是咁的，玩匿名交友app撞返個ex（完）

「你唔問吓伯母佢過成點？」

「幾好呀，有心。希望你都快啲搵過個男朋友啦。」

「有無問到佢個仔點解無端端同你分手？」

「佢話佢都好唔明，因為佢都好鍾意我，佢都以為我哋會結婚，所以知道我哋分咗手都好驚訝。」

「佢依家有無新女朋友？」

「唔敢問呀。我知我仲未接受到。」

終於行到士多啤梨園，菲菲雙方放喺後腰轉身望向我：「你覺得我做錯咩先會搞成咁？」

好似有另一個我問緊我相同嘅問題咁。

我突然諗起《大隻佬》嘅李鳳儀，芯玥嘅家姐，佢哋係因為做錯咩而要死？

「或者⋯⋯有時我哋就係要接受，就算我哋無做錯，對方都可以唔愛。」

所以個重點唔係做錯乜嘢，要完嘅愛情，你做啱晒都係會完。對方愛你嗰陣，全世界都覺得你錯晒嘅時候佢都會愛你。

「如果愛同唔愛可以話變就變，咁係咪變嗰陣，做咩都無用？」

我都問過芯玥同一個問題。

我點點頭。

「我哋可以做嘅，只有相愛嗰陣盡全力去愛，係得咁多。當年你有無盡全力去愛佢？」

菲菲眼泛淚光，但夾硬忍住：「有，我真係有。」

「咁就無做錯任何嘢，只係段愛情已經要完。」

「點解要完？」

「有無睇過《大隻佬》？」

「有。」

「咁李鳳儀點解要死？」

菲菲好似已經有少少明白：「因為個日本兵殺人。」我都幾驚訝佢會答得出。

「但李鳳儀唔係日本兵，日本兵亦唔係李鳳儀。」

「只係日本兵殺咗人，李鳳儀就要死。」

如果萬物都會終結，生命如是，愛情亦如是，我哋就算做好人都會因為天意而死，咁愛情上我哋就算無做錯，對方都可以話唔愛就唔愛。

沉默咗一陣，菲菲深呼吸一口氣：「入去喇。」

多謝樓主深夜出文
期待同菲菲嘅感情線（？）

嗰日士多啤梨園好多一家大細去玩，見到好多小朋友都去摘。人多但地方夠大，所以去摘嘢嗰陣都唔會逼。

嗰啲士多啤梨品種我一個都唔識，總之菲菲行去邊我就跟到邊。

「你幫我影港女相。」

原來菲菲拎咗部菲林相機，好彩我細個都有玩過吓，就幫佢影相。

「唔包影得好架。」

「就係唔知影得好唔好，曬嗰吓先刺激架嘛！」

有啲人會覺得玩得菲林相機就要影得好好，唔可以浪費每一格菲林，但菲菲就係好隨性嗰種玩法，覺得到沖晒嗰吓先知張相係點好過癮。

一路影一路摘，菲菲同我講淡雪最好食，不過被人摘晒。

佢對種嘢都好有研究，睇到啲樹葉就知嗰棵係咩植物。

「你都識幾多奇奇怪怪嘅嘢架喎。」

「同初戀分咗手之後一路都好傷心，咪發挖吓啲新嘢玩囉。搵到鍾意嘅嘢做吓分散吓注意力，都真係有少少幫助。」

「我之前都有，失戀之後走去學打乒乓波。」

「我都有興趣喎，下次教我！」

愈摘愈熱，我就捲起衫袖，伸咗個懶腰，咁啱被菲菲見到。

「綺夢？」

「你又鳩噏乜嘢呀？」

「你邊位呀？我同綺夢講嘢幾時輪到你搭嗲？」

原來菲菲見到我格甩底有粒墨，我即刻夾返實對手。

「綺夢攰喇。」

我哋兩個都忍唔住爆笑。

估唔到咁無聊，兩個內心嘅傷都未好返嘅人都可以笑得咁大聲。

想入菲菲

但同菲菲嗰種關係真係愛情嘅火花咩??

