[本地] [點止廣東歌一種] 香港流行音樂討論 (55)

Leon 旗下 AMusic 兩個新人單位, 一個男 Yuta 一個女雙人組合 Lab

https://m.facebook.com/story.php?story_fbid=620671222763044&id=100044605141762

https://youtu.be/g12hgeDtSO0

https://youtu.be/BcgLPEvfhjQ

原來星夢仲未執

像動漫主角勇往直前 Anson Kong（下稱：AK）今年與 Mirror隊友Alton（王智德）推出單曲 <Rebound>，並將會於稍後再推出新歌 <信之卷>。

AK透露新歌MV會用全動畫製作，化身動畫主角，歌曲就由 Nowhere Boys的Van作曲、Nowhere Boys編曲、Oscar Lee填詞、Carl叔叔 （王雙駿）監製，一同製作。

他說：「很多人聽過 <黑之呼吸> 都說我適合band sound這種演奏形式。它跟＜黑>一樣以 J-Rock風格為主，像動漫主題曲，但內容比較開心，非常正面。」

佢男銀都拎過，再拎銅都冇乜意思
但903個勢唔似想谷佢封王，睇怕最後佢成就都係同陳伯差唔多

Yuta嗰首夕爺填詞

Cousin Fung係咪淺白本部旗下

點解iTunes話佢啲歌係大國文化?

好識講野

咪一樣比人出征

鄭欣宜六月在紅館舉行的「AIA 呈獻Between Us 鄭欣宜演唱會2022」，早前一公佈便掀起撲飛潮，反應熱烈，未開售已決定加開6月10日場次，由原定6月11及12日兩場，現加開至3場。好事成雙，因政府日前宣布由5月19日起可放寛表演場地觀眾入場人數限制，多得歌迷踴躍支持，主辦方宣布新增HK$480座位。連同HK$680票價，5月13日起東亞銀行信用卡優先訂票。

今早Joyce得知演唱會未開售已獲加場，兼加開入座率開心到尖叫，她笑言最初還以為在發夢，她說：「勁開心，今朝收到通知時，我首先好冷靜，未敢反應，未敢相信。係咪真嘅呢？因為當時仲喺被竇未起床，我係咪發緊夢呢？嘩，好開心呀，感激大家咁踴躍支持，覺得有少少威威囉！」除了加場，仲可以增加觀眾人數，她興奮地說：「開心到飛起！」

Joyce感激歌迷支持，說：「增加門票數目，仲加多$480座位，非常多謝歌迷踴躍支持，全靠你哋喺還未開始正式優先訂票，已喺網上有咁熱烈嘅反應，多謝大家！到時6月10，11，12日紅館見，我依家要繼續排舞，原本無乜力量，依家充滿力量啦，我要跳多3個鐘！」

演唱會詳情
AIA 呈獻 “Between Us” 鄭欣宜演唱會2022
日期：2022年6月10至12日（星期五/六/日）
時間：8:15pm
地點：紅磡香港體育館
票價：HK$680 / HK$480
主辦機構：寰亞娛樂 / 東亞娛樂
冠名贊助：AIA

東亞銀行信用卡優先訂票
優先訂票日期：2022年5月13日 (上午10時) 至5月16日 (晚上11時59分)
優先訂票渠道：www.hotdogtix.com 或 HotdogTIX手機應用程式
票價：HK$680、HK$480

https://youtu.be/DyP40kjim9U

Cloud 雲浩影 - 願望之翼 Wing Of Desire (Official Music Video)

曲：徐偉賢
詞：林若寧
編：蘇道哲
監：蘇道哲

yuta個首mv主角咁後生

來自《全民造星3》十強的Cloud雲浩影，早前一直有傳她會進軍樂壇。然而她努力為自己作好準備，等待適當時機。經過年半的籌備，Cloud終於出發了！首支派台歌《願望之翼》面世，還把這首重要作品送給第一位聽眾 – 媽咪！Cloud說：「原本我想首歌做晒混音編曲，完整好晒先至畀媽咪聽，但佢成日追問我出歌未。我知無論點樣媽咪都一定話好，我做乜佢都大力支持，所以畀媽咪聽咗，果然話好聽，至於妹妹話等聽出街版本嘅驚喜。」

