深海=快樂自由。
最近因為我嘅生活習慣同自律大幅改善,以前成日遲到搭的士,而家幾乎無,甚至約朋友可以早到。自己又開始定期運動同閱讀,咁獎勵自己,就趁夏天買潛水錶,我人生第一隻潛水錶。
呢個時間Citizen 出特別版BN0166,反而令我十分猶豫,因為兩隻我都鍾意,但因為兩隻定位一樣都係海灘錶,戴一隻另外就唔會戴,所以要只揀一隻。
好在上網見到間錶店兩者都有賣,我可以去店內比較。
BN0151 係深藍色,仲有橙色對比藍色,而且橙色係海底係最鮮明,係潛水錶好設計。
但最終揀BN0166,因為顏色鮮艷啲、無咁深色。無橙色針係有啲可惜,但我遲啲都想買Citizen Aqualand 都係橙色針,而且我嘅目標手錶清單大部分沉色,不如要隻鮮艷嘅對比。
我真係揀左好耐,去過好多錶店睇,最後我都滿意自己決定。Citizen 錶夜光好,又圓碌碌咁,又太陽能方便,又薄,而價錢都係2千幾山,我知道是但揀一隻我都滿意。不過唔鍾意黑色錶帶,會上網買條藍色膠帶,但呢個小問題。總之而家幾開心下。