摘完士多啤梨，我哋就即場喺嗰度食，菲菲仲自備煉奶。

「私家煉奶喎。」

「咁食好正架。」

「我都試過以前大學去食堂買炒飯食嗰陣自己帶枝辣豉油去落。」

「抄我。」

菲菲將煉奶擠落士多啤梨度，遞畀我。

「平時好少食士多啤梨，係咪真係正架？」

「超正！信我！」

估唔到又真係幾好食，我食到「嘩」咗出聲。

「你食到正嘢個樣好好笑！」菲菲笑到人仰馬翻咁。

「吓，我唔覺有咩好笑喎。」

菲菲冷靜咗吓，抹一抹眼水：「好想見吓你食其他嘢個樣。」

「下次食辣囉，講咗咁耐都未食。」

「怕你呀？嚟囉！」

於是我哋又約好咗下星期去食麻辣火鍋。

「好想見吓你食其他嘢個樣。」



btw,但同菲菲關係暫時重係似友情多過愛情

估唔到扮緊工都有文睇

返到屋企樓下，心癮起，走咗去超級市場買士多啤梨同煉奶。

我同菲菲有夾嘅地方，亦有唔同嘅興趣，只不過我無諗過試完之後自己會鍾意。

之後我又去睇吓啲菲林相機，想買一部自己研究下。

「送首歌畀你。」

菲菲推介我聽byejack嘅錯愛。

https://youtu.be/wNqQL5azPGM

在遠方天邊望着你我，
在人海中浮遊跌墮。
泛起我的心瓣漂遠方，
在你的窗邊輕輕帶過。

墜落那片沙土隔絕俗世荒島，
世道裏，放下一念一剎。
情感的絲縷無盡困惑。
曾發現過相思的一對，
忘卻舊情心碎。

離開以後，發覺愛不夠。
明知結局，早已看得通透。
煙花散落時，有太多失意，
道別重聚太過沒意思。

最心愛的星空已不再，
星星散落到漆黑中，太難盛載。
這故事從頭再篡改，
仍不可相愛。

我聽到無力一笑，真係從頭再篡改仍不可相愛，依個就係我同芯玥嘅結局。

發誓要跟你再試一次，
發誓過和你緊抱一輩子。
那道別懸浮在半空，
跌落懸崖，告終。

離開以後，發覺愛不夠。
明知結局，早已看得通透。
煙花散落時，有太多失意，
道別重聚太過沒意思。

最心愛的星空已不再。
星星散落到漆黑中，太難盛載。
這故事，從頭再刪改，
仍不可相愛。

離開以後，發覺愛不夠。
明知結局，早已變得通透。
煙花散落時，有太多失意，
道別重聚太過沒意思。

最心愛的星空已不再。
星星散落到漆黑中，太難盛載。
這故事，從頭，再刪改⋯⋯
仍不可相愛。

唔係菲菲介紹，我都唔會聽到依啲歌。佢同我有夾嘅地方，但唔同嘅嗜好愛好更加多。

而原來我接觸咗之後，發覺自己都鍾意。當我鍾意嘅嘢愈多愈特別，要搵到另一個同樣鍾意嗰啲嘢嘅人就愈難。

但點解一定要追求所有嘢都夾嘅人呢？好似菲菲咁，就算鍾意嘅嘢唔同，都可以令我試完之後愛上。如果我哋拍拖的話，本身唔夾都可以變到夾。
或者⋯⋯我可以試吓同菲菲一齊？

扮住工等新文
唔通同菲菲有機

到下一次見，我哋約好下午去飲杯咖啡先，再去食麻辣火鍋。

其實平時我係唔飲咖啡，就算飲都一定係多奶嗰隻。我叫咗杯給匹千勞，菲菲就叫咗coffee tonic。

「要唔要試吓？」

平時我見到黑色齋啡一定唔會飲，但見菲菲介紹嘅嘢次次都無伏，所以試咗一啖。

意想不到嘅好飲。

「痴線，乜咁正架？」

「你都勁喎，第一次飲coffee湯力就頂得順，仲話好飲。」

「真係好飲喎。」

菲菲交換我哋杯嘢飲：「交換飲啦。」

「次次同你一齊，就會發掘到啲新嘢，仲要我鍾意嘅。」

「咁我以後又多個人陪我飲咖啡喇！」

菲菲又同我講每種咖啡係點分，其實就係咖啡溝水定溝奶，啡奶嘅比例幾多。

Expresso係濃縮齋啡，最細杯最出啡味，但唔係個個頂得順，所以會溝其他嘢落去。

Americano係溝水，啡先水後。

「即係咖啡滾水。」菲菲一路講我就一路用啲茶餐廳術語改咗個叫法。

菲菲笑完先會繼續講落去。

Long black都係溝水，水先啡後。

「即係滾水咖啡。」

「喂呀！唔准再引我笑呀！」

Expresso soda就溝梳打水。

Expresso tonic就溝湯力水。

溝奶就最常見嘅latte，三分一啡，三分二奶。

Flat white係少泡版latte。

Cappuccino就啡奶泡各佔三分一。

Dirty係一杯奶上面倒Expresso落去。

「即係多奶少啡。」

「你應該去開茶餐廳。」

「西式咖啡最衰就係無啡走。」

「諗個高貴啲嘅名比佢囉，之後賣貴三四倍。」

「Expresso go」

菲菲笑到噴啡，我即刻比紙巾佢：「有無咁誇張呀！」

