我無啦啦同隻芝娃娃交換咗身體,跟住無啦啦又遇上喪屍大爆發
佐治戰車
410
回覆
84 Like
21 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
佐治戰車
2022-10-04 01:02:07
多謝幫推
椒鹽蝦米
2022-10-04 01:15:36
被竇軍師(A1)
2022-10-04 02:05:26
加速
齊齊針
2022-10-04 04:09:08
咁都仲有得變嚟變去
你呀媽個波罩你呀
2022-10-04 09:52:07
Cls故
佐治戰車
2022-10-04 10:55:26
佐治戰車
2022-10-04 10:56:26
呢個故既精髓
瞓覺吃一杯雪膠
2022-10-04 13:02:38
幾時更新
佐治戰車
2022-10-04 13:52:44
今晚
麵包寶寶
2022-10-04 14:39:54
支持支持 仲睇緊
裸體殺手
2022-10-04 15:34:51
點解無屌到大波妹
7cool-look
2022-10-04 17:05:08
以為有甜 點知得gay
齊齊針
2022-10-04 17:35:37
佐治戰車
2022-10-04 17:44:19
椒鹽蝦米
2022-10-04 22:40:03
佐治戰車
2022-10-04 23:48:34
「細佬咪郁!」
粉衫大隻佬伸手捉住老鼠條尾,一嘢將佢從我個口扯出嚟。
隨即佢再黎手一掉,成隻老鼠撼咗埋墻,最後跌落地下無咗反應,唔知係暈咗定瓜咗。
而我個口同牙嚹殘留咗一啲血跡,於是拿拿臨衝入廚房用水𠺘口。
點知水龍喉無水出,唯有出返去拆開排汽水,用雪碧、可樂嚟沖走嗰浸血腥味同老鼠身上嘅臭味。
「你又會咁黑仔,咁大隻老鼠跌落個口度都有嘅。」粉衫大隻佬對我講。
「係囉,又會咁都有嘅,呵呵。」我詐詐諦笑一笑。
下一秒,對方面色一沉,好認真咁問我:「嗯?細佬你把聲做乜怪怪地咁嘅?」
「Er…可能…咳咳…可能頭先嗌得太多…嗌到把聲沙咗…」我盡量壓低把聲講。
「哦~原來係咁~咁你個傷口仲痛唔痛?」
「仲有少少,不過感覺好返好多。」
我把口係咁講,但其實感覺點只好返好多,直頭係爽到爆添啦!
除咗手臂個傷口有啲痛之外,我徹底咁感受到全身力量澎湃。
二頭肌、三頭肌、腹肌、背肌、胸肌,總之每一舊肌肉都結實有力,摸落去硬掘掘,手感超正。
我覺得依家呢副偈完全唔輸蝕俾「美國隊長」,假如女神見我變到咁大隻,話唔定會向我投懷送抱。
「細佬,你發姣呀?做乜喺度自摸?」
「唔係呀...係個身有啲痕...𢯎痕啫...𢯎痕啫」
為免令粉衫大隻佬生疑,我諗我都係盡量少啲出聲、少做啲無謂嘢。
「咁好啦!係時候就做返我地頭先未做完嘅嘢!Hehehehehe!」
粉衫大隻佬笑淫淫咁行去「的」起嗰一男一女。
佢一手推個大波妹到我面前,而自己就捉個恤衫男埋一角。
「你個死基佬放我呀!」恤衫男破口大罵。
粉衫大隻佬一掌啪落個屎忽度話:「你話我基佬,咁我就『基』俾你睇!Hehehehe!」
佐治戰車
2022-10-04 23:56:33
呢刻個大波妹就喺我眼前,佢雙手雙腳都被綁實咗,我嘅視線當然就難免聚焦喺佢嘅身材度。
佢身上著住嘅係一件純黑色T-shirt,心口奇峰突出,下半身係一條黑色牛仔褲搭對黃色boot。
佢對眼兇狠咁掘住我,露出一副想殺咗我嘅表情。
我唔敢直視佢,只敢望佢對波,感覺佢對波好似同我女神差唔多大。
平時我成日都會幻想自己揸女神對波,可惜由始至終都只係得幻想,從未有機會喺現實中揸過。
既然揸唔到女神,咁揸呢條女試吓個手感都好。
反正已經依家周圍都「無皇管」,無需要喺度扮正人君子。
而且條女被綁住咗,斷估都惡唔出樣,可以放心去揸。
我向住條女個心口慢慢伸出雙手,點知條女突然發難,佢跳起身,用自己個頭撞我個頭。
真係估唔到佢手腳綁到實,都仲可以咁樣嚟攻擊我。
我個頭又暈又痛,爭啲連企都企唔穩。
條女隨即一彈一跳,好似想用個頭再撞埋嚟。
我立即伸手去擋,但估唔到...估唔到佢竟然咬我!
