正義迴廊現正上映中(2)

其實智商84係咪同正常人分別唔大 基本上正常人做到既野佢地都做到 係可能會慢d load耐d

冤獄比放過一個有罪嘅人更加唔公義

如果講真人 係自殺完 先識人介紹印尼妹結婚

係
時序係分手之後唔知幾耐先三料自殺

多謝巴打嘅解釋，一直都諗唔明個戲名有咩意思，你嘅解釋解通咗👍🏻

好撚好睇
我無補充

咁本身齣戲都有佢嘅定位同立場，並唔係公正持平咁做返個判決結果出嚟觀眾睇完受引導都係預料之內。

未入場睇之前我都留意呢 part 究竟發生咩事。

睇完之後，我理解為兇手受希特拉嘅影響都幾大，可能都有用希特拉嘅思考方式去諗嘢，電影透過穿插佢扮希特拉呢幾段，我又覺得接受到喎。

楊偉倫做得好好，一定做左好多資料蒐集，講嘢態度語氣動作思想表達同周有8成似

利：周幾年同班同學，讀書時成日一齊玩

希特拉同佢親信喺納粹滅亡之時，大家係鋪定路自殺，免被人生擒折磨。（尤其以宣傳部長冚家鈴最為悲壯)。

佢當正自己係希魔，於末日之時都要將自己親信親自解決。

同意，法官其中最重要嘅角色就係向陪審團解釋法律，例如謀殺同誤殺嘅分別，兇手如果判斷有精神病又屬唔屬於謀殺之類嘅法律原則。

好多案件都係因為原審時法官錯誤引導陪審團而獲得上訴嘅機會。

呢齣戲，控辯雙方傾完就收陪審員手機，直落投票嗰 part，如果畀啲戲份個法官，畀佢解釋法律觀點，應該更完滿。

我又係一路睇一路話佢焦sir
角色太深入印象
但佢呢套係演得好出色
怪就怪iswim太on9，令我睇到出左位

佢急係識得搵地方屙，唔會屙落架車度
佢係特登喺人地屋企門口屙

首先你要諗咩叫公義先
律師本來就唔係偵探/警察，佢地職責唔係要尋找真相而係要維護客戶既利益
如果叫佢爭取公義咁林海峰個角色有咩可以做姐，個客殺左自己老豆老母，公義咪送佢入去坐監，咁做佢律師呢個時候點好

放過一個有罪嘅人然後再爆多單殺人咁點計

都諗起美國有一單冤獄畀人屈謀殺，坐咗幾十年之後終於翻案，但放咗出去之後真係走去謀殺

肥仔急到識落車去柯但要柯係gf門口
肥仔記性好差但關姓張嘅野就記齊晒自己野唔記得
肥仔前言不對後語但疑點歸於被告

有做過=/有罪係兩樣嘢
有無罪係法庭先有資格判
你似乎係想講有做過唔係有罪

如果唔係寧縱無枉而係調返轉，又會有人話都未判就坐左，萬一最後發現真係無罪咁又點計
所以其實制度係無完美，一切都係取捨

林海峰做到個種港式smart ass嘅感覺
現實係中環金鐘成日見到呢種feel嘅人
真正高智商完全食住自以為是嘅張顯宗

不過如果講返單案，我都諗唔明肥仔同佢兩老無仇無怨，點解要提議隊冧佢哋仲要幫手滅口。

周凱亮用二十分鐘殺完人，然後負傷去醫院嘅 facts，呢度嘅疑點係，點解佢會受傷？

周話肥仔合力殺人時錯手隊錯佢。

但我反而諗，會唔會係佢兩老掙扎時整傷周凱亮。

可惜係大廈無 video record 影到當時肥仔有無上去。唔知肥仔當年有無提供到不在場證據為自己洗脫嫌疑。

但我認為肥仔事前係同周合作有晒殺人計劃，買架生，做 budget，plan 步驟，全部有晒記錄，呢 part 斷到正。但係有無落手殺人，就係呢個疑點令佢脫罪？

講多啲周係個咩人

睇埋大叔的愛