[是咁的] 我喺加拿大住咗十幾年, 識到一個女仔叫Z.....(5)

850 回覆
31 Like 5 Dislike
2023-05-23 10:32:46
ops, 2023
2023-05-23 10:34:00
得閒ops就快D拿拿聲出文啦
2023-05-23 10:39:04
差唔多啦,等多陣
2023-05-23 11:08:41
話就話同Z約好咗, 喺我走之前呢半年入面每個禮拜都食一餐,但事實上並唔係個個禮拜都去得成.

因為始終我女朋友係D、唔係Z, 有時撞啱要去睇戲或者有啲朋友活動、甚至要去見律師傾嘢, 就唯有選擇同Z擇日重食.

雖然之後嗰幾個月, 我斷斷續續咁同Z食咗唔少餐廳, 但佢從來都唔畀我睇佢個list, 每次問起佢都係hea答我到時我就知, 所以其實我都唔知到底已經食咗幾多間, 不過去親嘅我都係有啲印象同佢食過嘅.

當然有一部分就算佢唔講、我都幾肯定唔會喺嗰list上面出現, 例如有jimmy哥?正仆街嚟喎坐陣嘅金牛苑, 同埋食物水準自從老細A同R反咗面劈炮之後, 已經大不如前嘅檸檬樹等等.

亦有一部分係我哋一早知已經執咗嘅豐衣粥食、common gate嗰間扒房咁, 想去都冇得去.

係橫掃曬成個markham範圍之後, 我哋終於再次現身大家都好耐冇嚟過嘅Finch, 望住我一早估到佢執撚咗嘅意大利餐、好休閒咁點咗支煙、吸咗啖之後遞畀Z.
2023-05-23 11:08:56
Z吸咗痰煙之後就話:老細你真係去邊間執邊間個喎...

我:咁都仲有好多間屹立不倒嘅....

Z:係係..咁點呀?

我:有咩點呀,呢度附近大把嘢食,求其一間都得啦!

Z:又係呀可?
講完就用揸住支煙嗰隻手、向左同右各指咗一指.

我伸隻手去攞返支煙、吸咗啖之後就向我哋背脊個方向指多指:仲有後呀!

Z:嘩!好威咁喎咁都記得...
一路講一路用個屎忽撞我:不過咪又係韓餐, 是但啦...

我俾佢撞到退後咗幾步:丫屌..好生養咁喎..呢排坐得多呀?

Z:唔夠你..

我:係呀, 我生不逢時咋!如果生喺古代?仆街囉, 我嗰屎忽不得了..
2023-05-23 11:09:10
Z聽見我咁講笑出聲, 之後用手拍一拍我個屎忽:嗱嗱聲決定一間啦, 肚餓呀..

我:肚餓拍我個屎忽做乜啫?想食屎咩你..

Z:你夠膽喺到屙、我夠膽質你食!

我:又唔係我話肚餓,點解我要食呢?

Z:冇呀, 見你講起, 我以為你有興趣咋...

我:屌...

喺我哋身處嗰個地方, 向左走就係tea shop168, 向後同右都係的韓國餐, 我諗咗諗就答佢:咁就你囉, 就去右邊個間啦..
講完我就直接向嗰個方向行過去.

Z:吓?關我咩事呀?

我chok住答佢:男左女右呀!

Z:妖~~~~!好爛呀你!!!!
一路講一路摸下自己對手臂:頂!雞皮都起曬!!!

我繼續keep住個chok樣:一向都爛㗎喇, 你唔係今日先知呀?

Z:頂, 唔打鑊你都對唔住自己!
未講完就已經一腳踢落嚟.
2023-05-23 11:09:37
我雖然預咗但冇諗到Z咁快起腳、想避都避唔切,屎忽硬食咗一嘢:喂屌!講完講丫, 下下都喐手喐腳, 睇住冇人要呀!

Z聽見就笑得好燦爛咁答我:超!有人買咗單啦!你放心!

我聽見佢咁講, 雖然唔知真定假, 但見佢笑得咁sweet個死樣, 斷估應該係講真, 個心係即刻有少少銀住銀住咁, 唯有隨口答佢:嘩, 咁真係恭喜你喎..

Z:嘩, 再假啲吖笨!
講完又扮曬準備起腳.

我:喂仲打?
見到唔對路我即刻向旁邊閃開:又唔知自己腳短!

