是咁的，玩匿名交友app撞返個ex（完）

但我未接受到依幾個月發生嘅事。

「但係我哋可以再撞返，仍然咁啱傾，我真係唔值得一個機會？我唔會再離開香港幾個月，情緒都唔會好似以前咁唔穩定，我有改好架。」

諷刺嘅係我被人當ATM、打同出軌嗰三次，我都唔係太大情緒起伏，偏偏對住芯玥就唔得，佢一舉手一投足都好影響我心情。

「唔止係情緒，仲有好多嘢。有樣嘢我收埋喺心一直無講，係我覺得你無人生目標，唔上進，唔知自己想點，渾渾噩噩咁，我接受唔到男朋友係咁。」

我被芯玥話到口啞啞。

「你連當年去台灣交流，都係求其東讀啲西讀啲拎學分，無明確目標係去做乜。仲要成日同我呻畢咗業唔知可以返咩工，唔似我一定做到幼稚園老師。我問你其實鍾意做乜你又講唔出，依家睇怕你都仲係返緊份唔知為乜，純粹月底拎份糧嘅工啦？」

無話可說，我的確係咁。就算依排突然上進，都係因為覺得同「阿琴」有可能，先想賺多啲錢。

如果無「阿琴」出現，我一定仲係繼續如常返工放工。

「你到底鍾意做乜嘢架？」芯玥句句么心么肺，直達我死穴。

見我遲遲無答案，佢嘆咗口氣：「咁咪係囉。」

我知佢對我好失望，因為連我都對自己好失望。

「⋯⋯你唔可以否定我哋真係好夾。」

「以前你覺得我同你夾，係因為我無同你嘈過交吖嘛。你以為我同你真係夾，你嘅所有要求我都冇問題，係因為我就緊你。」

我望向芯玥兜燒賣皇后。

「咁依家呢？我哋唔知對方係邊個嗰陣，嗰種夾唔係遷就啦？」

「你係咪覺得講返依幾個月嘅事就有機會？」

「我只係覺得難得咁夾，段關係就咁完。好浪費。」

芯玥都望向我嘅燒賣皇后，兩個係咁講，無食過嘢，已經凍晒。

「你覺得我哋真係夾咩？」

「唔係咩？我哋連晚餐買嘅嘢食都一樣。我哋鍾意嘅樂隊，鍾意嘅歌都⋯⋯」

我仲未講完，芯玥就打開佢個兜蓋。

入面係炸白魚蛋，仲有咖哩五寶。

而我買嘅係香菇豬肉燒賣、椒鹽炸燒賣、沙爹炸燒賣同碗仔翅。

就算係買咗同一間餐廳，但入面嘅嘢食竟然完全唔同。

我覺得全晚，無比開依兩兜嘢食更加震撼我嘅畫面。

我突然諗起Everglow：「你⋯⋯之前聽Everglow係邊個版本？」

「現場版。」

https://youtu.be/P8jOQUsTU9o

同一首歌，佢聽嘅係比較有少少希望嘅現場版，我聽嘅係更加悲傷嘅專輯版，兩個版本嘅前奏同中間嘅音樂係唔同。

我倒吸一啖大氣，問最後一個問題。

「點解你會無啦啦鍾意聽月球下人？」

https://youtu.be/9K1sB4rrdWo

我鍾意嘅係陳奕迅版本嘅月球下的人。

「因為周國賢翻唱。」

https://youtu.be/svZQdc2U5jY

我哋其實連鍾意嘅嗰首歌，都係唔同版本，唔同人唱。

所謂嘅「夾」，原來只係一種自以為是。

「以前你覺得我同你夾，係因為我無同你嘈過交吖嘛。你以為我同你真係夾，你嘅所有要求我都冇問題，係因為我就緊你。」

同我當年初戀好似，當自己以為好夾，但其實只係對方單方面既遷就

自以為嘅夾, 都係加咗粉紅色嘅濾鏡.
如果2個人仲鍾意大家, 就算唔同版本嘅
又會為咗想了解對方而會聽對方鍾意嘅版本
但唔鍾意嘅.. 就會覺得係2個世界嘅人. 唔夾就係唔夾..

走啦屌仲講咁多
女主閪，男主更閪
Btw個篇幅好長幾時先完左個見面

有無諗過係男主角個自尊放到太大
作為男性，亦太玻璃心，太自卑
同佢一齊會好辛苦
芯月要既 可能係一個比到信心 同安全感佢既人
男主無一樣做到，唔好話將來 自己情緒都會因小事 上演1000 幕內心戲
大部份事情都係自己角度感受出發
由細到大都無咩家庭温暖既佢 唔會識得點樣揍個小朋友
到再重逢 圍繞既話題都係自己既感受 放到大一大 執著於揾番當年自己唔明既答案
約人出黎既目的係滿足自己當年既好奇心？
不如放過人自己學識點樣愛與被愛先啦

