［是咁的］ 我喺加拿大住咗十幾年, 識到一個女仔叫Z.....（5）

你食開真波既居然走去睇假波

人要有好奇心㗎嘛

楪可憐先似你描繪嘅K

到底邊個名先啱？好混亂

btw, 證明AV我好少睇佢

由鬼故開始追，z個故我特登忍住唔即睇，諗住忍幾個月想一次睇曬，點知仲未完

忍多個禮拜就ok, 好似係.

係就快啲啦唔係咒你被泰妹落降頭呀

佢應該唔介意













然後我哋又有故睇 正呀

經歷完奇怪嘅機場事件之後, 到咗同Z約定好嗰日, 因為晏晝佢已經同我講咗會放六點, 計埋佢一向拖拖拉拉嘅性格, 斷估六點半應該返到屋企？所以我好準時咁hea到六點半先沖完涼瓊乾水、拎埋手袋等佢電話.

但Z佢果然唔會令我失望, 直到我等到唔耐煩,拎J之前送俾我嗰部psp出嚟打咗陣戰場之絆, 直到七點三先收到佢電話.

Z：喂喂, sorry, 剛剛先返到屋企搞掂曬, 你ready未？

我：um....rea rea哋咁啦...

Z：即係點呀？

我：冇, rea咗9個字咁囉...

Z扮到好驚訝咁話：嘩！乜你份人咁心急嘅？好肚餓咩？

我：丫屌...餓又唔係好餓, 不過係你自己話放六點嘅...

Z：ea..講埋呢啲衰嘢...咁你而家過嚟車我？

我：可以呀.

Z：咁我補埋個妝先, 你十五分鐘後過嚟..

我：吓？食餐飯啫,使唔使咁呀？

Z：你知我一向都好尊重你㗎！

我：尊重呢啲嘢, 你放喺心入面得㗎喇, 我收到曬, 唔使放喺塊面到..

Z：呀呀~怕咗你, 咁你而家拿拿聲過嚟..

我：係係..

當我十分鐘後係佢屋企樓下出現嗰陣, Z已經著住佢見到綠色軍褸、企喺門口等緊我.

Z一上車, 我就問佢：搞咩咁耐呀你？唔係放六點咩？

Z一路扣安全帶、一路hea答我：係丫.

我：你應得咁口響嘅？你放工返嚟最多咪廿分鐘？計埋你塞車、比夠你半個鐘好未？家吓成七點半啦喎...

Z：冇呀, 諗住返到嚟落咗完妝沖個涼,再化過妝先出去㗎嘛...

我：吓？？你本身返工嗰陣咪化咗囉？又化？

Z：你哋男人唔會明㗎, 返工個妝係唔可以用嚟出街㗎..

我：吓！？err......咁...err..日本餐？

Z：日本餐呀！gogogo！

我：係係...

當我又揸咗半個鐘上到去嗰間日本餐、一轉入停車場, 已經覺得怪怪地. 雖然呢個plaza平時都靜靜地, 但而家plaza入面啲鋪頭全部黑媽媽一片、而且停車場一架車都冇.

我開始減慢車速：喂...唔對路喎老細...個場咁嘅？

Z亦都四圍望：係囉, 無車嘅喂？休息咩今日？

我：唔知呀, 你話食乜就食乜, 我負責揸車㗎咋..

Z解開安全帶：求其泊埋一二邊, 過去望一望？

我：好呀.
反正成個停車場得我一架車,就真係好求其咁泊喺路中心、熄匙落車陪佢一齊行過去.

始終個停車場有街燈關係, 間日本餐舖頭入便又熄曬燈比較暗、又大大塊落地玻璃反曬光, 離遠根本就睇唔到入面係點, 但越行越近就覺得越嚟越唔對路, 到終於行到過去嗰陣, 直頭有零零七初見麗晶大賓館嘅感覺.

Z指一指玻璃門上面貼住嗰張白色紙：oh shit！執咗..

其實就算Z唔講、我都睇得出, 因為入面所有裝修都拆走曬..

望住成間餐廳入面空空如也、玻璃上面我同Z嘅倒影, 猶豫咗幾秒之後拎咗支煙出嚟食, 吸左啖、喺Z未嚟得切哼我之前,我已經遞咗過去畀佢.

等到Z都吸咗啖之後, 我先收返隻手, 問佢：點呀老細？第一關就卡關啦喎..

Z好苦惱咁用隻手捽自己額頭：um.... 係囉, 又會黑到咁嘅...一定係你啦, 黑開有條路...