Z見我閃咗, 即刻出手拍我:短丫啦!小C子企定定!

我諗唔畀Z打兩吓佢係唔會收手, 鬼叫自己口多咩....唯有企定定硬食之後同佢講:丫屌屌屌... 真心㗎, 成日都唔知你有冇拍拖, 而家聽見你搵到主好人家, 我都安樂曬...

Z:唓~口講無用嘅, 今餐你請!
講完剛剛好行到去韓國餐廳門口,就直接拉開門口入去.

我:屌..一定係啦...
2023-05-23 11:09:50
入到去,可能時間關係反而唔多留學生, 好快就有位, 坐低之後極速叫咗兩碗石頭飯同冰麥茶, 就開始無無聊聊咁同Z係到吹水, 期間又幾次我想問Z關於佢男朋友嘅嘢, 但都忍住咗.

直到韓國大媽放低咗碟泡菜同石頭飯之後, 我終於忍唔住開口問:喂....你....

剛剛準備大啖飯放入口嘅Z見我問佢嘢, 就放返低羹飯, 望住我:唔?做乜嘢?

我:冇...食飯食飯....
係呀, 我淆底唔敢問呀, 點丫?

Z:超....
Z見我廢噏, 啤咗我兩眼之後就唔理我, 開始爬飯.

又隔咗陣, 正當我想開口嗰陣, Z由剛剛好夾緊泡菜, 結果我又淆底獸上身, 急速轉話題:你有冇帶膠盒呀?

Z:唔?
Z個樣有啲疑惑咁諗咗兩秒, 之後古古惑惑、眼碌碌咁望住我:我話有你會唔會幫我?

我:我有邊次唔幫你?

Z:吓?你唔係想我數吓話?借埋你對手都唔夠喎..

見柒咗我即刻死兜:泡菜呀, 我講泡菜咋...
2023-05-23 11:10:08
Z即刻反我白眼:頂, 咁耐以嚟得一次咁大把..

我:一次唔計呀?你破同一塊處兩次畀我睇呀?!

Z笑住講:你有嘅我又唔介試呀..

我:啤....

Z:食嘢啦, 咁多聲氣..

我:以防萬一問下啫 ....

Z:仲講嘢喎?
見我駁嘴, 就夾起一忽泡菜、掉咗落我兜飯度.

我:喂屌!我唔撚食..

Z用佢對筷子亨我隻碗:小...

我望住個pat紅紅白白嘅泡菜、口震震咁應佢:Err.....

Z用佢對筷子指一指嗰兩片泡菜:C.....

我用對筷子去“了”吓嗰兩片泡菜, 嘗試將佢哋收埋啲飯底:um......

Z直接用佢對筷子幫我夾返出嚟, 放喺兜飯上面:子.........
2023-05-23 11:10:24
我:唉.....
心諗係唔係都死, 不如喺呢兩塊泡菜污染我兜飯之前拿拿聲食咗佢算數...就潷咗一大羹飯, 然後將呢兩塊泡菜攝咗喺羹飯中間、一嘢拍入口...屌,其實炒咗嘅泡菜我係冇問題, 但凍冰冰嘅真係好撚難食...

Z見到佢淫威又再得逞, 就好滿足嘅笑住講:乖.

然後成餐飯就係“小C子乖”嘅情況下結束咗, 直到送到Z返屋企、佢行埋入屋, 我都冇機會再開口問佢關於佢男朋友嘅嘢, 只能夠帶住疑問、戇鳩鳩咁揸車返屋企.

然後過咗個幾禮拜, 我再次同Z係Finch個邊泊好車之後, 就落車點著支煙.

因為Z本身係呢個區域住咗兩次, 而各自附近都有一間teashop 168, 所以兩間我哋都食過, 但為咗唔使重複兩次, 我哋亦都講好咗只會食其中一間 .

吸咗啖煙之後我就問Z:喂, 點呀去邊間呀?

Z:um....都ok嘅, 邊間近d丫?

我諗都冇諗就答佢:吓?umm... 一間係大街、韓國舖對面, 另一間喺街尾, 呢度行過去我諗時間差唔..屌..
心諗:仆街.
2023-05-23 11:10:38
Z聽見我好地地無啦啦爆粗,即刻嚇一跳:吓!?無啦啦屌乜鬼?

