都二十年前嘅電視劇,劇透唔理啦。
我和殭屍有個約會,原著有講羅開平對PiPi 有好感,之後平媽唔鍾意PiPi 係舞女,一直罵PiPi 係邪花。同時平媽好鍾意珍珍,珍珍生得靚,做小學教師,心地善良、温柔體貼,當然就然羅開平本人都鍾意珍珍。
羅開平係個好人,對鄰居好好,佢本身係個裁縫,所以會有鄰居揾佢造衫。
羅開平一直未婚,咁平媽心願好自然好想羅開平娶個賢良淑德嘅女人。但平媽係個暴燥同強勢嘅女人,反之羅開平係個軟弱而善良嘅男人,羅開平一方面唔會逆阿媽意,但內心都有啲不滿,但點都好都係個好關心阿媽嘅孝子。
所以當平媽因病逝世,平媽未能見到羅開平娶妻,羅開平先特別後悔同內疚,而幸或不幸,山本未來就係咁同殭屍血,令平媽變成活屍。而平媽變成活屍後力大無窮,殺左舞女PiPi,以防佢同羅開平親近,同時要求羅開平強娶珍珍,羅開平都因為想原阿媽心願,咁荒謬嘅事都答應。
後來同漫畫一樣,呢個係點解羅開平變成餓修羅,仍然有咁多鄰居街坊願意協助佢投胎,佢的確係個軟弱嘅男人,但心地本身唔差。而珍珍就算被逼婚,都願意去救羅開平,因為珍珍本身好人之外,羅開平都係個好人。
但漫畫將以上細節刪減,為左手機遊戲而夾硬出啲低質素嘅漫畫,十分無癮。