比賽結束一年多，Cloud曾經返回原本工作崗位繼續做OL，但一直放不下心中的歌手夢，最後決定捉緊機會，落實簽約寰亞唱片。出道的首支主打歌《願望之翼》隱藏著她的故事和對自己的寄語。心情既緊張又興奮的Cloud分享：「我同作詞人林若寧傾嘅時候，我已經清晰知道要想表達乜嘢，有好多嘢想講，但思緒有啲混亂，好難一言一語去講我嘅心路歷程，所以我寫咗一篇『日記』。因為我哋同林若寧好似網友，未曾見面，要將私密嘅一面同佢分享，有少少尷尬。佢睇完我篇『日記』再結合佢認識嘅我，寫出嘅歌詞，完全表達到我心裏想講嘅嘢。我都喺呢首歌，留咗啲寄語畀將來嘅自己，希望將來無論如何，回望呢一刻嘅自己，記得初心。」

監製蘇道哲對音樂的堅持和品味，使Cloud非常放心。除了寄語自己勿忘初心，Cloud亦憑歌送給香港人，她說：「希望呢首歌使人有振翅高飛嘅感覺，香港人太耐無飛啦，希望帶畀大家有一種去旅行、身心自由自在嘅感覺。」MV方面，Cloud同樣去到盡，上山下海拍MV，還一身白色紗裙仙氣逼人！導演湯駿業將山坡草原布置成睡房，360度風景有山有海，Cloud躺在大床上仰望遼濶的天空，笑言無敵Staycation！

就是這句「去旅行的感覺」，Cloud清晨隨著MV拍攝團隊由出發，搭船到小島上拍攝大海和藍天白雲，然後再帶埋床褥上山拍攝，她說：「多謝團隊準備咗好多好靚嘅道具，連途人都走嚟影相打卡，然後竟然喺個山坡草地上搭咗間睡房出嚟，好神奇。雖然與蚊作伴，同埋咁多人圍住我拍嘢，但純大自然海景，瞓上床真係好舒服，無敵Staycation！」

首歌咁短

入面d牆紙仲黐緊廿年前d偶像明星
d管理hea撚到

咁先懷舊 正

你是我的病罐頭到痴線 紅綠燈 +隔離 +野孩子

幾個7位數打造HINSLAND
張敬軒進軍元宇宙開騷

張敬軒今日出席英皇嘅元宇宙發佈會，除咗介紹元宇宙嘅「冚家軒」新成員HC外，仲首播新歌MV《元宇宙之戀》，睇到小編嘩嘩聲！軒公透露密鑼緊鼓喺元宇宙打造緊Hinsland，除咗有「櫻花樹下」畀大家許願之外，連「遮遮」都粉墨登場，同軒公一齊買「多嚿魚」，而呢個Hinsland遲吓仲會有好多軒公第一手消息，包括cover歌嘅片同埋公開私人珍藏等，仲有機會優先購買演唱會飛，佢亦預告一定會去元宇宙開騷，等暑假打造好個Hinsland就開始準備，又會進軍NFT界，百足咁多爪！英皇高層許佩斯就話呢個Hinsland花咗幾個7位數，嘩，是咪即係過千萬呀？真係要搵另一個「神算軒」計吓喇！

講返下周二舉行嘅16場補場演唱會，軒公預告會有全新嘉賓陣容，亦為換飛不便向觀眾致歉，又慨嘆有啲歌迷喺補場前病逝，感激大家同佢患難見真情咁話！仲有5日就開騷，佢話依家每日迫自己瞓8個鐘，多飲水保持狀態，但唔會過量操練，因為「阿叔」年紀唔細，頂盡都係露吓手臂，亦唔想因為壓力大而失聲。笑指佢喺新歌MV回晒春喎，軒公話自己用168斷食法令Jawline重現，加上「整容級」嘅化妝同髮型，先有咁好效果咋！

此外，軒公早前首次用電話拍攝微電影《前夫的愛》，佢大呻男團pose好難擺，加上4張嘢要扮廿幾歲真係搞唔掂，又搞笑話：「多謝Photoshop！」軒公話最難扮係隊長Lokman，因為自己十幾年冇剷過skinhead，加上頭形冇對方咁靚，「成品」同本尊實在差太遠咁話！不過，軒公大讚MIRROR唔止為香港帶嚟一個新紀元，仲令好多人喺疫情中得到好多慰藉同歡樂，功德無量呀！

