[香港人畫的漫畫]OKAMASE漫畫雜誌集中討論(1)[9成會沈底]

勁抽

呢度都就嚟爆Po

放逐靈魂 23

https://www.penana.com/story/93432/放逐靈魂/issue/23

諗住用四重加密黎介紹D漫畫

點解要加密

公開處刑

太多圖
咁樣可以㩒開睇

如果喺香港畫漫畫真係只可以同人咁畫

有邊個可以靠畫漫畫開飯

封神 30 （完）

https://www.penana.com/story/85640/封神演義-電子復刻版/issue/30

地獄暴徒 13

https://www.penana.com/story/98343/地獄暴徒/issue/14

陳某，傳統港漫個班，雖然愈做愈摺，都起碼仲維到生，日式港漫先係問題

拿，下面個D野係有D仆街，但都係日系港漫、新派港漫面對既問題黎
其實漫畫呢樣野係香港萎縮得好快好緊要，就算同人場都係
同人場有分原創類同綜合（原創加二創加外地）類（可能遲D仲有VTBER場），綜合類D場係爆到要排成個鐘，多人得好緊要
相反原創場係少人到，你可以用兩三個鐘睇曬全場D試閱本先走
我甚至試過係原創場同袁生吹過幾個字水

港漫面對既問題好多
市場細、日漫售價平民、傳統港漫刻板印象、一樣既題材香港人唔會受、宣傳少

1.市場細係正常，正路係有作品爆紅先會帶動到個市場，然後一埋漫畫家為左維持生活死鬥。正常既市場唔會係好多讀者睇，但唔夠作者出作品。僧多粥少先係正常既市場

2.同日漫爭呢樣野無乜好講，日漫30蚊一本睇成個鐘，OMAKASE58蚊一個月既量都未必夠睇30分鐘

3.唔止個邊推廣OMAKASE既POST係咁，好多人對傳統港漫印象都係黑社會打書、輕鬆四格，就算05年港漫多人睇個陣都無乜人知港漫有過日系少年少女漫

4.某D題材香港人唔受，點解我會咁講，睇下日漫年年玩運動X高中聯賽出到幾多套漫畫
D運動漫畫內容來來去去都係弱校贏強校咁炒埋一碟都有人買
你試下寫香港學界漫畫，垃圾村校打贏名校，除非你講故事能力好吸引，唔係既話你問下香港人，九成同你講香港學界邊有日本高中聯賽個種熱血呀
明明係差唔多既野擺左係香港即刻無人睇得起
如果你畫搶包山或者龍舟比賽，我諗應該幾有睇頭既

5.宣傳少真係無計，衰D講句漫畫圈同人圈來來去去都係個批人，無人將港漫帶出大眾就好難搞

就咁睇落港漫前景好似好黑暗咁，但我又覺得未必
睇返龜頭生野郎本MK妹H漫，係既，嘩眾取寵既地方有既
但的確係突破到同溫層，我好多無睇過港漫既朋友都有買，無買個D都R我SHARE（我無買雖然龜頭生係我同窗）
起碼OMAKASE有個平台係度，如果多D人見到有平台投稿去玩下畫漫畫，自己出下同人本，有一日有人見到同人漫畫有得搞就會諗商業漫畫
而且政府都有港漫動力肯幫你推下

雖然個市場係唔太得，但煲返佢十年八年，可能會有一日唔同左

綜合來講，投身動漫係唔應該將自己限制喺喺一個養唔起的市場，係要走出去，將目光投去外面世界。

我認同應該放眼世界，有睇我之前D廢UP都講過港漫走入網絡世界係好事
但我認為就算世界大同，以港漫漫畫家而家既能力，放眼世界維唔維持到生計都成問題，原因唔係港漫廢
OMAKASE既漫畫大部份絕對唔差，但走入網路世界，你既對手就係讀過專門學校、有編輯幫手、有助手團隊既漫畫家。
唔講日漫韓漫，剩講大陸漫已經好商業化
你一個人全職畫漫畫都好難同佢地鬥

好多人歸究市場差無人肯畫漫畫，但我一直都認為係有雞定有蛋先既問題
睇下天國稅同魔魔，OMAKASE唔夠200人訂，但係天國稅最少VIEW個集都6XX
即係有一班讀者係課金比HEI個28蚊PLAN
證明紅到既作品都係會有（少少）人支持
我絕對認同香港漫畫市場係差，只係市場同漫畫家係相輔相成，如果個個都諗住搵到錢先畫漫畫，個市場只會愈黎愈霉

唔係想屌PENANA，我知佢地有心，但如果有個更專業形式既網站比素人投稿
而家連PENANA有形式少少既網站，網主都唔係全力營運到個網站
連基礎既土壤都唔夠商業化，仲點養到商業漫畫家

我講到好似呼籲人畫漫畫好似投資咁，要有損手爛腳既心態先好玩
係架，呢樣野就算係日本都係架
以我最鍾意既四格漫黎講
一個月8頁稿X15000YEN一頁稿費＝一個月收入12萬YEN
遠比一般東京白領21萬月薪少
而且要連續到14期先可以出到單行本收版稅
雖然無香港咁誇張，但係日本漫畫家都要捱窮用愛發電先生活到
如果你係以打工仔心態想做漫畫家，其實呢個圈子真係唔適合你

所以無師自通流, 通常會選擇唔使編輯同助手的illustrator方向, 賣inllustration搵掂兩餐先. 非一開始就畫漫畫.

