正義迴廊現正上映中(2)

其實林狗除咗講笑話唔好笑同痾尿之外都冇咩嘢好反嘅

大笨蕉個口供係佢得20分鐘殺人，之後既野係由肥仔做，而佢1個人無可能20分鐘內殺完人仲要處理埋屍體，成件事好似好合理咁。

但由於驗屍鑑定唔到死者既死亡時間同點死，所以無野證明到大笨蕉講既野係咪真。

由於2條屍既殘骸仲係屋，所以只能合理推斷佢地係現場死。但就算係咁都唔可以咬定肥仔有份，因為過程入面太多疑點。

佢可以好似佢講咁，返到屋企見到2條屍就驚到仆街，咁個人低低地就唔識反應，而段msn就係大笨蕉自問自答。雖然呢d可以係大話同假設，但就係因為無證據證明佢有份殺同計劃，所以唔可以判佢有罪。

一開頭佢問過上司邊d野叫有用，但上司其實都唔知，太極左件事就算。

點知佢返去見到會計試答案，先驚覺庭上無人提過肥仔過到會計試所以唔係傻。即係佢走左去左做社工，先發現果d開頭以為唔重要既野先係重要證據。

其實都有証據証明佢串謀，因為佢買工具有做會計，有一齊買工具，電腦記錄，電話記錄
不過佢話佢唔知買啲工具做乜

代朋友宣傳英國正義迴廊

佢安排咗訪問正義迴廊導演同兩位男主角
會幫觀眾問問題, 大家幫幫手留下問題
香港同英國嘅觀眾有嘢問都可以留言架


https://www.facebook.com/photo/?fbid=546620557470605&set=a.474398328026162&notif_id=1667570774845688&notif_t=feedback_reaction_generic&ref=notif

咪係囉，買刀可以係食牛扒，唔代表佢殺人。講到尾係個官同陪審員信唔信佢。

真係識戲

iq test 其實只係俾d關於數學同邏輯既問題你去答，但正常認真既做法應該有過100條，但當中可能係有2到3次以上題型係極似既，學術上係一種信度既測試。

我用簡單d既例子，例如題目有150條，但其實係得50條但就每條做3次咁，咁理論上岩既就會3次都岩，唔岩既就3次都唔岩，如果佢有時岩有時唔岩，即係答題者係撞既。當然份野有一定容錯度。

即係一個高智慧識答果d題目既人，佢有心記得自己要錯咩題目，再加佢記得自己點錯，係可以文件上呃到人。

有咩証據指向佢？重睇啦

補充多少少

就係人既智能係多元既，iq唔係一切，而iq test 只係睇佢iq , 仲有大把野可以判定個人能力。

例如好多人講既eq, 情緒智商勁既人好識控制自己情緒同令人信佢，可能肥仔係iq低eq高都唔奇。

我以為係最後兩步kick住左冇叫佢上屋企殺埋佢🫣

啱啱睇完
兩個幾鐘既文戲完全唔眼訓
肥仔既演技勁好

剛剛睇完，完全冇冷場～真心今年推介。
兩個男主角好好演技，應該提名走唔甩。蘇玉華表演亦都好勁。
Manage 3X個演員，同一個咁 in depth故仔，原本依部係個導演嘅第一部作品。

離埸反思，何為公義….

片入面咁多［精警］對白竟然都可以逃過被剪命運，
而且運用得恰到好處
真係好正。
呢套戲先值得睇多次

其實我有睇到眼濕濕，當聽男主角講自身經歷嘅時候，一嚟諗起自身經歷，二嚟又有諗，如果當時有人幫佢一把或者真係教佢行返條啱嘅路，佢會唔會冇咁諗歪

嘩屌 原來主席係Amen黎完全認唔到 老左勁多
細個個時仲睇緊佢主持有線兒童台