我：丫屌, 肯定係你問題啦, 我同D上年年底先嚟食過, 肯定知你今日嚟、即刻嚇到佢哋執鳩咗..

Z返我白眼：一定係啦..

心諗好彩今日嚟探路, 本來諗住下星期同D過嚟食, 而家可以慳番...：點呀？食老麥？頭先揸過嚟嗰陣好似見到有一間新開嘅..

Z：麥你個死人頭！我有同你食過咩？

我諗左陣先答佢：係喎, 話時話, 唔止老麥, 連burger King、 老人雞、wendy、pizza pizza我哋都好似冇食過...

Z：咪係囉！

我：咁以前冇啫、唔代表而家唔可以去呀..未來由..

但“我創”兩個字未講出口, Z突然好兇狠咁啤住我：妖！未乜鬼嘢未來呀？同你講緊過去呀！講到明我哋要食返我哋之前食過嘅餐廳㗎嘛！

我畀佢個氣勢嚇一嚇即時收口：err....又係呀可...咁你揀間啦...

Z：咪諗緊囉...嘈鬼住曬...

望住日本餐廳入面我有裝修都拆走曬、成個場黑媽媽一片, 好自然就諗起之前我喺機場落完電樓梯之後嗰個畫面, 所以望多兩眼, 我就決定擰轉面、望返去個停車場就算.

如果唔係, 我對昆蟲屍體嘅心理陰影應該會越嚟越大..

又等多陣, 心諗我而家好撚肚餓攞唔該....求撚其一間啦..但我亦都知道, 如果我真係講出口將會死得好撚慘,唯有hea住講：小姐, 你唔係有嗰list嘅咩？跟住落去得唔得呀...

Z：係喎, 好聰明呀你！

我：屌..咁你仲唔去睇？

Z：既然你咁聰明, 估唔估到點解我唔去睇？

我：er....

Z：好明顯我就冇帶喺身啦, 聰明！

我：屌..咁點呀...

Z：不如過young and finch嗰間意大利餐？

我：我邊間都ok呀..
心諗,Z小姐,我淨係想食嘢咋, 又唔係要去打籃球..

Z：咁行快兩步上車喇, 八點幾㗎啦而家？唔怪得咁鬼肚餓...
然後急急腳行返上車.

準備撻匙嗰陣、我突然口多問句：如果touchwood...

Z聽見我咁開口, 可能都估到我想講咩, 用啲唔係太友善嘅眼神睥咗我一眼：wood咩呀又？你係搵到塊wood出嚟touch你先好講！

我望一望四周、基本上一碌木都冇, 唯有扮曬嘢咁去摸一摸部車個中控台：er...冇...touch膠...如果嗰間嘢都執咗, 咁點算...

Z：點呀老細！？你之前唔係專幫人開檔㗎咩？而家轉咗去專幫人收檔呀你？

我口震震咁話：冇呀...既然你又肚餓、揸到過去又唔知佢有冇執到、就算未執都唔知last call咗未...不如近近地,我哋過去Baton Rouge算撚數啦..呢到轉返落去十分鐘唔洗就到....

Z：咦？又係喎,點解我諗唔到？
正當我想開口串鳩佢嗰陣, Z已經拍一拍我膊頭：行啦！仲講！

我：丫屌...

可能時間關係, 過到Baton Rouge只係等咗唔夠十分鐘、連一支煙時間都冇, 帶位妹妹已經叫我哋入去, 然後將個menu擺咗喺一張靠窗嘅六人大卡位枱面.

Z行到一半就講咗句：嘩...有冇咁準呀！？...

我望一望全場, 唔計其他嘅吉枱、淨係靠窗嘅卡位, 六張入便有四張都係吉：係囉..四揀一都中..

Z拍一拍我：喂, 你記唔記得呢個位呀？

我：你話呢？

Z：算你啦..

剛剛放底menu嗰位個帶位妹妹見我哋個樣怪怪地, 就問：係咪呢個位唔啱心水？我哋仲有其他喎？
講完就想拎起個menu帶我哋去另一張.

Z即刻搶住答佢：冇冇冇、勁鍾意！
之後攝入去嗰個卡位、棟起個menu喺到睇.

帶位妹妹見到Z咁, 只係有啲疑惑咁笑一笑, 備轉身離開, 臨走前望一望我, 我禮貌咁答咗佢一句：4年前我同佢第一次嚟慶祝生日嗰陣,就係坐呢張枱.

