［是咁的］ 我喺加拿大住咗十幾年, 識到一個女仔叫Z.....（5）

等到我成支煙食完、又隔咗一段時間, Z用我手臂件一抹佢塊臉之後, 終於捨得坐返直個人, 望住我：hmm哼哼.

我：係係..
無奈地又再重新點著一支煙遞畀佢.

Z吸咗啖之後, 個樣好似想開口問我野, 但突然佢電話響起打斷咗佢, 見佢拎起咗個電話望一望個來電, 隔咗幾秒就撳咗收線掣, 然後擰過嚟問我：咁你而家諗住點呀？

我吸咗啖煙之後答佢：冇乜點呀...應該話..仲可以點撚樣丫？

Z：又係丫呵....唉...咁你..同auntie講咗未呀？

我：講咗啦....

Z：佢有冇講啲咩？

我：咪畀佢屌柒我囉, 冇乜點嘅...

Z：咁你..妖！
突然Z電話又響過, 佢妖咗一聲之後又撳咗收線掣.

我：呢位小姐你冷靜啲先...
講完我就遞咗支煙過去畀佢.

Z吸左啖就話：我好冷靜呀, 唔係一早幫你炸咗immigration啦..

我：丫屌...咁客氣呀...

Z：使乜講！

我：咁小姐你做恐怖分子之前, 要唔要聽咗個電話先呀？係咪你班friend吹你呀？

Z：唔係佢哋吹呀..
講完就撳番著部電話.

我：吓？咁邊個呀?

Z有啲唔耐煩咁不停你個電話上面撳撳撳, 睇佢個勢似係send緊message：唔係呀, 係我條..唉唔好講我, 咁你返香港有冇地方踎？

我：咪返屋企瞓地下或者梳化囉...冇嘢嘅,總有冇地方可以瞓.

Z：咁immigration有冇話要等幾耐呀？

我：頭先咪答咗你囉..冇人知㗎..

Z撳完一大輪之後放低咗個電話：咁你啲貓點算呀？

我：D話拎去佢basement養住先喎..

Z：唔係呀話, 佢有敏感㗎喎...

我：有撚計咩...

Z：唉...最衰我嗰到唔養得丫,唔係我實要咗紅鼻哥...

我：唉......

齊齊嘆咗口氣之後, 我同Z兩個繼續兩個人一支煙, 戇鳩鳩坐係架車都冇出聲.

到差唔多食完嗰陣, Z突然電話再響, 見係咁我就直接拎起佢個電話、撳咗answer掣再遞到佢耳仔隔離.

Z一時間反應唔切：呃！？
但電話嗰邊隱約有人開始講嘢, Z只能夠咦咦哦哦咁答：um...吓？um..未呀...哦...um..我..未知喎, 你同佢哋而家過去呀？

我直覺覺得係Z班friend搵佢去唱k, 就做咗個手勢示意我要返去攞嘢食, 叫佢走先.

Z見到咁樣就一手接咗個電話、順便揞住個收音咪, 有啲擔心咁問我：你肯定？

我：係呀, 去喇.
講完見Z仲有啲猶疑, 我就細細力用手指推咗佢額頭一下, 笑住講：去啦, 我又唔係一落車就畀人夾上機.

Z諗咗幾秒之後就同電話嗰邊講：um..我ok呀,而家走㗎喇, 一陣直接喺嗰到等啦！bye~

等到Z收咗線, 我就開門準備落車：我走先啦,有咩再約啦, 你過去搵你班friend先啦！

喺我下半身已經落咗架車嗰吓, Z突然一野拉住我件衫、爭啲勒鬼死我：喂！小C子！

我拉返住自己件衫領, 擰過去望住佢：斷氣喇, 乜料呀又？

Z放開拉住我件衫隻手之後, 一隻手指尾對過嚟：你唔好突然玩失蹤喎！？

我：屌..咁大個人仲搞啲咁嘅嘢...
我一路講一路將自己隻手指尾勾上去.

Z大大力搖咗兩下先放開：咁我走先㗎喇喎？你記得call我喎？

我：係呀長氣, 走啦~
落車閂埋車門之後, 再同Z揮咗幾吓手say goodbye, 到望住Z褪車再駛到出咗First Markham plaza, 我先點著支煙, 慢慢行返過去天皇.

