是咁的，玩匿名交友app撞返個ex（完）

Lm

如果對方唔愛, 迫佢一齊都冇意思..

推一推
諗住隔咗一日入嚟有新post睇
點知未有，支持樓主！

金仔故好難唔Sad

「你見到我嘅第一個反應係開心，證明你想同返我一齊。你想返過去，但我想要嘅係未來。」

我一直都係麥炳，係個放唔低自己王國嘅菠蘿油王子。上天畀我一個花園，我搞到佢一片荒蕪。

麥太想去將來唔知邊度。

我留咗喺過去，芯玥就喺未來，望住唔同方向嘅人係無可能一齊。

「你嘅問題係放唔低，我嘅問題係愛唔到。所以我需要嘅唔係同前度喺返埋一齊，而係要一個新嘅可能性。」

芯玥發現自己好難去愛一個人。當佢發現自己真正嘅心意，就會轉身離開。

「咁點解你要同我講你好愛我？點解你唔係咁鍾意我都要咁樣講？你知唔知我糾結咗幾耐？」

「同得你一齊，我就係想試吓得唔得。試嘅時候我真係無任何保留。同埋⋯⋯你知我慣咗有啲嘢唔好意思講，我知每個人都有啲想聽嘅答案，熱戀期梗係想聽對方好鍾意自己架啦。」

我搖搖頭：「我寧願你誠實咁話我知，你未係咁鍾意我。你個ex求婚，你都應該直接拒絕，你畀太多假希望人喇⋯⋯」

個假希望纏繞咗我好幾年，我想知點解芯玥講到咁愛我，但知我不安唔好好處理，知我崩潰都無安慰，知我好愛佢但都離開我。

如果佢一開始就好好講清楚自己其實未係咁確定對我嘅心意，我就唔會咁傷，唔會被個問題困擾幾年。

「所以我話⋯⋯對唔住。本身我以為係得，試緊嘅時候我亦好想係得，只係試完真係唔得，就唔想你哋再有無謂嘅幻想。」

「當年同我齊，你開唔開心？」

「開心。」

「咁你其實有無愛過我？」

「就算未到你愛我嘅程度，我都係愛過你。嗰陣。」

嗰陣，唔係依家。

Live!!!

我都好想問下佢
十二年前同我一齊嗰陣
佢有無開心過
即使心裡面覺得佢有
但總係覺得自己傷害佢嘅時候更多
辛苦當年嘅佢 要handle一個cls嘅我

之後都唔敢再亂開始
就算開始咗 先發現已經愛唔到人
頂多都係好鍾意
所以唔敢再嘥任何人嘅時間 直接杜絕所有可能
講到1999 sorry
因為金仔依個故中到好應

其實我覺得芯玥認清到自己愛唔到人都好嘅

可能真係心態唔同，例如我接受唔到心入面未夠愛嘅時候講一生一世嗰d on9野，但係其他人可以，咁都只不過係價值觀唔同嘅問題姐

但係做出嚟個結果就係令到invest d嗰邊有假希望

「記唔記得送你機嗰日，我望咗你好耐？」

我點頭：「好記得。你話接受唔到Long D但真係好鍾意我，因為係我所以願意等。」

令我覺得我係例外，我係特別，覺得芯玥真係好愛我。

「其實係同我答應個ex嫁畀佢一樣。我真心想試，嗰一刻嘅我真係唔想因為你去台灣交流就分手。」

只係試咗，發現唔得。

「直到今日我都好後悔去台灣。我啲朋友講過，可能我唔去都係會分手。但我唔去，至少可以喺香港見你耐啲。」

「已經過咗去，無必要再諗。」

「咁你係咪知道自己接受唔到之後，就去溝新仔？」

芯玥唔耐煩咁反一反白眼：「講咗幾多次，我無溝新仔。」之後又鬆咗口氣：「我唔鍾意被人屈，家姐以前就係成日咁樣，我明明無食粒糖，硬係話我食咗，咁我咪開晒成包糖食畀你睇囉。」

直到今日，芯玥仍然因為我咁講而有情緒波動。

「係，我係對佢有啲好感，但咩都無做過。我當時係覺得，如果我無男朋友都會考慮吓佢，只係咁多。」

「對我冷淡，唔關嗰個男仔事？」

「嗰時我係諗緊同唔同你坦白接受唔到Long D嘅問題。」

「唱K坐埋一齊呢？」

「講過啦，多人逼吖嘛，係隨意坐架咋。之後你就真係屈我，仲情緒崩潰晒。反正我無溝仔你都當我有溝，咁我咪溝囉。但就算係溝，都同你分咗手先溝。」

「我同你講過咁多次我好不安，你都無理過我。你由得我嘅不安愈嚟愈厲害，我先會情緒失控啫。」

芯玥又重重呼口氣：「本身我就煩緊點同你講Long D嘅問題。一開始我係想話分開吓，到你返嚟如果我哋都仲好掛住對方，就一齊返。但我又發現一樣嘢，如果你唔係我嘅例外，咁我其實有幾愛你啫？即係其實唔會有返嚟之後點，個結局只係分咗手就分咗。」

我以為芯玥因為識咗新嘅男仔先對我冷淡，但原來係更根本嘅問題。

「我自己都未整理好想點，我至少肯為你試，即係愛，但最後都係唔得，咁仲係咪愛？」

本身只係煩惱，亦因為咁而冷淡咗，但就遇著我情緒失控再踩埋佢最接受唔到嘅底線。

「嗰刻我就知道，同你行唔到落去。」

「⋯⋯原來當年真係我做錯⋯⋯係我做錯先會推走你⋯⋯」

「可以算係導火線。但可能本身我諗吓諗吓，都係會同你分手。就好似上次悔婚咁。」

見到芯玥咁 唉 其實真係唔可以怪佢
佢唔係想咁絕情 只係因為愛想為對方試多次
點知最後都係唔work 同埋好似俾咗個假希望對方咁
我諗佢心裡面其實一啲都唔好受
而我覺得 佢之後嘅絕情係做得好好
最怕拖泥帶水 猶豫不決嘅人



