填詞技巧有,睇得出構思上有下苦功
有引到典
唔押韻呢啲係嘗試突破, 實際效果好唔好見仁見智, 我會尊重
但最大問題係立意冇深度
愛與和平邊個唔識講?
用歌等等去換搶等等, 如果真係咁易, 普京就唔會打烏克蘭啦, 其他國家元首都勸唔掂,就憑唱下歌可以化解到?
想講反戰,但咁樣去寫,係咪都可以解讀成叫各國唔好軍援烏克蘭,叫烏克蘭投降以免更多傷亡?
反戰係好,但有冇延伸多一步戰爭係無可奈何之下係必要之惡?
好似詞中所講嘅影原子彈嘅相。現實最諷刺嘅係,係呢粒殺人無數嘅原子彈先令到日本無條件投降結束戰爭,而唔係幅相。
我覺得太簡化咗現實世界嘅複雜程度。雖然唔係情歌,但咁講愛與和平,咪一樣係啲大路野。