但當我行到間專賣女人底衫褲嘅舖頭隔離、準備過馬路嗰陣, 望住眼前呢個自己曾經留低唔少腳毛甚至精蟲嘅First Markham plaza, 雖然我知道仲有六個月嘅時間我先需要離開加拿大, 但仍然有種唔捨得嘅感覺.

到行過方家小廚我會諗起喺大河汗、幫方老太打工嘅日子.

係對面戲院同k打野戰.

牙醫診所會諗起MM..

經MM介紹去Safeway 識到J..

行到檸檬樹, 就係同Z倒數嘅新年.

經過麗花三姊妹, 就諗起因為佢哋識到kitty媽..

金牛苑同jimmy哥炒大鑊、衝去 Niagara falls..

同時又因為叫我上金牛苑做嘅T而識到D..

仲有幫A&R 係First Markham plaza傾開檔嘅日子, 然後又少不免諗起 genius 三姊妹..

仲有再遇返b...

唉...到底呢十幾年嚟, 我係First Markham plaza呢個話大又真係唔算大、話細又唔講得上係細嘅地方, 經歷咗幾多嘢呢？..

一路行一路諗, 短短十分鐘嘅路程, 好似行咗成十個鐘咁耐...仲開始有啲後悔 點解頭先要懶型咁落車而唔叫Z車我返過嚟先..

千辛萬苦行路返去天皇門口, 一拉開門就聽見老闆娘大大聲講：嘩靚仔, 去咗打野戰呀？你唔好出年先返嚟！？

畀老闆娘夾硬從so sad mode拉返返嚟現實, 一瞬間唔知點答佢好, 只能夠隨口講句：丫屌..

老闆娘：好彩你返得切咋, 頭先我見口痕,爭啲諗住開嚟咬兩舊..
一路講一路張我盒外賣遞畀我：你自己睇下？出嚟嗰陣熱辣辣、而家都擺到凍曬咁濟..

我無奈答佢：關我咩事啫,你呢到冷氣勁啫...
然後喺老闆娘厲啤住我嘅眼神之下, 急急腳走返去攞車返屋企..

之後一連個幾個禮拜, 都係瞓醒返工、放工瞓覺, 日日到混混噩噩咁過, 直到有晚半夜係機場take break食緊煙嗰陣, 收到Z個電話.

Z：喂, 你搞緊咩呀？

我：返緊工囉..你咁夜唔使瞓呀？

Z冇答我, 反而有啲驚訝咁問：吓？你仲有返工㗎？

我：唔使食咩老細...

Z：係喎呵...

我：丫屌...點呀,夜媽媽打嚟,有咩就講啦？

Z：冇呀, 瞓唔著喺度碌嚟碌去..突然諗到啲嘢...

我：例如呢？碌咗落床買邊隻保險有得賠？

Z：妖..唔係呀, 你仲有幾耐要返去呀？

我：五個月唔夠..

Z：你每個禮拜放幾多日呀？

我：2日.

Z：咁你邊日要陪D？

我：最少一日啦.

Z：咁ok喎...應該趕得切丫？

我：點呀老細你又？

Z：冇呀..

我：冇我就cut線㗎喎.

Z：未講完呀！

我：咁你一次講曬佢啦唔該..

Z：好急咩你而家！？

我：急急地㗎...

Z：咁你去屙啦！

我：唔係呀, 我係話咗得返五個月唔夠...

Z：......

我：喂喂？
雖然某程度上我同D已經接受現實, 諗住戇鳩鳩過埋呢幾個月就返香港, 有咩返到去先繼續搞, 但聽見Z嗰邊突然間靜咗唔出聲, 我先覺得原來Z有可能仲未接受到, 就即刻改口：射完都要等十個月先生得啦, 我五個月都算半個b, 夠有凸喇...

Z：哈哈哈..好似好好笑咁喎.
但佢嘅語氣完全冇笑意.

我唯有死狗：唔好笑㗎,我隨口講㗎咋..

Z：你條友咩都隨口講....

我：um..... sorry囉..

Z：唉,anyway, 我係話, 諗住同你去食返我哋之前食過嘅餐廳..

我：哦？可以呀,你想食邊間？

Z靜咗幾秒就答我：全部.

