[極限挑戰第二季]用8日喪遊半個日本 (北部九州 ~~> 名古屋)

最後就返機場食最後午餐，T1有大量選擇
我就揀左Day 6好多人排隊既矢場豬扒




矢場とん 中部国際空港店 [Tabelog評分：3.39]
係出面排隊既時候店員會俾個餐牌你睇
落完單就會俾張籌，入座之後好快有得食





UO冇野食，所以呢餐就食飽啲
落單既時候可以揀一邊味噌醬一邊豬扒醬
個餐黎到既時候店員先會幫你淋汁上去


わらじとんかつ定食 <1900yen>
上面淺啡色既醬係矢場豬扒既特製味噌醬
味道柔和得黎偏甜口，有少少似甜麵醬
豬扒雖然唔肥，但係咬落去有肉汁，一啲都唔鞋
下面豬扒醬味道好普通就冇乜印象，但係好脆口



特製矢場とん汁 <+150yen>
定食本來係配味噌湯，但我加錢轉豚汁
同松屋既濃湯唔同，呢度係肉片雜菜清湯
落左好多大白菜，洋蔥同牛蒡，所以好清甜
成碗野料多過湯，飲完飽到上頸

食完就攞埋行李去Check-in
T2係廉航專用客運大樓，2019年啟用
係車站攞住行李行過去起碼10分鐘
巴士就15分鐘1班，搭到去都行到




車站係，自己望下有幾遠


黎到啱啱好開始Checkin，唔駛排隊

搞掂哂啲行李就唔係即刻入禁區
而係行番轉頭去頭先經過既FLIGHT OF DREAMS
呢度放左一架787首航既真飛機，現場睇好震撼




放得架飛機係度自然有展覽
唔講唔知原來787有接近35%預製件都係日本製造
唔怪得JAL同ANA買左咁多787




呢度有好多小朋友放電區
早左黎既話可以黎呢度Hea時間
最好上到機就訓到唔識醒



呢度仲可以排隊上去睇787既駕駛艙
不過只可以隔住塊膠片睇，好過冇既




機艙部分封實左，啲凳應該係拆走哂


最後就係行波音官方商店，除左一般商品
仲有一堆係舊機拆出黎既部件同餐車
只要俾得起錢你就可以買，都幾癲

睇完仲有個半鐘，係時候行番去T2入禁區
呢個時段得一班機，安檢完全唔駛排隊
而且轉埋人臉辦識過關，3分鐘唔駛就搞掂
但之後要行條500m長廊先到登機口



長廊盡頭係呢度唯一既免稅店，手信種類極度唔齊
連LeTao芝士餅同薯條三兄弟都冇貨
松本清，BicCam同便利店都冇開門
唔肯定之後多番廉航會唔會開番
但係穩陣起見最好係T1或者外面買定寄艙




如大家所見，呢度真係乜都冇

呢度上機唔係直接經登機橋上機
首先要行樓梯落地面，之後行一段路再上樓梯
攞住勁重Handcarry既人祝你好運




回程呢班用舊機，仲要全機爆滿
全程都好頂腳


落機位置係北衛星客運廊，呢邊都有玻璃地板
但係要行勁多扶手電梯先到過關位



最後係尿兜欣賞香港夜景就完了


[極限挑戰第二季]用8日喪遊半個日本 (北部九州 ~~> 名古屋) 完

少機到咁

後記
頭幾日北九州行程都幾Chur，因為每個城市隔好遠
一日來回太浪費時間，所以只好日日轉酒店
而且好多景點都唔近JR，要轉巴士落車再行
因為班次疏，就算早左完行程都冇車提早走
所以有下次既話，我應該會選擇自駕，彈性好多

用全國Green Pass亦非常爽，好多時都包車
乘客質素比較高唔會好嘈，坐得舒服
又可以靜靜地望出窗睇風景
遲啲加到天價好難回到本，應該唔會再買

至於後期重遊舊地，去番同一間餐廳食同樣既野
雖然隔左咁多年，但味道都保持到水準
就算加左唔少價，用料同份量都冇變過，算係幾有良心
難怪身邊唔少朋友得閒過關返大陸食野，放假就飛日本台灣
至少味道同服務有保證，唔會食到一肚氣
香港既情況就唔講咁多喇，驚犯法

[member]

後記既後記
前排我又思考緊另一樣野
儲左Asia Miles咁耐，都冇試過成功換到機票
遲啲10月改完制仲冇以前咁抵
所以係度同大家宣布任務成功，準備出發
下一篇遊記再見

[無定向喪心病狂]用10日？？日本
#Lounge #商務 #內陸機 #轉機
つつく

等你再出

樓豬呃正評
已正

我呢張飛真金白銀經JR西日本買
所以就去番近新幹線既JR西日本售票機攞
如果你用JR九州Pass訂既話，就要去番JR九州綠色窗口排隊攞

長崎間Dormy Inn 530蚊一晚咁抵

想問下姬路城一般預幾耐時間遊玩？遲下會去姬路城

預起碼半日，由車站慢慢行上天守隨時成粒鐘

女女做乜遮名

唔正評唔開估

完

Good