[又少一本港漫，期待和仔強勢回歸]港漫綜合討論區 26

英雄十八依家仲有個問題
感覺佢開始偏離黃生喺創刊詞所講嘅寫實打鬥

而我好後悔當初冇追山海
因為佢開頭嘅劇情吸引唔到我追落去
但之後斷斷續續用唔同途徑睇返（都未到最新進度）
發覺一次過睇幾期做觀感又完全唔同

總之虎甲人就一定買

本來就無寫實打鬥，啲動作唔似打鬥，似回合制雙方輪流出招，啲人物出招同佢上一格嘅動作好多時都唔連貫。

我自己還好，我覺得打鬥好唔好睇同寫唔寫實係兩回事，只不過係分鏡差啲。

順帶一提，我有學洪拳，鐵線拳算係洪拳最後學嘅套路。雖然我未學到鐵線拳，但鐵線拳無咁多勁招(咩天雷破係漫畫創作)，鐵線拳取鐵之剛同線之柔，但其實係氣功嚟，你識唔識對你格鬥係無太大幫助。至於用鐵環係負重同鍛鍊前臂硬度嘅練法，裝唔裝上去同練鐵線拳都無咩關係，但電影漫畫因為要容易明白，會營造「鐵環=鐵線拳」嘅印像都十分合理。

寫實打鬥無邊個畫得好喇
如果真係胡紹權編就更加無咁既能力

山海逆戰343 大結局

手手腳腳都生返哂出來
真正bbq ending

連山海都抽

就咁幻想個畫面，黑虫 五狼 已完事，五狼去沖涼，（如果黑虫食緊事後煙仲正），黑虫低頭諗，都係男人好，男人唔會大肚，自然唔會小產。

山海個戰果算唔算係向肥良黑豹致敬呀！

虎甲人加到28蚊有少少失望，點解唔加到35蚊呀！真係驚你捱唔到好耐呀！

比起十年前14蚊本，加幅都幾勁日漫都係$38
咁樣唔駛旨意有後生會睇

山海大團員結局 好感動
前前後後都買咗343期
7年嘅時間

我都係，唔覺唔覺就買左7年

暫時都未見虎甲人創刊出特別版 應該襯個勢出黎賺多啲錢 例如學Art咁$68連草圖版都好

但佢而家都出兩個封面？

三個 有草圖版

科幻

我應該會買馬蛇同原裝封面支持下

瘋狂中出交配 搞到想買來睇
原本想趁住山海完順手cut埋蛇貓

冇嘢睇㗎，兩條黑影响床上之嘛，蛇貓點會畫埋俾你睇？

換手都好笑喇

亂到痴線
絕色殺左人老婆，天刀唔殺絕色，
但絕色仲想報咩仇?

簡單講，玉兒老竇劍痴屌左絕色又唔幫手殺天刀?

但，天刀未死咩？幾多歲呀？