其實可以得到個咁誠實嘅答案，都係一件好事

人本來就係獨立個體
就算切入點唔同 大家各自嘅喜好都有重疊嘅起方
明明就係咁樣先至係叫做夾

正因為切入點唔同 伴侶間可以互相影響
揾一個伴喺身邊呢樣嘢先有意義

我好似個洩氣汽球，坐喺長凳望住海浪發呆，失去所有語言能力。

取而代之嘅係芯玥忍受唔住依種沉默：「失眠同將每日諗到最壞嘅方法好有用，多謝你同我分享。」

「咁就好。」

芯玥推一推佢兜嘢食埋我度：「你想嘅，可以食埋佢。」

芯玥調校一吓口罩，企起身：「我走先嗽。」

我聽到芯玥話要走，當堂回番魂，企起身：「走之前⋯⋯可唔可以被我攬一下？」

芯玥搖搖頭：「唔可以。」

我無奈一笑，開始收拾凳上無郁過嘅嘢食。

「拜拜。」

「嗯⋯⋯拜拜。」

互相揮手，芯玥轉身離開，我都轉身。

行咗幾步，我回頭望芯玥，我仲係好唔捨得，好唔甘心。

芯玥嘅背影愈行愈遠，對背後毫無留戀，直到消失喺轉角。

直到最後，佢都無回頭望我一眼，只有我一直目送佢離開，消失喺黃埔海濱，消失喺我生命入面。

收工

睇到而家真係有一種哀仇想去開支酒飲

大型炒車現場

見到芯玥終於走咗，我先願意離開。一路行，眼淚一路流，個口罩都無乜乾過咁滯。

我揸住兩袋燒賣皇后行向海濱公園嘅垃圾桶，腦入面仲有好多不切實際，但又揮之不去嘅畫面。

「嘩，你又買燒賣皇后呀？」

「痴線，有無咁啱呀？」

我同阿琴坐喺長凳，打開各自嘅晚餐：「好嘢，我哋唔一樣，咁就幾個餸都試得晒！」

我哋一路食，一路天南地北，係咁鳩噏。

但去到某個位，我所有妄想都被今晚發生過嘅事實擊碎，變成一片片無得砌返好嘅玻璃。

我諗起一首歌。

未開始已經結束。

https://youtu.be/HwlYipX78Qo

只一刻好感 太不可信嗎
喜歡等於 了解愛情嗎 什麼都可變卦

「你知係假架可？」阿琴問。

偷一刻溫馨 也終須覺醒
可惜這顆心 已不再年輕 情感輸給理性

「我知，我只係好想係真⋯⋯」

太害怕 要目睹 過於受傷的程度
叫代價 那樣高 也許將心聲吞吐
連天都早知道

我望住垃圾桶，遲遲無丟依兩袋食物。

有些愛未開始已經結束
未牽手已經退縮 未親暱過 但我已經
再無力繼續
有些痛未懂得痛都會懂
未親手抱擁過但我 都猜得透結局
未有親吻過 未有爭拗過
未開始相愛都應該結束

唔好浪費食物，我都係抱住兩袋嘢行返去長凳坐低。

多少的相差 會爭執重傷
好比當一位 戰爭裡遺孀 無非出於勉強
抱憾過 也就懂 學會放手的難度
卻令我 領悟到 愛這東西的深奥 朋友方可偕老

我將啲凍咗嘅嘢食一啖一啖塞入口，一路食一路流眼淚，引來旁人側目。

有些愛未開始已經結束
未牽手已經退縮 未親暱過 但我已經
再無力繼續
有些痛未懂得痛都會懂
未親手抱擁過但我 都猜得透結局
未有親吻過 未有爭拗過
未開始相愛都應該結束

我打開tg，想最後再睇多次我同阿琴依幾個月嘅對話。

講真哪裡有 注定愛某一位
好比一隻刺蝟 刺全滿我身體 氣球是你怎麼可相愛到底
假使你與我 更成熟更得體
都知戀愛智慧 放低了 方算當中真諦
寧願不想失禮

而我入到去，同阿琴嘅對話已經唔再存在，佢已經delete咗個chat。

有些愛未開始已經結束
未溫飽已經滿足
未經差錯 但我退出 怕胡亂褻瀆
有些痛未懂得痛都會懂
未深刻了解過但我 都猜得透結局
未到寵愛你 未到拋棄我
未開始相愛也 好好結束

我睇過一句說話，當你刪除一個人，系統會問你確唔確定，因為佢怕你後悔。

我知道芯玥唔會後悔。

當你被人刪除，系統唔會通知你，因為怕你傷心。

嗰晚，我好傷心，因為我覺得食緊燒賣皇后嘅，應該有兩個人。

男豬以後點算

個故仲有5日左右先完

男主可能會搵到另一個更加啱自己嘅人嘅
我諗

睇到好sad

點解可以同我完全一樣…… 好想…死? 定留返條命繼續盼望好多年後有一日會唔同…

咪搞咁多野啦
現實中大把女，依個唔得咪下一個囉

那動人時光 不用常回看
能提取溫暖以後渡嚴寒 就關起那間房
最動人時光 未必地老天荒
難忘的因你太念念才難忘
容易抱住誰十年 最難是放

其實男女主角講咁多其實都無用
簡簡單單一句唔愛就已經解釋晒一切
喺芯玥眼中所謂嘅唔夾根本就係觀點與角度
喺另一個角度睇其實呢啲地方係一種互補 夾到痴線
金仔快快趣趣忘記咗呢條女佢啦 根本唔值得為佢而傷心

好故推

唔知最後會係sad end 定救贖

推故按咗不推文

男主最後會搵一個幫人寫遺書嘅人

我諗起念念不忘首歌
啲回憶返晒嚟