5000-10000mAh輕便尿袋求推介

明白既，畢竟而加好多工廠都仍舊設係中國

你開始用未，想問係咪可以同時叉兩樣嘢？ thanks

可以，佢一個係 USB C、一個係USB A ,同時間差兩樣嘢冇問題,不過當然就會平分番個w數，同埋如果當你充緊電嘅時候，無論係單獨用C 或者 A , 只要佢支援快速充電，顯示屏嗰度就會有個綠色嘅閃電公仔,因為我本身就用iPhone嘅，貌似去到70-80%後，個尿袋就唔會幫佢快速充電，可能係想保護返粒電池，不過我都係用咗半日，用耐啲先至知

尋日玩咗陣，可以，師兄，你可以睇返我樓上嗰個回覆，因為咁啱有同一個問題

都係我嚟，驚你miss咗問多次

原來係咁

我過多陣整合一下，將我所知道嘅嘢都打晒出嚟，咁大家就會知道呢舊嘢嘅功能雖然都係好簡單

巴打 個尿袋幾多錢？

整合報告-Smartcoby 30w 10000mAh

感激大家既幫忙，揀左呢隻，同大家分享下

佢有兩個插口，分別係 USB A 同 USB C , 獨立用的話，佢哋嘅最高輸出都係一樣去到30w，對於電話而言，絕對係開到呢個快充功能，而幫佢開咗呢個快充功能嘅時候，顯示屏會有一個綠色閃電符號，充電之後大約5到10秒，如果開到的話佢就會show出嚟，當然啦，USB火牛同充電線既質素/充電規格都有影響。

USB C 口 用黎 幫尿袋充電 （最高20w)，充電話最高30w,有快充功能，尿袋如果快充緊，一樣有綠色閃電圖案，有18w己經開到，但係應該同本身個火牛既制式有關，因為我有兩個充電器，用同一條線，其中一個係可以開到快充，另一個唔得。充緊電嘅時候，佢嘅電量percent會閃住充，99-100 係充最耐，充滿佢就會定格。

USB-A 口 充電最高都係30W ，我拎咗部舊嘅電話出嚟充電測試下，佢一樣可以開到快充，一樣都有綠色閃電圖案。

USB A & C ，可以同時使用，即係話一次可以充電兩個裝置，留意番，30w會平分共用，充電速度上相對會慢咗，但係都係可以接受嘅。

另外，呢個尿袋係可以一邊幫尿袋充電(USB C口）、間公司好似叫呢個功能做 直通電 、一邊幫手機充電（USB A口），我測試過，雖然充電速度係慢咗，但係至少兩件裝置都可以充到電，未至於會倒扣，但係如果邊充電邊打機我就唔知了。（可能好多市面上嘅尿袋都有呢個功能），我唔清楚

充電速度，無論係尿袋充電，定係手機充電，速度上我都幾滿意，個轉化率都可以

官方數據，尿袋重量係183g ,我自己磅過出黎結果係 178.5g ,我估計應該係因為我嗰個迷你磅有少少唔準，但係無論係咩原因，應該都唔會重過183g。

體積方面，具體咁講，就係同一包Temple紙巾基本上一模一樣咁大我諗男女都可以一手掌握




以下圖片俾大家參考，影得差請見諒
大家可以喺入邊見到綠色快充閃電圖案，尿袋自己充電又好，幫電話充電都好，只要w數夠，制式支援，插落去等一等之後佢都會show

另外，尿袋側面亦都有詳細嘅充電數據資訊，大家可以參考吓

$198 ,我喺網上面搵的 唔記得打返價錢話俾大家知，抱歉

大家留意番，呢個尿袋，好似係得半年嘅保養期，呢樣嘢我冇去深究，因為我諗都唔會咁快壞

就算壞咗，最多買過

呢個模咪年幾前有隻係特賣城賣過叫ATTIENNO 既10000mah 25W
個外觀一模一樣，不過而家升級左到30W

買佢點解唔比sharge閃極果隻，半透明好撚型

師兄，你好感激你嘅資訊，因為我當時都係根據各位師兄俾我嘅型號或者牌子去睇，所以睇唔到你呢一隻
不過我啱先都上網睇咗到師兄，呢一隻都唔錯，但係如果真係比我揀，我可能都會揀我買咗呢隻，因為師兄講嗰隻係20W,同埋佢冇數字顯示電量嘅功能
點都好，多謝師兄

高質到以為係打手

大家互相幫忙、以上資訊僅供參考，畢竟我都係買咗一日，暫時都幾滿意

我用過佢幾款尿袋，覺得一半一半（佢有D型號真係好廢，但有D真係幾好用）

買過兩個，用2年差電嗰陣有明顯電流聲

邊度買 幾錢

師兄，你好，我係喺某C字頭拍賣網 買的，$198
貪佢就腳，師兄亦都可以喺Google search，都有好幾間網店有賣、不過價錢差 十幾廿蚊。

係，用緊，差返個尿袋係真係快，夠差14pro max 一次有突

多謝師兄介紹有機會都可以試吓

我又無
但以佢價錢同表現，用2年都抵屌
況且佢每年高階尿袋都出新model

舊電係邊度做
聽人講紫米會有LG/Samsung電
其他好多都係大陸電

我喺網上面嘅資訊搵到嘅資料,我諗應該係LG做嘅除非個網呃我

thx! 實測可以幫電話叉倒幾多次？

暫時我都係買咗一日，未去到充電測試呢個位
不過依照我第一日充電，對照返 尿袋個電量percent，我部iPhone 11 Pro 應該可以充到 接近2.5次，（小弟部機啱啱換咗電無耐，健康度98%）

個轉化率都尚算可以，畢竟佢成30w輸出，電壓比較高。