想講嘅係 金仔一定以後都會諗住
最終會分手依個局面係由自己一手造成
係自己太chur太癲先會逼到芯玥同佢分手
呢個係事實 改變唔到嘅過去
就算芯玥講只係導火線
都好難唔將個責任擺晒落自己度
因為冇人會知如果當時自己冇發癲嘅話
芯玥仲會唔會繼續同自己一齊
呢樣嘢已經永遠都唔會發生

金仔個性格真係嬌情得好緊要
頂唔順
芯玥個角色換轉係男人應該比人屌到仆街

「⋯⋯我之後有借中同個ig睇過你啲post。」

「我知呀。佢有同我講。所以我之後先delete個ig唔再被你睇到我任何嘢。」唔止，連fb無埋同電話都轉埋，原來係個中同爆響口⋯⋯

「我嗰陣好奇怪，點解你明明同新男朋友咁開心，但中間又會有啲咁慘嘅黑白歌詞相。你之前好鍾意用歌詞同我講嘢，我仲以為係同我講，依家諗返⋯⋯應該係同家姐講？」

芯玥聽到家姐又開始鼻紅紅。

「我扑咗你，點會係同你講？」

「同個無得見嘅真正一生最愛講心底話，我嗰陣真係咁諗。」

芯玥失笑：「痴線。如果你係我一生最愛，我唔會同你分手。」

芯玥同我一齊嗰陣同家姐關係最差，後來家姐為咗近返工搬咗出去住，兩姐妹見少咗，家姐亦成個唔同晒。

「佢話難得見到食餐飯，無謂再嘈，開開心心聚吓仲好。同埋⋯⋯知我大個女，唔使再好似以前咁管住我。」

家姐同佢嘅關係亦慢慢和好，芯玥開始理解到家姐嘅愛。

過咗大概年半，家姐換咗公司，佢出面租嘅屋仲有半年完約，準備返屋企住，見屋企都舊就提議大裝修。

半年之後裝修完，芯玥就等家姐租嘅屋完約之後返屋企住，兩姐妹就可以對住瞓。

「以前家姐一直逼我自己瞓，要我勇敢啲面對夜晚，估唔到大個咗佢就將間房整到咁，等我唔使再驚。」

有時家人嘅愛就係咁，可能會資源錯配，喺你最需要陪伴嘅時候逼你獨立，喺你獨立咗之後反而陪你。

但大個咗，我哋就知個出發點都係愛我哋。

「家姐同我講過，總有一日佢無得再陪我瞓，我一定要自己面對夜晚。如果得返自己一個又好驚的話，就望吓個天。因為無論幾黑都好，天上總會有星星閃吓閃吓。」

And though you might be gone
也許你已經離開，
And the world may not know
而全世界也許都不知道，
Still I see you, celestial.
我仍然在滿天繁星中看到你。

何生真係依然成個SIMP咁成日問咩有冇愛過你，大佬你要復合係offer一個新嘅願景吖嘛，係咁提舊事到底有乜意

真係想打feel就重點強調哩2個月既關係啦
明知人地就係唔會留戀過去,重係咁提過去,就算bad end都係自己唔爭氣

其實講完光頭大肚腩阿叔，擺到明無希望，offer 新願景就真係點極唔明
依家起碼有個答案可以 move forward

因為作者要同讀者解話

釋懷啫 根本唔會有新願景
芯玥都講到明唔係再續前緣
亦都有講人係唔會變 金仔過多10年 喺芯玥眼仍然係10年前嘅金仔

仆街我明明地女主角
有陣只係因為對方想聽所以講，但唔係自己由心而出嘅說話

//你想返過去，但我想要嘅係未來。//

我想翻去有你嘅過去，但你想要無我嘅未來。兩個人唔同步點傾都無用，金仔move on啦

何金銀可唔可以似返個男人

我終於都得到當年嘅答案，唔需要再自己糾結個答案係乜嘢。

「以前爸爸媽咪恃住有家姐照顧我，不嬲都好少理我。到家姐走咗之後，加埋上次結唔成婚，佢哋就好心急想我搵個人照顧我下半世。」

於是先係咁叫芯玥相睇，但佢又唔信依種咁老套嘅方法可以搵到個鍾意嘅對象，就去試吓玩交友app。

「之後嘅事，你都知得七七八八。」

識到我，同我覺得好啱傾，好有感覺，直至見面，無晒感覺。

「我突然發現，自己咁多年嚟諗過嘅可能性之中都有過正確答案，只係我確定唔到。」

「你咁重視答案，依家知晒啦？」

「事實可能都係你出軌在先都唔定。」

芯玥無力一笑：「係架，可以係我溝條仔在先，對你冷淡逼你分手，特登唔取消張機票同佢去旅行。我哋嗰陣發生嘅事，所有證據都係邊個講法都講得通，係睇你信邊一個咁解。」

的確，其實講到尾只係睇我信邊一個。

「但我覺得都咁多年啦，到依家你仲問，證明你真係好重視依啲問題。既然你咁重視個答案，我咪誠實啲講晒你知，可以令你真正死心就夠。」

「我信你。」

我終於真係接受到六年前發生嘅事。

死都要話芯玥出軌