不過唔好處就係一旦慣佐illustration方式賺錢, 就唔會想畫番漫畫, 少有名氣/色氣, 畫下J圖就一堆fans送上門, 仲邊會有人畫捱編輯, 出版壓力的連載漫畫, 先攞到相比小有名氣illustrators而言, 雞碎咁多的人工. 冇辦法, illustrator 的business model, 比漫畫靈活同吸引太多, 就算日本, 外國都係一樣, illustrator比漫畫家易搵錢太多.

但實際上, 做illustrator畫J圖搵食都唔易架. 而家進化到唔單止要識畫靜態圖, 連live2d最好都要識整一下先有競爭潛力, Fans而家已不滿足於靜態圖, 更想要會動的老婆.

嚴格講漫畫同插畫係兩項專業黎，好難有人兩面都食到飯，早十年好多日本插畫家想撈漫畫飯食都撞曬牆

插畫呢兩三年係香港係香港係好搵，因為多左埋VTBER有人課金，但我相信都好快會息微
有個叫SKEB既委託網站，地道D講就係竹遮價錢買到燒鵝品質既圖
係SKEB搵日本插畫家畫野平靚快，香港D自學既插畫家好難同人鬥
雖然我唔太鍾意龜頭生野郎既9UP，但有句野佢講過我都覺得好啱聽
「日本既創作係一流既話，港台既創作最多只係二流，日本既業餘水平，所以要地道化吸引左客群先生存到」
而家連搵到錢既插畫都比日本人食埋，想做動漫相關之前，諗清楚屋企等唔等你開飯

其實呢個唔單止係漫畫界, 更廣泛D講係"香港人點睇文學, 藝術相關行業".

香港本地藝術行業本來已經唔係大眾嘢, 漫畫, 插畫藝術中的比較小眾就更加唔使講. 雖然近幾年開始有D好轉跡象, 但隨著香港大環境慢慢惡化, 剛剛先漫漫學始重視的本地藝術將會被毁於一旦, 原因你懂的: 思想自由一直收窄, 何來創作? 更加唔使講漫畫題材呢樣嘢.

而家人在外國, 外國人真心重視文化好多, 視藝術為"有價值", 冇呢個土壤唔止漫畫, 藝術相關行業好難發展起來. 因為能唔能夠商業化一個因素=當地人是否視果樣嘢為"有價值"? 但"有冇價值"呢樣嘢好主觀.

講到插畫, 好多強國人同台灣人搵食就真, 單拖一條友果D通常都係pixiv, patron, gumroad 擺作品賣.

正因為插畫家有呢D platform可以自己賣嘢, 所以競爭再大都唔驚, pixiv免費版D sample真係有水準的話, 自然會有人會向你招手. 漫畫冇得freelance同自己賣作品.

業餘藝術者, 而家都係靠呢D平台擺作品出道/得閒搵freelance.

好難 我唔會話香港插畫完全搵唔到食
但skeb真係太誇張
你今日委圖聽日就收到貨
仲要300 400蚊張
大部份香港插畫家根本無得同班日本人爭

所以多數係自己放圖上去平賣，多過做人哋委託。兩種唔同approach來的，一個係賣自己product，一個係接job做。

漫畫界目前冇前者business model，只有後者。

接job比唔過日本人，咪專心sell 自己產品攞。速度比唔上一流專業的就用selling product model做生意，唔一定接job=做打工仔。

我明你想講乜，但我想話你對漫畫界同插圖界都唔係好熟悉
1.編輯同漫畫家關係唔一定係上下關係，好既編輯可以比到有用既意見同方向比漫畫家，唔係全部編輯都一定指定漫畫家要畫乜
所以有好既編輯就係多個好戰友，會幫到漫畫家
2.插畫界一直都有當產品咁賣圖，只係行唔通先變成委圖形式
首先二創既圖唔可以當產品咁賣，因為要得到原創既作者既同意
然後原創既插圖「擁有權」講緊最平都一萬蚊港紙一張，除非用黎扮野自己畫求婚用，唔係根本絕少人會買
而家委圖咁平係賣緊「使用權」，點樣用有乜規矩全部由插畫家訂
好多人只係用黎做下頭像，貼上IG呃個LIKE
成套作品既「擁有權」對9成9買圖既人黎講係無用
「擁有權」既成交唔係無既，但香港真係極少，而且外國大部份成交都係用虛擬貨幣黎交易
特別係原創畫會用到自己設計既角色，唔係個個插畫師會肯低價賣

再補充一點，如果當產品咁賣只係賣使用權，我去SKEB委圖講到明照抄都可以買得平過你，咁點解我要買你張圖呢