愛在地球毀滅時
2023-06-22 18:34:48
今日星期四又要返工,個人好攰,好在公司無咩做,懶懶閑下去買漫畫睇,英雄十八同殭屍都係唔難睇,但無驚喜嘅作品,真係好悶。
殭屍其實分鏡都流暢過頭幾期,但因為同原著一模一樣劇情,又要遷就手機遊戲,創作上唔會有大改變,對我呢個殭屍迷嚟講只有悶。
而英雄十八劇情ok,人物ok,就係欠缺啲大感動位。例如雄十八、鐵十一出場武功唔差,無熱血奮鬥,以弱勝強嘅感動,又唔覺佢哋會苦練武,又或智取敵人之類。而家通任督二脈,都係好彩遇到高人灌功。主角無受挫折,就少年風發,亦好難鍾意角色。
我想睇山海啊,係山海逆戰,我真係每星期好期待咁去買,點解今日係星期五? Arts 你話出一代宗師或刀劍問乾坤,我都會有想睇嘅衝動。中華英雄開頭我都鍾意,係愈畫愈頹,但未至於要腰斬。