又nft

ViuTV真人騷《全民造星IV》為樂壇提供咗三隊女團，包括官方女團COLLAR，40強嘅8人女團Lolly Talk，及由阿VAL（趙展彤）及CK（黃斯琪）自發組成的20強組合STRAYZ，5人以獨立組合形式行走江湖，自負盈虧。副隊長CK坦言冇後台backup，出第一首歌及拍MV，成員要夾5位數出嚟，所以乜都慳住使，條路唔易行。

成立STRAYZ全因趙展彤有一日覺得好無聊，「冇乜嘢做，搞個女團玩吓，第一時間撩CK組團。」CK唯一要求就係排舞及走位都要單數，所以5人組合最合適。隊長阿VAL表示，組員榛綦（何榛綦）、Ariel（曾家瑩）及暐翹（林暐翹）都係心水之選，特別係外型同才華都好好嘅榛綦屬首選，隊長坦言冇諗過全部都一口答應。

提到當日COLLAR經理人阿Wing有搵CK為COLLAR作歌但最後唔成事， CK表示：「阿Wing知我鍾意音樂，搵我幫手做音樂，但去到決賽階段有自己嘅作品，所以先專注參賽，咁我入唔到COLLAR冇失望嘅，畀時間自己調節吓都好，否則唔會有STRAYZ。」阿VAL直認組合似流浪嘅孤兒，故改名STRAYZ(流浪者)，CK更正說：「又冇咁極端嘅，只係喺我哋當中尋找共通點，發現都係《造星IV》落選20強，而且大家都係唔鍾意被綑綁嘅自由個體，呢啲個體放埋一齊就變咗組合。」

阿VAL點頭補充：「我哋仲有一個共通點，係冇放棄過追夢，係緣份將我哋Group埋一齊。我會堅持幾耐得幾耐，一日未死都會繼續。」暐翹舉手支持：「我好鍾意表演想做屬於自己嘅音樂，長遠目標開到演唱會。」CK指STRAYZ會專注音樂，但未定性係乜嘢組合，除咗唱跳唔排除會試吓搞笑嘢；曾經係家燕媽媽旗下少女組合Honey Bees成員嘅榛綦都想試吓戲劇方面，另外阿VAL亦會單飛發展。

STRAYZ屬獨立女團，五人要真金白銀拎錢出嚟做歌，暫時夾咗5位數。年紀最細只得17歲，獲阿Dee(何啟華)力撐嘅「死𡃁妹」Ariel為此要做兼職沖奶茶。CK說：「我哋慳得幾多得幾多啦！其實真係唔容易，我哋5個人，比獨立歌手仲要難5倍，當中遇到嘅困難、不甘、釋懷會喺新歌中表達。」另成員亦唔會其他女團比較，覺得一齊為樂壇努力及追夢，百花齊放最好。

條路唔易行
加油啦

MIRROR最近推出新團歌《Innerspace》，原來拍攝 MV當日敎主Anson Lo曾入急症室，他說：「因為我近排增肥，拍MV當日水腫，天氣很熱，我隻手突然暴脹，其中手上一隻戒指脫不掉，之後我問醫生，他提議我立即要去急症室，將戒指除掉，否則明天就要call消防，是很嚴重的，所以立即衝去急症室，當時沒有對外公報，是覺得是小事情，這是意想不到會發生的事，那天這麼突然勁水腫和肥了很多，才有這件有趣事情發生。」

姜濤首次挑戰rap，歌詞由教主負責，「上年跟花姐提過想rap，想不到今年她還記得，所以今次有這個機會，我很多謝花姐和Anson Lo，因為rap是比較少嘗試，在團體裏未試過，跟Anson Lo當面傾，私底下又whatsapp向他請教。」教主說：「其實他不用問我，他的英文發音很準確。」說罷這句，其他成員都拍一拍姜濤，表示給他信心，他立即表現得很害羞。

為何教主要填英文rap詞？他說：「是跟監製Edward和花姐傾出來，這是有史以來最難填的一次，要跟歌曲本身的歌詞有關連，跟宇宙和身體結構有關，怎樣尋覓自己，是有點難寫的，今次都用了一晚，至翌日下午才完成，但這次填詞的過程是很有趣的。」隊長Lokman預告六月再有新團歌出，看來新歌才是演唱會的主題曲。