[香港人畫的漫畫]OKAMASE漫畫雜誌集中討論(1)[9成會沈底]

對唔住，放下負，都唔係針對袁生
袁生放上連登連載兩回就成3000VIEW
其他努力連載既，就連拎過手塚獎既魔廚，好多都唔過2000VIEW
唔係過袁生唔值3000
而係比袁生更努力既創作人唔應該咁悽涼
我真係替班作者好心酸
希望OMAKASE可以做得大個餅，比班創作人有應有既回報

坦白講 袁生喺宣傳方面贏人九條街

我唔否應呢樣既，好多作者都想憑實力勝負無打算宣傳
但omakase真係好多好作品被埋沒

咁袁生畫足20年，係抵佢咁多人知嘅

咁埋魔魔同天國稅都有過十幾萬ＶＩＥＷ喇

天國稅有你地推麻 同埋天國稅都有做過少量宣傳
魔魔就坦白講 H漫係有優勢既 MK妹本子都賣好多
但omakase D連載大部份真係低點擊 外賣無雙得200view
可能我睇得view數太重啦

廢柴學園作者都畫左18年 但唔出名

老師畫左18年終於出小小名，真係小小咋
所以我先好覺得默默耕耘班創作者好值得佩服

啱先去咗omakase嘅網頁 成個版面咁多個作品 袁生嗰個零零舍舍吸引到我

佢個封面好搶眼

我係咁岩見到呢個Post
我主要覺得一個問題係
如果題材唔特別的話
事實上日本可能已經畫過好多
免費而且優秀

百貨應百客，我既意思唔係話袁生差，我都有睇佢D作品
只係其他作者明顯有心過袁生畫漫畫，但無人睇
https://www.penana.com/story/81723/廢柴學園/
舉個例子，呢位老師同袁生差唔多時間一齊畫同人
睇到後面，我唔敢話進步好大畫面靚左好多，但你會見到作者既努力同用心
雖然我都知努力同收成係唔成正果既，只係我覺得唔抵囉
希望OMAKASE可以做大D，等多D人睇到D作品

你代入買家角度
睇
買
或者訂閱嘅理由
係咩

可唔可以比我講D技術性層面既野
題材係好重要
但香港既讀者更加注重「共鳴」
呢句唔係我講，係出版人講
只要有共鳴，大大與小妹都多人睇
好多書展出到繪本既作者都唔係題材獨特
大部份都只係講日常低能野

講共鳴，我覺得MKPOP個作者都比較擅長，好多抵死野

可以話係「共鳴」
但事實係佢有大量產出
算係宗教同生活

呢個情況同港產片都似
而家個個都睇迪迪尼啲電影，劇又有netfilx disney+，一個月都係一百蚊唔洗，又多題材

但撐港產野，應該係要額外畀多啲心機時間成本落去，呢個政權唔做，就我哋自己做

作為一個讀書我好無貞節
實體漫加電子漫我有九百幾本野（我有開EXTRL SAVE低，真係九百幾）
有畫得靚但好悶既，有畫得差但好睇既，總之我鍾意就會買
除左D連載去到五六十本真係無能力買先睇_ _
所以我真係唔知大眾想要咩

電影同小說我都買過幾百部
但係你做俾香港人睇，姐係冇人睇
香港人點定義?點先叫香港人

咁MK POP唔同個類IG繪本
IG個D日日更，一日四格，日日花幾秒睇左都唔覺
而且更新密度高，保鮮能力就相對會高
學術D講叫「入門門檻低」講緊係睇既入門，唔係畫個個

多謝巴打入黎同我地吹水吹到咁夜
但我唔認同針對香港人畫野就一定有用
過去就係因為太針對香港人而畫題材所以港漫入左間黑期
大約15-20年前左右，除左傳統港漫，香港仲有批作者係畫日風少年漫少女漫，背景都係香港
而20年前撞正反港產既潮流，帶港女睇港產片可以即刻分手
導致左呢批有實力既日系漫畫家收曬皮
呢幾年吹返起本土，三四年前有本漫畫叫《漫道》
就係香港人畫新派港漫，D題材都貼地
結果呢，唔夠2年就收左皮
一味迎合讀者口味都唔一定生存到
講句衰野，畫H漫就一定最多人睇

其實我意思正係冇可能針對到香港人

呢個問題之前動漫台第二個港漫POST有討論過
港漫第一件事係要有產業鏈養得起班創作人先
所以要撐港漫首先要有一批有乜作品都肯課金既讀者
而呢批讀者可能係本土支持者或者重度漫畫迷
咁先可以發展到漫畫產業，養起唔同題材同作者

其實無架，港漫追30年都唔會追到日漫
一個「正常」人緊係走去睇免費日漫
同我上面個回覆一樣
要有班重度漫畫迷同本土支持者養起第一批作者先有得搞產業