雖然我覺得自己有個好好嘅私人理由唔想再去街尾嗰間teashop 168, 但始終係私人理由、我又唔係好想喺Z面前爆響口, 唯有鳩噏:丫冇冇冇...突然諗起頭路過隻蕉嗰陣唔記得咗買貓糧啫...

Z登大眼望住我:使唔使屌呀, nofrills特價咩?

我:er....又唔係, 不過買開嗰間啫...

Z:超...轉頭同你一齊去Metro買啦..再唔係返屋企嗰陣停一停silver star囉, 又唔係執笠..

我:哦...

Z:咁點呀食邊間呀?

我:你話事囉?

Z:我問你先㗎喎?

我:lady first呀!

Z:所以咪問你囉!

我:屌...丫...去返大街嗰間啦!
心諗既然Z畀足機會我,咁梗係拿拿聲fake佢去大街嗰間...因為..
2023-05-23 11:11:02
Z:ok, 咁去街尾嗰間啦!
講完就直接向街尾個方向行過去.

我:丫屌, 咁你又問我?
正當我以為計劃成功嗰陣, 估唔到埋門一腳畀Z跣我一鑊.

Z:問下咋嘛, 又冇話接受你意見.

我:啤....
唉....睇嚟都係迴避唔到..見Z已經冇理我、揸住我支煙大步大步咁向嗰間舖頭行過去, 我唯有死跟.

越行近teashop 168, 我心情越沉重, 連Z行行下停底想遞返支煙畀我都冇接.

直到同Z一齊行入去tea shop168嗰陣, Z即刻講:嘩!呢間嘢勁耐冇嚟, 都仲係咁鬼死多人, 痴線咩...
然後拉住我去排隊.

我畀佢拉住走, 一路求其hea答佢:係囉係囉..

企定定係隊尾之後, Z又講:話時話, 自從搬走咗之後, 我真係勁耐冇嚟過..

我keep住hea答:係囉係囉..

Z:你最近有冇嚟過呀?

我:吓?哦?有啩?...
2023-05-23 11:11:16
可能我啲答案實在hea得滯, Z終於擰過嚟啤住我:咩料呀你又?

我:吓吓吓?冇冇冇...

Z:點呀?係咪有心事?等姐姐開解下你?
講完就一隻手大大力搭住我膊頭.

我:冇冇冇.....

Z:冇?你肯定?

雖然我feel到Z搭住我膊頭隻手開始變成摙住, 但我仍然口硬:肯定肯定....

Z:諗真啲好喎?

當Z開始越摙越大力, 我忍唔住串佢, 希望可以轉移話題:屌..咁鍾意摙, 去做揼骨吖笨...

Z:有諗住㗎, 而家咪攞你嚟練習下囉!C生, 使唔使再大力啲?我ok喎!

我:我唔ok呢!

Z:小!

我:仆街你又嚟...

Z:C!
2023-05-23 11:11:29
正當我望住個樣勁得戚嘅Z,猶豫緊好唔好講出嚟嗰陣, 168嘅帶位姐姐突然打斷我哋:你哋幾多位?堂食定外賣?

嚇到我哋兩個一齊咦一聲.

即刻望一望周圍, 原來不知不覺已經排到我哋, 而Z一直掛住恐嚇我、而我又一直被佢恐嚇緊, 兩個都冇為意呢件事, Z只能夠語無倫次咁答覆各位姐姐:吓?唉!?oh, 呀..兩..兩個...堂..

168嘅帶位姐姐啤咗我哋一眼:兩位堂食呀?...要等喎, 最快都要十分鐘, 得唔得?等得就留名留電話.

Z:吓?哦...得得得...名落Z、電話416 3XX XXXX.....

168嘅帶位姐姐, 繼續用好機械化嘅語氣答我哋:你哋出門口等啦, 有位會call你.

Z:好好好, 我哋出門口等...

正當Z轉身、準備拉住我出門口嗰陣, 唔知點解我突然口好口賤咁問咗一句:冇位呀, 咁另外嗰間有冇呀?行過去都唔使十分鐘咁耐...