帶位妹妹聽見我咁講, 就做個好驚訝的神情, 然後問我：咁今日係咪你朋友生日？使唔使準備蛋糕嗰啲？

我聽見就細細聲、笑著答佢：唔使啦, 佢已經過咗會生日嘅年紀.

Z突然隔住個menu講：喂！小C子你當我聾㗎！？

我：err....

Z：叫嘢食啦！肚餓呀！
講完就將個menu平放喺枱面.

我：係係....
同帶位妹妹要咗兩杯水之後, 就坐低同Z一齊睇個menu...

當我好專心咁食緊我塊filet mignon嗰陣,突然聽到Z講咗句：話咁快就四年啦可....

我抬高頭望一望剛剛食完碟caesar salads、準備開始食carbonara嘅Z：吓?

Z：我話...

我：我聽到呀.

Z：妖！咁你又問？

我：我冇諗住問你呢句呀,我以為你仲有嘢想講咋...

Z啤咗我一眼、攞起檯面杯紅酒飲咗淡之後先話：冇呀, 我想話....我冇諗過時間突然過得咁快.

我：終於意識到自己年紀大？

Z：點呀你？玩嘢呀今晚？
講完一野吉住咗我勁大舊filet mignon.

我：喂屌..
當我嘗試攞隻叉去亨Z隻叉, 發現亨佢唔旭之後, 我就決定用把刀貼住佢隻叉切咗一忽.

Z望住佢嗰片薄到抽筋嘅牛扒：先生好刀法喎！

我：唔通好似你咁, 求其喺個生菜中間切一半..

Z：唔成個餵你食咪偷笑囉！

我：係囉, 仲要一滴dressing都冇, 你睇我笑得幾開心？

Z：原汁原味仲健康呀！

我：屌...

然後唔知無心定有意, Z冇再繼續之前個話題, 開始無無聊聊咁講起佢公司啲嘢, 而我都慢慢開始講我係機場返工嘅搞笑嘢, 兩條友傾下笑下、講到間嘢閂門我哋先走人.

出到門口我伸咗個懶腰, 點著支煙吸咗啖之後遞畀Z：點呀？返屋企？

Z吸咗啖之後問我：係呀, 唔係你想點？

我用支煙指一指Baton Rouge後面：仲有間go for tea喎？

Z：超！你好趕時間咩家下？
講完伸隻手過嚟搶咗我支煙吸咗啖.

我：又唔係趕嘅, 見順路啫..

Z：下次先啦~

我：吓？我..

Z一野插返支煙我個嘴打斷我：有時有啲嘢, 趕還趕, 都唔使一晚做完嘅.
然後冇再理我, 直接向我泊車嗰方向行過去.

我見到咁樣, 只能夠笑住答佢：係係..
然後跟住佢一齊行去泊車個位.

Z繼續背著我咁行冇停過, 喺車上面都只係繼續環繞返工嘅話題, 直到送到佢返屋企落車嗰陣時, 我先口痕問佢：咁下次食邊間呀？

Z解咗安全帶之後擰過嚟同我講：下個禮拜你咪知食乜嘢囉！

我聽見佢講就心諗, 其實我冇所謂㗎, 只係唔想今日同你食完、聽日又要同D食多次啫..

Z見我冇反應, 就開門落車之後敲一敲我車頂：走啦,下個禮拜準時呀！

我：屌！你得先啦！準時！

Z扮曬嘢咁, 諗咗幾秒之後答我：喺我記憶中, 我從來冇遲到過喎！係你早到啫！

我忍唔住舉起中指對住佢：仆你個街丫..咁撚冇人性嘅說話都講得出口嘅..

Z亦都舉起隻中指對著我：阿C生, 夠你個姓冇人姓？
然後笑住閂埋我度車門, 擰轉身keep住舉起中指嘅姿勢行返入屋.

係呢個完全反駁唔到嘅情況之下, 我只能夠鵪鶉咁望住佢入屋、然後到間房燈著咗之後, 先揸車返屋企, 期待下一個星期會去食啲乜嘢.

係呀, 如無意外最後直路㗎啦, 應該再多2扁就完

介意、冇故.

當我又揸咗半個鐘上到去嗰間日本餐、一轉入停車場, 已經覺得怪怪地. 雖然呢個plaza平時都靜靜地, 但而家plaza入面啲鋪頭全部黑媽媽一片、而且停車場一架車都冇.

仲諗住會打個野戰先走

如果係K, 好大機會會

貓巴你姓仇?

唔係