佢擘大口咬我隻手,當下呢個moment,我心諗:仆街啦!
俾人咬完會發生咩事,今鋪真係唔使問阿貴都知。
野原。小新
2022-10-04 23:58:29
佐治戰車
2022-10-05 00:02:17
五秒後,我地交換咗身體。
「咦!點解會咁架?」個大波妹摸一摸自己心口,發現自己對大波波唔見咗。
我耷低頭,睇見心口有兩舊嘢突咗出嚟,仲有手腳被綁住咗,心入面當堂係屌咗出聲。
跟住個大波妹望過嚟,指住我話:「呢個…呢個我嚟架喎…但係…依家我嘅身體又唔係我呢個身體…咁即係咩事?」
「講出嚟你可能唔信,我同你…」
最緊要嗰四個字,我都未講出口,條友行開咗,周圍喺度摷:「鏡!我要照鏡!有無鏡呀!」
摷咗一陣都摷唔到,於是佢喺紋身佬個褲袋度,拎咗部電話出嚟,並打開自拍鏡頭 。
「我…我…」佢望住電話嗰刻,表情好驚訝,令我諗起至尊寶揸住照妖鏡,照到自己變咗孫悟空嗰一幕。
我諗佢呢刻心情一定好崩潰,一定係接受唔到自己變成男人。
過咗一陣,大波妹收起電話,過返嚟問我: 「喂!你頭先想講咩?」
「我想講,你之所以會變成男人,係因為我同你交換咗身體。」我回答話。
「即係好似『你的名字』咁樣?」
「你都可以咁講,如果你想變返女人,咁只要再咬返我一啖就得。」
「哈!」佢嘴角上揚,大笑出聲,「哈哈哈!我變咗男人!哈哈哈哈」
佢一邊笑一邊除褲,露咗碌撚出嚟:「哈哈!賓周!我終於有賓周啦!哈哈哈哈哈!」
What the fuck!呢條友係咪short撚咗?做乜笑得咁開心?
粉衫大隻佬俾佢嘅大笑聲吸引,佢休住條褲行過嚟問:「細佬,咩事咁開心呀?」
大波妹望一望角落頭衣衫不整嘅恤衫男,然後拉返高條褲,行到佢「阿哥」面前。
「咩事呀細佬?」
上咗紋身佬身嘅大波妹無出聲,突然一個右勾拳打落對方塊面度。
斷估無痛苦
2022-10-05 00:03:13
呢次上身咁快就玩完
仲以為有得玩下個大波妹先,屌緊嘅途中申隻手指入佢嘴點知比佢咬咗嘢又再交換身體
屌緊人即刻變做俾人屌
佐治戰車
2022-10-05 00:10:18
「細佬你癲撚咗呀!阿哥你都敢打?」
「嘩!拳頭好有power!爽呀!」跟住大波妹連環出拳狂毆。
粉衫大隻佬聽見「細佬」把聲變咗女人聲,嚇咗一跳。
佢一邊擋隔,一邊問:「點解細佬你把聲變成咁嘅?」
「因為我唔係你細佬囉,懵柄!」大波妹出手超狠,拳拳到肉。
「阿哥!你喺邊呀?」忽然間,有把聲音呼喚緊自己阿哥。
粉衫大隻佬認出細佬把聲,立即東張西望。
大波妹想趁機起飛腳,點不知俾對方避過咗,然後大隻佬反過嚟起腳還拖,將大波妹踢到退後幾步,隨即更低頭發現有隻老鼠叫緊自己。
「細佬?係你?」
「阿哥!做乜你變到成個巨人咁嘅?」
「細佬!你…你變咗老鼠?」粉衫大隻佬捉起隻老鼠。
「阿哥小心!」