168嘅帶位姐姐又啤咗我一眼:你咪去試下囉, 不過一走我就刪你個名㗎喇喎, 行到過去冇位返嚟要再排過㗎.
2023-05-23 11:12:15
Z即刻好凌厲咁睥咗我一眼、講埋佢之前講唔到嗰個“子”字之後, 喺好肯定我已經唔敢再出聲之後, 即刻擰過去笑住同168嘅帶位姐姐講:唔使唔使唔使...我哋等我哋等....

168嘅帶位姐姐:等就出去啦,唔好阻住門口位.

Z:係係係....
講完之後極速又勁大力咁拉咗我出門口.

出到去喺我想講嘢之前, Z已經喺我衫袋掹咗包煙出嚟, 順勢拎一支插入我個口、仲即刻點著埋:點呀你?食咗屎呀?

我死狗咁吸咗啖煙之後答佢:sor...

Z:sor乜叉野呀?有嘢你就講啦!

我:er... 冇..

Z:冇你老母呀!屌!

聽見Z突然爆粗, 個樣又嬲爆爆, 我決定唔再隱瞞, 同佢講清楚:記唔記得邊個係J?

Z可能冇預計過我會突然講個人名出嚟, 呆一呆:吓?

我:我之前同你食糖水嗰陣...

Z個樣即刻變到好認真、準備聽故咁:哦哦哦...記得記得記得...
2023-05-23 11:12:29
我用支煙指一指身後嘅teashop 168:我哋分手前最後一餐飯,咪喺度食㗎囉..

Z:吓? 咁大鑊?...err.....

我見Z個樣唔知點算咁, 就將自己揸住嗰支煙插落佢個口到, 好無奈咁講:sorry呀...

Z吸咗啖煙之後呼返出嚟:屌...你早講呀....

我:咁我以為我ok㗎嘛...

Z:咁你擺到明唔ok啦..

我:都話我以為我會ok啫...

Z:唉.....
Z嘆口氣之後, 又張支煙插返落我個口度:點呀咁我哋去第二間?

我:唔緊要啦, 都攞咗位, 冇事嘅...

Z:你係得至好喎...

我:ok嘅...

Z直接喺我個口掹返支煙出嚟, 自己吸咗啖:唉, 今餐食豪啲, 我嘅!
2023-05-23 11:12:45
見到Z豪氣萬丈嗰個死人樣,我忍唔住笑出聲:屌, 濕鳩168可以有幾豪?

Z諗咗諗之後答我:uummm......一陣唔要套餐, 全部散上!

我:屌!咁嗰啲唔係叫做豪, 嗰啲叫戇鳩!

Z:屌!陪你戇鳩一次, 有乜所謂呀!

我:你係至好講呀你!

Z:怕你呀!

正當我哋兩個喺人哋門口屌屌貢嗰陣, Z個電話響起嚟, 我哋下意識同時間望入去teashop 168, 見到帶位姐姐示意我哋入去.

入到去跟住帶位姐姐左閃右避咁、攝入咗一張窄到仆街嘅2人枱之後, 我諗都唔諗就嗌住帶位姐姐, 準備成個menu鳩點一次:姐姐呀, 唔該我想要..
2023-05-23 11:12:57
點知嘢都未講完, Z已經打斷咗我、搶住講:一個蒸排骨飯套餐、跟墨魚丸同洛神紅茶, 一個椒鹽雞套餐、跟甜不辣同花茶,唔該!

我聽見只能夠O撚咗嘴咁望住唔敢望住我嘅Z, 直到到帶位姐姐覆述完Z落嗰張單、行開咗之後,我先逐個字逐個字彈出嚟屌柒佢:仆、你、個、街、丫!你呃鳩我?

Z滋油淡定咁擰過嚟望住我講:唉...傻豬嚟嘅, 人生在世, 不如意事十常八九, 一次半次少不勉....

我:嘩!你條仆街講啲咁嘅嘢..

Z:畀我呃, 好過畀街外人呃丫...

我:屌....
2023-05-23 11:14:03
今日應該出住咁多先, 跑緊入最後大直路

如無意外應該再多一篇就完
2023-05-23 13:55:55
你出埋先打FF7 remake啦!
2023-05-23 13:59:33
琴晚已經開始打緊
2023-05-23 16:44:59
終於出咗 但係我又睇完咗
2023-05-24 00:21:22
你養泰妹?
2023-05-24 07:41:41
等等先
算命婆話今年有,有冇話係你老婆有先?
2023-05-24 07:42:31
講埋10-11月咁specific
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