照顧小朋友都幾辛苦（4）

想問下大家 有無邊隻初生bb奶粉推薦

暫時睇中牛欄牌同美素佳兒，呢2隻得唔得

美素佳兒由1號食到依家3號，冇特別問題，便便都靚

hipp 淡口，有機，無多餘野無致敏野，價錢ok
牛欄算重口味

重口味係指甜得滯啊？

同其他比佢糖含量係高d

illuma

不過講到尾都係睇bb夾邊隻
人地講到好好你個b唔食／唔夾會便秘肚痾多痰濕疹都係冇用

老婆生完3星期好似抑鬱咁，會無啦啦喊，小小野又好情緒化，我已經盡量唔講野，唔知點算好

係咁架，我生完日日喊到失戀咁唔知做乜9
瞓瞓下都可以喊
唔係你做錯都唔係佢亂諗，係hormones令佢咁
陪住佢聽佢講支持佢肯定佢，叫佢有任何情緒都要同你講，開心唔開心都講唔好收埋

產後1年都係抑鬱高危要小心處理，辛苦你喇爸爸

荷爾蒙影響會咁，有冇得俾d me time時間佢抖抖氣休息下？

唔知係咪講呢隻
不過我個小朋友一歲前都係用呢隻枕頭
原因係驚佢訓訓下嘔奶會濁親

坐完月就帶佢出街抖下氣
盡量多d幫手湊下BB

所謂夾，係唔係只要屎靚就得

試下盡量比佢對少d個bb

你信的話，兩年前消委會出過報告講過某幾隻牌子嘅奶粉係有致癌物（不過就未至於要停產）
你講果兩隻都係俾消委會點名話有含量唔低嘅致癌物

果時我都係美素，見到就轉Hipp

如果有工人，4大，搵日放低個bb, 2公婆睇場戲又好，食餐飯又好

大家都relax 下

個B自從識翻身之後，半夜醒咗就開始左擰右擰，
擰擰吓訓唔番甚至擰到背脊向天
有咩方法可以鎮壓到佢
近排天氣開始熱，又唔可以搵重既被壓住佢，熱到出汗又係訓唔沉

唔係架
有啲bb食完會易出疹， 多痰， 多肚風
有啲bb又會唔肯食

熱就開大冷氣，咁張被厚啲都唔怕

但4月未到就開冷氣
雖然BB比大人怕熱，個B太肥肥到睇唔到條頸，開始生熱痱

我都已經開緊冷氣
濕度高佢散唔到熱， 不停出汗， 一出汗就有熱痱， 一有熱痱搞得唔好就好易濕疹

睇黎都係要開冷氣
而家開風扇但佢背脊都係濕晒

美素力1號，出世喺仁安都係食呢隻
bb又唔抗拒所以廢事轉
最緊要係個b啱口味，要慢慢試

好正常
你做男人嘅咪陪伴佢支持佢

係咁 要練習 好命就3幾日就完