[又少一本港漫，期待和仔強勢回歸]港漫綜合討論區 26

五郎做老豆係最易寫
用老豆既心態去諗番令公 同佢之後點對鐵冰
已經可以寫到好多又吸引
不過執屎強就係乜差都唔要

聖上最後配置日出東方+真.九陽腎石
應該點都勁過依架勇哥呀嘛

勇哥好似復功，加吸左唔知邊條撚樣死左泌左出黎嗰D粒粒，又勁左

根本上手留低嘅好多都好好寫，執屎又要懶撚勁乜都推番，自己寫果 d 又閪，攪到今時今日人人喊屌都係自己攞黎

但改到不倫不類
本身日出東方係外置勁過九陽，近十陽嘅力量

彬強改左變口號招式

見彬龍開新編 比個機會佢買本睇下 一開波四大教主無意義打半期無啦啦話要保養香港 要幾弱智嘅編劇先諗到呢啲唔合理嘅劇情

鳳奪天弱智化 又無啦啦管埋至尊會 彬龍劇情衰過玉記尾段

中華英雄完咗？

唔關事喇, cut水喉係下一本唔俾, 山海會俾到尾

點解係鳳奪天去管至尊會，唔係長空
鳳奪天代通天

其實漫畫上載上網大勢所趨，要付費網上閱讀都無可避免。

我入坑邱福龍係上網非法睇新鐵將縱橫，開頭到西藏尋寶篇真係好好睇，角色、劇情、武功設定同畫面都好好。之後返香港先開始真金買實體書。

呢個網絡平台唔得，揾下一個。我始終覺得邱福龍作品質素高，應該多啲人欣賞。

英雄18真係仲好睇過龍記

硬cut

買咗十期左右就無買

估唔到咁快cut

欣賞還欣賞 我都好鍾意龍哥手畫
但港漫真係無得做
幾千書都唔知夠邊個食 無大陸水真係搞唔掂
鐵將 山海兩套都keep到高質製作真心已經非常難得
我都希望下套龍哥仲可以做到自己想做既漫畫
港漫去到呢刻真心睇一本少一本

可能唔續約

香港又少人睇邊維到生
如果大陸有平台佢地可以上傳上去都好

報檔買少見少，七仔又要上架費，港漫真係搞app俾人當雜誌咁每期收少少錢睇好過啦，印刷發行唔駛再俾錢，隨時賺得多過依家，一陣流量高，有人落廣告仲正

我諗主要係買既人多數係上左年紀？
驚佢地唔識用平台睇？

如果真係要咁做記要一邊出實體一邊教讀者轉用平台

但除左玉郎有錢搞平台之外 唔知邊個會咁搞了

冇㗎，一邊可以爭取年輕讀者，一邊咪俾老鬼睇，其實可以同時做，文傳其實最有潛力搞，佢哋大把舊書，反而唔知佢哋點解唔搞

搞死印刷發行已經唔敢喇
就係成條生產線大家有錢齊齊搵個概念佢地唔想破壞已經唔會諗
始終點分錢個問題最緊要 投稿方式出再靠點閱人數分錢 定賣斷版權俾人已經計唔掂
要搞文傳做牽頭實搞到 但大家都唔想蝕底就乜都搞唔成喇

玉郎都唔會有錢搞平台
其實香港有錢搞漫畫平台, 一係馬Sir, 一係文傳, 其他都好無乜機會。前者唔會搞, 後者無心搞, 所以都..........

Penana真係算係堅持同做得好唔錯嘅平台, 但始終都未夠普及

點分錢真係好難, 你叫龍哥免費俾套稿你上架, 有人課金先分俾佢, 龍哥又未必肯。平台俾返稿費俾龍哥, 個平台又要有錢燒, 好兩難。

為打而打，打完又愛回家咁各自返歸

市場唔夠大，做唔到網上版啦。
況且做網上版，最重要係意念行先，畫功係最唔重要。
之前有追開嘅條漫奇奇怪怪果類，都係用意念吸引人。
不過有樣野係真，漫畫家20幾歲成名，30歲左右大熱，創作力畫功到巔峰，之後就一會回落又或者以拖稿方式延長生命eg富奸
一係井上咁超慢功出貨。

可以20幾年咁樣連載大熱作品，咪尾田，但都俾人鬧重覆啦集集run please。

安達充果類30年都長期維持到同一水平嘅真係億中無一。

都係新一章為爆而爆引讀者喇