彩蛋
我出道第二年嘅書展,好好彩有第二年,估唔到都幾多人攞返第一本書嚟畀我簽。
我離遠已經見到佢拎住我本出道作排緊隊。
「估唔到係你喎。我都奇怪架喇,點解有啲嘢好似我同你講過咁。」
「抽咗十分一真實嘢出嚟再改編吓囉,費事完全真人真事吖嘛。」
「又寫得幾好喎。」
「有無幫到你少少咁多呀?」
「真係有嘅,都唔係少少。」
我喺佢本書上面簽名,寫上「菲菲」兩隻字。
「下款寫金魚!」
我順佢意,喺簽名位旁邊寫「金魚」。
「陣間完咗去唔去飲杯咖啡?
我望向菲菲:「哈,你唔驚我已經有女朋友咩?」
「咁咪有緣無份囉。」
我笑一笑:「又真係未有嘅。」
菲菲拎咗我枝筆,寫咗個電話喺我手心。
「一陣見。」
嗰日,我好開心,因為食緊麻辣火鍋嘅,有兩個人。
全文完