嚟到英國一年，仲係賣緊眼鏡之你問我答 (1)

係呀，原來嚟到英國嘅曼城已經一年，幸運地一到埗就有人唔介意我嘅英文水平而請咗我，喺呢一年我都叫做了解多咗英國Independent Optician係點做法。

Optician同牙醫一樣唔係間間都做NHS客，而香港人雖然有交IHS Surcharge，但並唔包NHS驗眼。NHS會包以下群體免費驗眼:
16歲以下及60歲以上嘅人
16/17/18歲嘅全日制學生
糖尿病/青光眼患者
拎Benefits/HC2
而16歲以下嘅小朋友連眼鏡都有資助，連爛眼鏡同唔見眼鏡都包

英國眼鏡以白鏡為主流，不反光好多時都要加錢
Hoya少見但蔡司就好常見
喺Opticians配con要定時覆驗眼睛狀況，所以都唔少人拎度數上網買

我將自己喺香港嘅學歷同資歷交咗比GOC，睇吓有無機會申請到配鏡師牌，仲等緊覆(斷估都要讀返書)



個人覺得除咗努力落地生根之外，喺英國嘅香港人可以做更多:
每個月捐少少錢比細葉榕:
https://www.instagram.com/banyantreeaid/
有時間試吓寫信比牆內手足:
https://www.instagram.com/fung1seon3zi2/
開Twitter同五毛駁火，同同路人互科同retweet，外國人注視同了解香港狀況嘅人比大家想像中多好多。

雖然人唔喺香港，但關於香港眼鏡嘅嘢知嘅都會盡答
想配鏡嘅朋友我推介呢兩間，原因在心中:


佢地可能無i-Profiler，無幾百萬嘅工具儀器，不過兩間so far都無聽過咩嘢負評，亦唔見有打手，所以我放心推薦
如果有眼鏡想搵人做拋光翱新，我推薦呢位職人:
https://www.instagram.com/david_eyewear_polish_hk/
絕不推薦Zoff/Jins/Aojo/木九十，真係想搵速食店嘅似乎Owndays可以接受

同一時間，繼續龜速整緊長問答，會係一D我想詳細少少做解說但又未必個個有興趣嘅題目，可能係深入少少嘅鏡架鏡片介紹，又可能係一D行業嘅八卦，因為Medium可以隨意更改修整，所以揀咗呢個平台，有興趣都可以睇吓
https://medium.com/@852opticien
(有簡單講鏡片同con嘅嘢，而其他例如抗藍光抗疲勞鏡片嘅專題，仲有襯面形揀眼鏡嘅心得，都努力寫緊)

啱啱睇完pretavoir uk嘅Dita
同我公司同價，真係平咩
仲有諗諗吓，蔡司1.67 ASP DVPB 英國賣200-250鎊係正常價...

有啲有discount
唔計discount 都平過香港

英國冇雙非鏡？
依家諗緊淨架買返hk 再搵視光師配定直接係pretavior 網上配？

你見其實歐洲兩大龍頭都無double aspheric lens
因為佢地心目中覺得精密非環面鏡片仲好過雙非球

個人選擇嘅話會喺香港配鏡，一來有得跟，二來選擇較多

Pretavior d框信唔信得過？

你好，唔好意事做伸手黨
我一家過左黎英國半年，
囡囡仍然帶緊香港配的矯視蜂巢鏡，就夠一年
請問現在可以去英國邊度配到，
有冇好似香港理大謢x中心嘅服務？

謝謝你幫手解答

香港online訂2舊幾水已經有副包近視散光藍光，眼鏡越黎越難做？

以我所知英國係有人做DIMS鏡片的
我知嘅其中一個喺曼城

我見英國人都係上網買，信得過啩

不過我要強調，我自己未試過

英國無香港眼鏡行嗰d濕鳩嘢，又要嫌人地上網買，又要話其他舖係水貨，始終歐洲人去其他國家買嘢好易，好多網上渠道其實都係搵supplier拎貨，慳咗舖租，又唔使請optom/do駐場，自然平d

客路唔同
上網買眼鏡嘅客，實體店係好難做到
但只要個客領過嘢，要去店家較眼鏡跟進，咁佢亦都唔會再上網買眼鏡

英國有local optician嘅概念，有咩就搵返同一間optician搞，即係類似家庭醫生咁，每兩三年就返去跟進一次眼睛嘅狀況

Owndays睇中左個框 個框都幾大
我近視450散光50
唔想對眼同面形變形
值唔值加千幾蚊轉雙非1.74？

LM

如果你想盡量減低扭曲變形，揀更平更薄嘅鏡片係必須（雖然度數同視力矯正上無需要，但你講緊美觀問題）
同埋千幾蚊有1.74雙非都唔錯

但效果會唔會同1.74單非差好遠

理論上更薄嘅邊緣對於邊扭曲視感嘅修正會更好
而足樣就係雙非球面做嘅嘢

至於差唔差得遠，邊緣嘅減薄喺呢種度數其實數字上相差唔多
始終未過-6.00
但感覺唔係客觀量度到，而光學設計同折射率兩樣我會選擇雙非球面多過高折射率

樓主可唔可以解釋少少owndays呢類速配同其他眼鏡舖比會爭咁啲咩？

其實速食唔係新概念

香港一路以嚟都覺得眼鏡店係
「鏡架 + 驗眼 + 配鏡」，然後車鏡就比其他人處理
但其實如果要拆開
可以有齋賣鏡架嘅Optical Boutique (例如太子嘅dor for)
又可以有齋驗眼嘅視光師診所（例如理大護眼）
當然仲有齋車鏡嘅光學工場（蔡司Hoya有自己工場車自己鏡片，亦有朝陽或者快達呢類咩鏡都做嘅工場）

owndays或者其他速食店嘅做法，係將「鏡架/驗眼/配鏡/車鏡」擺埋喺同一個地方，自己做埋鏡架生產商同鏡片經銷商，喺客嚟講就係可以好快拎到眼鏡，而對於店家嚟講因為少咗幾重嘅代理，自然成本低咗。

香港嘅新輝做咗呢樣嘢好多年，不過近年大家對架同鏡要求高咗，傳統嘅眼鏡直銷工場得d cheap嘢（同埋牌子嘢例如Gucci/Dior/呢d)，仲要款又無乜，就慢慢式微。

然後日本嘅速食眼鏡店嚟香港都唔係呢幾年嘅事，十幾廿年前都有失敗收場嘅Alook，到呢幾年大家唔追牌子嘢，呢d日系眼鏡店就同uniqlo一齊搶佔香港嘅市場。

你問我爭咩，可能驗眼做唔到最詳細嘅眼睛檢查，鏡架鏡片牌子選擇有限咁囉

想問下巴打如果鏡框既傾斜角太大應該可以點較副框

確定唔係耳位較太前導致鏡架前傾嘅話，就推呢個鉸位
然後check吓會唔會變交叉腳，會嘅就要合埋鏡臂去較裝頭

唔該巴打

咁簡單嚟講 姐係除非budget或者時間有限唔係都唔建議速食？

諗住遲兩日就去ching建議西九龍嗰間

或者鐘意咗某個款都得

當然支持幫襯小店

驗眼剩係望熱氣球會唔會好唔準?