「殺我一個措手不及呀大佬！」

就喺我哋飲完咖啡，準備行去食麻辣火鍋嘅時候，我試探式咁掂到菲菲手背。

見佢無縮，我就把心一橫拖咗落去。

菲菲好快縮開手。

仆街了⋯⋯

我哋兩個由鳩噏緊變到沉默，氣氛好尷尬。

「唉⋯⋯我⋯⋯對唔住。」

「記唔記得我哋一開始講過咩？」

「做住朋友先。」

「你知我未放得低初戀架嘛？」

「知道。」

「我已經試過未放低就同人開始幾次，每一次最後都無好結果。」

有過同晴晴一齊嘅經驗，我都好明白。

「我都試過。」

「所以我先話⋯⋯做住朋友先。」菲菲大大嘅一對眼望實我：「你好鍾意我咩？」

被佢咁樣問法，我先真正問自己。

「嗶嗶，要諗嘅。第一個反應無得呃人，你都唔係鍾意我，我又未放得低，我哋無好結果架。」

我純粹只係覺得氣氛幾啱想試吓同佢得唔得。

「我唔想再用下一個嚟試。」

蠔腎已經同我講過，下一個唔係幫你放低嘅工具，而係一個人。

我明明已經聽過，原來到做嗰陣都係會錯，真係抵死。

瞓醒冇野做就有文

「下次食你個鮑囉，講咗咁耐都未食。」

係時候放下

果然係最後一個屌醒男主角嘅女人

仆街金仔,好在菲菲大方姐,明明冇過電又想拎人做工具人

金仔真係咁空虛咩

摩墮摩墮

菲菲拉一拉我，我哋嘅目的地轉去旺角嘅樓上舖。

「唔該，拎菲林。」

菲菲拎完，就同我一齊睇。

佢幫我影嘅相都好靚，反而我影嘅就鬆郁矇，不過都有幾張靚相。

「第一次影菲林，算係咁啦。」

菲菲將有我嘅相畀咗我。

「本身諗住係再下一次見面嘅活動。」

言下之意，就係無下次見面。

我覺得有啲可惜，但無傷心，亦無問點解。

「玩交友app係咁架啦，本來就係傾到一日唔代表第二日都會傾，第一通電話後就可能消失，第一次見面之後就可能唔會再見。」

菲菲嘅說話，好似令我有多咗一個角度回望返我同佢，甚至同芯玥嘅關係。

芯玥都講過，佢就好似見面後發現我係個光頭中年肥佬咁。其實就算佢真係另一個人，都可以因為我唔合佢眼緣彈我鐘。

重點係，當佢仲係「阿琴」嗰陣，我唔知佢係邊個，但我再次有返鍾意一個人嘅感覺。

我一直都係驚自己無辦法再愛人，但現實係我可以再愛，淨係知道自己有返依種感覺，已經係同阿琴依段關係入面最大嘅得著。

的而且確，我對菲菲係無依種鍾意，但交友app就係咁，今日搵唔到鍾意嘅，聽日可能搵到。依個對你無興趣，唔代表下一個對你無興趣。

當自己可以放得開，交友app就會有無限可能性。可以遇到個好夾嘅女仔，亦可以遇到本身唔太夾，但可以令你試到其他興趣嘅女仔。

如果我同佢都放低咗，話唔定今日係可以拖住手。
但好夾嘅唔一定一齊，相反令你發掘到新興趣嘅人都係。

「無錯，遊戲規則一直都係咁。」

你會發現付出真心有時都無回報，芯玥嗰陣就係咁。何況我依家連真心都無付出？不過當你放低咗，向前行，總會遇到一個愛你因為你係你嘅人。

用玩交友app嘅角度睇，芯玥係第一次見面就彈無鐘嘅女仔，菲菲係出過幾次街之後就無下文嘅女仔。

我以前唔相信芯玥以外嘅可能性，但如果連撞返個ex都可以發生，撞到個真心相愛嘅人點解唔可以？

消費完死者未！
https://lih.kg/3063694
- 分享自 LIHKG 討論區

最後，菲菲帶咗我去海邊。

「我唔知對你有無用，但我當時咁做完係舒服啲。當係多謝你解答咗我個問題。」

「唔係對海大嗌啩？」

「你有睇《大隻佬》，咁應該都有睇《我左眼見到鬼》啦？」

你老公喺海度死嘅，對住個海嗌啦。

「唔好啦，咁老土。」何麗珠屋企周圍無人就話可以嗌啫，依度咁多人望住⋯⋯

「嗌啦，講反話，愛佢就話唔愛佢，掛住佢就話唔掛住佢。」

一諗起何麗珠對海嗌嗰場戲，我就眼濕濕，悲從中來嘅情緒令我無視咗身邊嘅路人。

「芯玥！！！我好愛你呀！！！我好想你返嚟呀！！！你聽唔聽到呀？我真係好愛你，好愛好愛！好想見多你一眼攬多你一吓，我放唔低你呀！你真係聽唔到呀？年愛你！我好愛你呀！！！！」

菲菲呆呆望住我，身邊嘅路人經過嗰陣都望吓我。

我大口大口咁吸氣，菲菲拍吓我膊頭。

「叫你講反話喎。」

我輕輕一笑，不置可否。

「祝你早日放低。」

「你都係。你送過兩隻歌畀我，我回禮送返一首畀你。」

我哋兩個就咁望住個海聽完首歌。

菲菲嫣然一笑：「多謝你。」

相濡以沫，不如相忘於江湖。

嗰日我哋卜好嘅麻辣火鍋嗰張枱，就咁丟空，直到十五分鐘之後被街客補上。