大波妹舉起成張圓形餐檯,一嘢車埋去大隻佬。
好彩隻老鼠提一提,咁大隻佬先及時踎低避開。
結果張圓檯撼咗埋去封住大門口嘅木板度。
「卡喇」一聲,成塊木板裂開咗,出面啲喪屍開始撞門想湧入嚟。
手腳同我一樣都被綁住嘅恤衫男,呢個時候彈吓彈吓咁行埋我度:「Irene!你無嘢呀嘛!頭先條友有無搞你?」
「我唔係Irene!你個Irene家陣上咗嗰個紋身佬身!」
「吓?你講咩呀?同埋你把聲點解唔同咗嘅?」
「頂!總之成件有啲複雜,依家唔好講呢啲嘢嘅時候,出面啲喪屍隨時衝入嚟,你快啲去廚房搵把刀又好、較剪又好,總之搵嘢解開我地身上啲繩啦!」
「但你唔係Irene,咁你係邊個?」
「屌你仲問?去啦!」我大聲喝佢佢先肯郁。
佐治戰車
2022-10-05 00:19:23
另一邊廂,粉衫大隻佬似乎已經發現,眼前嘅紋身佬並唔係自己細佬。
佢真正嘅細佬反而上咗隻老鼠身。
「雖然唔知發生咩事,但快啲還俾個身體我細佬!」粉衫大隻佬將老鼠收喺褲袋,之後出招攻擊大波妹。
「有本事打贏我先講啦!」大波妹上前接招。
「砰!砰!砰!」
同時間,出面一大班喪屍不停咁撞門,十幾手已經喺中間條門喇度伸咗入嚟。
咁嘅情況下,佢地仲掛住打交,真係服咗佢地。
「搵到啦搵到啦!」恤衫男喺廚房搵到一把生果刀。
佢先𠝹斷我手上條繩,然後我就自己用刀,𠝹斷埋綁喺對腳條繩,最後再為對方鬆綁。
「哎呀!」上咗紋身佬身嘅大波妹中咗對手一腳,成個人飛身仆落地下,啱啱好仆到落我地面前。
大波妹掩住手臂嘅傷口:「可惡!估唔到條友咁抽得!」
「Irene?係Irene把聲?」恤衫男一吓就認出大波妹把聲,「Irene你…你…」
「係呀!我終於得償所願,變成男人啦!哈哈!」大波妹搶答。
「快啲俾個身體我細佬!」粉衫大隻佬怒氣衝衝。
就喺下一秒,一大堆喪屍卒之衝破大門,陸續湧入嚟茶餐廳。
大隻佬企嘅位置最靠近門口,因此即刻就俾幾隻喪屍纏上。
細個我喺呢間茶餐廳返過暑期工,知道後門喺邊,於是第一時間轉身搵地方走。
「喂!仲呆喺度做咩呀!走啦!呢邊呀!」我大聲嗌恤衫男同大波妹。
本來佢地俾啲喪屍嚇呆咗,俾我嗌一嗌個人先醒返,拿拿臨跟埋我一齊走。
「咪走呀喂!」聽把聲,粉衫大隻佬好似想追上嚟。
然而當我地再回頭嘅時候,佢已經俾淹沒喺屍群之中,成為喪屍嘅食物。
反觀我地則有驚無險,順利逃離出茶餐廳。
佐治戰車
2022-10-05 00:22:06
因為女神先係男主角目標
佐治戰車
2022-10-05 00:33:14
故事待續
你呀媽個波罩你呀
2022-10-05 00:36:16
主角會唔會每變一次身就學到新技能
Eg 變老鼠識爬管
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