我：吓！？

Z：全~部~呀！

我：err.....

Z：小C子！

我：屌, 唔使咁嘅, 又冇話唔去..

Z：咁你err乜鬼嘢？

我：我唔係err去食飯呢件事呀, 我淨係err你個全部咋.

Z：吓？點解呀？你驚我唔記得？我有mark低㗎喎？

我：嘩屌,乜你咁變態嘅..

Z：不嬲㗎啦！頭先瞓唔著嗰陣整咗個list, 等你噏頭㗎咋, 實有多冇少...

我：點有多冇少呀小姐...

Z：你理得我丫！有冇話要你畀曬！

我：丫屌...唔係邊個畀呀..

Z：咁你想畀曬我都ok㗎.

我：屌, 我係想話好似豐衣足食執鬼咗啦,點食呀...

Z：咦？係喎..

我：咪就係囉..

Z：臭乜嘢話？

我：就呀！唔係臭呀！你自己嗰個臭就去睇醫生啦！

Z：丫你隻小C子！？約你食飯仲咁多嘢講？信唔信我skip曬所有嘢, 直接同你食farewell？

我：順口啫...咁又唔好..

Z：咁點呀？

我：邊間未執咪食邊間囉...

Z：咁呀...呢個禮拜......去食hwy嗰間日本舖先啦？

我一聽見嗰間日本舖, 就即刻諗起年幾前發生嘅事, 口震震咁答佢：err ......o..k呀..

Z：um？聽聲好似好唔願意咁喎, 你唔係諗起啲唔應該諗起嘢吓話？

我即刻答佢：冇冇冇, 乜撚都冇諗起.
然後轉話題：咁禮拜二晚你收工過嚟車我定我車你？

Z：你覺得我會唔會唔飲酒？

我：丫屌...

Z：咁係咁話啦喎？

我：係呀, 你早啲瞓啦.....

Z：o~kie, bye~~

我：bye~

然後, 第二日朝頭早收工嗰陣, 我就趁打畀D叫佢起身順便同佢講咗呢件事, D聽完都笑住話佢都要整壇咁嘅嘢攪吓, 我當然即刻話好.

正當我諗住疊埋心水, 等每個星期放假嗰兩日, 各自同Z、D化身食物獵人, 開始一邊跟住Z個有多冇少嘅list, 另一邊同D個正常list, 一餐一餐、一間一間咁食落去嘅日子之前, 毫無預警之下就先係機場做咗一晚魔物獵人...

盡咗力喇, 就嚟失聲
下面呢支嘢兩日飲完一支

陣間收工要狗衝出去買

呢支recall咗喇喎

吓！？出咗咩事呀？？
我喺澳洲飲咗好多年㗎喇喎

話可能會令人做手術嗰陣有過敏 而家只係淨返啲會眼瞓嘅乾咳藥

我有敏感唔係隻隻藥食得, 如果呢隻玩撚完,又要用條命去試下一隻

乾咳一般依家可以用dextromethorphan 如果只係G6PD可能都可以試下 不過當然要留意會唔會都係過敏 and act accordingly
同埋呢隻藥會同某啲藥有interaction 有食其他藥嘅要問返醫生/藥劑師
再唔係就可能問下藥劑師會唔會有其他建議
4-6個禮拜或以上嘅長咳就最好睇醫生

以上唔係醫學建議 所以最好都係問返你嘅家庭醫生

我應該係只係排瘋狂轉天氣忽冷忽熱凍親, 再加上前日不斷屌柒班閪客搞到喉嚨越嚟越痛







再加埋今日呢一篇,真係如非必要唔想講嘢

去yahoo 打字繼續寫 你又唔係未試過

要打字我去Cantonese input打啦

but, 不了

大C

貓靈叔叔aka大C，可唔可以dm你自己嘅相俾我睇睇？

想睇吓你真人係點


上次未睇張相已經冇咗

支持

Z：咁呀...呢個禮拜......去食hwy嗰間日本舖先啦？

我一聽見嗰間日本舖, 就即刻諗起年幾前發生嘅事, 口震震咁答佢：err ......o..k呀..

Z：um？聽聲好似好唔願意咁喎, 你唔係諗起啲唔應該諗起嘢吓話？

發生咗啲咩