是咁的，玩匿名交友app撞返個ex（完）

魷魚係尖嘅墨魚係圓嘅！
八隻腳嗰啲呢？
八隻腳咪八爪魚囉！

樓主出文出得好快 次次入黎都有更

差唔多講真

個故好有深度

好好睇，一日live左。好耐未試過咁追故

係個故名劇透左，否則見芯玥果part仲刺激👍

過獎！

多謝支持～

「死神邊有咁正面呀？」

「睇你點睇架啫。死嗰面就肯定無得救架喇，個結果一定係終結，但個重點係終結之後你會點面對。」

霞姨見我遲遲無郁個咖哩吉豬飯，對眼發晒光咁。我都好識做，推比佢食。

佢已經食完自己個餐，都仲食到我個飯⋯⋯

「返去嗰陣買多個雞蛋仔同腸粉先。」

我畀返張死神牌霞姨，再拎兩嚿水出嚟埋單。

「吓？搞咩呀？」

「請你食飯吖嘛，講咗咁耐啦都。」

「話咗你有拖拍先請架嘛。」

「得啦，我請就我請。一陣雞蛋仔同腸粉都入我數嘅。」

「咁⋯⋯多謝晒喇喎！」

係我多謝你先真。

推

推

推～

今晚會唔會出多一話🥺

推

推推佢

推

嗰晚，我想嘗試再去H記識新人，但又諗到未確定自己係咪真係放低，咁都係唔好急住搵下一個，費事又搞到之前同晴晴咁。

「星期六得唔得閒？」

估唔到我唔主動去搵人，竟然有人主動搵我，就係菲菲。

「得呀，做咩？」

「好悶想出吓街。」

「去邊先？」

「去摘士多啤梨。」

我咁大個仔都未摘過，完全唔知咩嚟，同埋我本身都唔係太鍾意食士多啤梨。

不過見無嘢做又有靚女約，梗係幾歹都去馬。

「女女會唔會詐我型架？」

「無女呀。」

「上個禮拜見面嗰個呢？」

「一匹布咁長，見面再講。」

會唔會菲菲成為咗最後一個點醒男主角嘅人

今晚仲有冇

要加甜喇

LM

於是星期六我就同咗菲菲入元朗國，喺元朗站等。

「有無帶護照？」見面第一句就開始鳩噏。

「無呀，捉到咪遣返我囉。」

「有啲膽色喎。」

「我個膽色就藍色嘅，自己友呀。」

「咁你死啦，我哋去嗰個場係黃架。」幾欣賞菲菲會特別搵黃嘅地方去。

「但我條底褲好黃。」

「你篤尿就黃！」有啲人係連黃藍講笑都接受唔到，而菲菲雖然有自己嘅堅持但都會同我講吓笑，咁樣相處輕鬆啲。

我就試過喺H記因為話自己條底褲好黃被人quit咗。

我哋就咁鳩吓鳩吓搭住架好多人好逼嘅村巴入去士多啤梨園。

「係喎，見面之後點呀？」

「原來佢係我個ex。」又講多次，已經第四次講，覺得有啲厭。而我對自己「講第四次就厭」幾滿意，因為六年前同芯玥分手我差唔多講咗四五十次先厭。

「咁你都好吖，知道晒啲答案。」

反而我一直都唔知菲菲同嗰位放唔低嘅前度嘅故事。

「我就無你咁好彩，所有問題都仲係自己糾結，無機會知道真正嘅答案。」

菲菲其實都拍過幾次拖，只係一直都放唔低個初戀。

「可能同佢經歷咗太多特別嘅事，我嘅好多個第一次都畀咗佢。」

唔止上床，仲有第一次去旅行、第一次睇雪、第一次考入大學、第一次養寵物、第一次⋯⋯好多好多事都係同初戀一齊經歷，當時以為都經歷咗咁多嘢，實會結婚，點知有一日對方就同佢講：
「我唔愛你喇，我哋分手啦。」

「點解呀？」

「愛情係無點解。嗰種感覺無咗就無咗，我唔想呃自己然後浪費你嘅青春。」

「係咪我做錯啲咩？」

「唔係你嘅錯，亦唔係我嘅錯。無人錯。」

但係分手到依家，菲菲都不停問緊同一個問題。

「我到底做錯咗啲乜？」

唔係每個問題都有答案，佢亦無再遇返依個男仔。

「有無試過不停諗返過去每一日，想檢視返到底係由幾時開始出錯？如果嗰日我無發脾氣，又或者再早啲嘅日子我有記住佢想睇嗰套戲，係咪就可以唔分手？」

我點點頭，因為真係試過。不停喺回憶入面想除錯，點解我要去台灣？點解我唔冷靜啲？點解唔相信芯玥？點解唔控制好自己嘅情緒？

「分咗手之後，佢就喺我生命中消失咗。我無再見過佢，所有社交媒體佢都無再用，連電話都轉埋。」

「係咪啲老套電視劇情節呀？有絕症唔想你傷心嗰啲？」

「我又真係有問過伯母呀，你個仔係咪死咗？佢有覆我，話未死。」

聽到佢咁直接我都笑咗。