“真”高質電器傢俱討論（24）

到時會話無貨, 再叫你轉款

唔肯定佢有冇出喎 應該要呢類個起泡器有牙位扭入去既先用到枱上濾水器
hansgrohe果啲記得大部份起泡器都係膠, 靠卡扣固定, 唔係扭牙


如果要濾水器 一係就另外買個細既濾水龍頭裝枱底式 一係買Grohe Blue果款二合一水龍頭, 不過濾水器都係枱底式

些些好詳細 咁我唔應該買hang

做咩唔係香港買？好似有代理

Miele
簡單直接唔使煩 效果又好
唔好聽d 人講咩煤氣
排氣煤氣都煩死你

濾水器就裝枱底啦，靚仔好多

剛換咗pan記最大嗰款，其實h p m mij 多門，我自己覺得都係差唔多，但p個壓縮機係頂嘅後面，感覺上多咗啲位用😅

搞唔掂個原因係咩？
集運唔肯運？

老老實實，珍寶368 溫控好過Panasonic
室內機又靜過Panasonic

唔考慮Pan記？

感覺細胞有問題可考慮

你老尾，呢款新出係made in China, 個qna伏鳩人

唔明

佢講緊P記溫控差啊

請教下，屋企黑廁想裝個天花式浴室寶，睇中Panasonic FV-40BE3H/ FV-30BG3H 同Mitsubishi v-251bz-hk

傾向揀Mitsubishi v-251bz-hk，因為made in Japan，請問有無人用緊？
安裝時會唔會有咩麻煩野/特別野要留意？
因為我見無得搵三菱的師傅睇位同安裝，反而Panasonic有得俾錢師傅安裝

感謝

歐盟唔比整咁多不銹鋼 因為太過重毒
人地唔想條萊恩河多惱河變屎水

講真呢樣野唔駛咁介意
Hansgrohe啲野邊度做都好Q靚

師兄勁野 自己裝

睇左安裝說明書，同其他款分別不大，但見好似得兩隻腳去支撐？呢個位有無咩特別要注意？

我屋企用假天花有木板底, 直接用8粒自攻螺上木板
我睇片就算鋁天花都會騎係天花骨 因為廁所天花鑽窿風險大
鑽窿就度好位落2粒拉爆加絲桿先固定個支架, 之後上埋部機
安裝黎講鑽窿相對簡單 用自攻裝好支架然後要單手托機單手上螺絲

雖然我本身都有鑽到窿 但之後木工話通常直接上木板就得就用番自攻 而且可以當生口方便維修

講錯應該唔係拉爆 要用平爆/掙爆
但掙爆上天花唔熟手打撞針有機會掙得唔夠力而掉落

唔該晒

因為依加裝修緊廁所 準備整鋁天花
我同裝修師傅研究下先 我諗師傅應該都識整

利申岩岩裝完修入伙住左兩個月左右
煤氣爐本身想用TGC 但因為訂極都冇貨 (小佢老味上海貨)
裝修佬叫我試下用台灣櫻花煤氣爐 一開始好擔心唔夠熱/出熱水量少
結果係熱到仆街 依家爐身SET最低35度已經夠做 台灣做

正櫃因為自己對三菱情有獨鍾，揀左 單門MR-B46F-W 玻璃面易抹 但當時係鋪買時 店員一而再再而三提我 收貨一定要CHECK下啲玻璃面有冇運送時整爛 用左一排 好夠凍 又有自動製冰 但美中不足係啲隔板唔太實用
屋企夠大一定買雙門 可惜 人在香港 身不由己

浴室寶我真係用緊三菱窗口式 一句講曬 完美 個濾網要勤力少少洗

冷氣窗口式
全屋一匹: 樂聲 CW-N921JA
兩匹: CW-N1821EA
兩部都係用R32 兩部能源標籤都講到明唔係慳電款
冇變頻, 夠平 凍到仆街 裝修佬都話好撚凍
全機械式扭制 冇REMOTE 因為用過電面板 次撚次都係個面板壞

電磁爐都係用緊樂聲 算易清潔 用時一定要確保煲底冇水冇汁 否則一加熱食死曬抹餐死 煮左十幾年野 有得揀 唔好用電磁爐 除非你本身都係唔係成日煮 加熱唔均勻 冇鑊氣 蒸煮燉炆都還好 一煎炸就一定係明火勝
好處: 少油煙 乾淨 安全少少

洗衣機位置問題買左惠而浦頂揭 變頻 唯一好處係旋乾真係旋得好夠乾

抽油煙EFC926BAR同焗爐EOB3434BOX 因為有優惠買左Electrolux
同樣地 因為我成日用焗爐 所以唔建議大家買蒸焗爐 成日用既蒸焗爐係好易壞 保養上又要更加小心 即係煩 又要小心啲水氣整壞個面板 加上蒸焗爐多數兩頭唔到岸 蒸又唔夠蒸爐勁 焗又唔夠焗爐咁好火力

我買呢款係因為佢係純電焗爐 接近全機械式扭制 又少一樣野壞 OVERALL火力夠 加熱快 功能上夠用

EFC926BAR我認係俾人SELL所以買 抽風力強 但算嘈 我開放式廚房用 少煎炸 還好 抽得切 兩件野一齊買有平所以先買

吸塵機以前用過RAINBOW 吸力係強 但有條線呢下已經搞到我完全冇動力去吸塵
後尾賣左俾人轉用DYSON, V10, 算滿意, 幸運地冇壞過
DYSON吸塵機一直係好好用 有養狗 一日要吸一次全屋地板 算乾淨 每次吸完都要倒塵 最大問題係售後服務 同埋V10打後機種好易壞

完!