[香港人畫的漫畫]OKAMASE漫畫雜誌集中討論(1)[9成會沈底]

鏡條MV幾好睇

訓唔著，突然又想9UP，阻下版面先

之前講過香港漫畫畫風，大部份係因為成長過程既審美觀同日本唔同
結果畫出黎既野就唔似
今日講下香港既美術教育點樣不利去「學習」其他人畫風

日系畫風最大精髓係面部五官排列，男既型，女既靚
我諗好多人都聽過人話「印住張圖黎畫（描圖）學唔到野架，臨摹（對住實物畫）先有用」
其實呢句野係幾錯下，「描圖」其實係學習同分析畫風個陣好有用
例如話：好多老師教漫畫角色，畫個圓中間打個十字，眼就係條十字線上面
呢個教法錯到飛起，日漫既男角眼球會係十字線上面，女角係十字線偏下，幼兒全完係十字線下面，線都唔會掂到
老師會咁教，係因為佢由細到大既畫法都係臨摹，照住人地既畫黎畫，所以佢根本無用過個腦分析人地五官點排列
而用描圖去分析，你印住張畫黎畫最少還原到90%，跟住係角色塊臉打十字分析，就可以了解人地係點畫五官
你話臨摹都可以分析，係既，但其實臨摹要還原到100%係好高難度既事，梵高7張向日葵入面，就有一張係臨摹另一張，但完全唔似
對於日漫講究仔細既調整，大部份人臨摹都畫唔到個種仔細
當畫畫臨摹可以完美還原一張畫既時候，審美觀已經固定左

9UP左咁多即係點
即係話香港既美術教法只係叫你畫畫，無去過分析人地既畫風，所以先「學習」唔到日漫既型男美女角色
以前遊戲公司火狗工房都有講過，佢地為左做出夠日味既GAL GAME
佢地花左好多時間去研究日本H GAME，點樣去學習到佢地既精髓

我未上過美術堂
但覺得漫畫可以接受嘅風格好廣闊
與其跟先生學死一隻畫法
不如抄考吓自己鍾意嘅漫畫仲開心
同埋要跟潮流微調畫風
所謂嘅日本風其實都係不斷轉變緊

真呀

啱啊，唔識畫畫個陣，其實抄考會開心過臨摹，咁樣先持續到畫圖既興趣
同埋要跟上潮流都好重要
特別插畫界呢十幾年畫風同技術上都改變左唔少，如果跟唔上就好大獲

我自己都唔完全係美術系出生，只係我學習經驗同觀察出黎既結果，香港既老師一味叫人照住畫，無用過腦分析其實好難進步
相反我報左日本既堂，老師們既教法令我打破左固有觀念
臨摹係有用，因為成功既人可以將睇到既野照畫出黎
但唔係個個觀察力咁高，可以照畫返出黎，連梵高都唔得
我識D美術會考（你幾歲？）拎A上到大學美術系既人，主力畫得意系四格漫既同學
都係唔識畫比例人體，香港既美術對畫漫畫作用不大，讀唔讀都係咁

我有個台灣朋友，移居左去日本
佢想學畫插畫，結果去美術教室都係教佢畫生果

畫漫畫肉

學好畫椰菜先係必要

甚麼都可以崩，就椰菜花不能崩

比個例子大家睇下，呢張係我最近臨摹練習既卯月


兩張既臉部係咪差好遠
我只係改動左眼睛同鼻既位置
下面張圖既眼係低左一個眼睫毛位（大約5mm）
呢D咁細既細節會影響成張畫既味道
特別係廢萌同少女漫 角色既五官比例同配置係成套漫畫既生命線
而呢咁細微既微調，除非好有天份或者畫左好多年畫
唔係既話一般人臨摹個陣係注意唔到差左係邊
反而你描圖咁去分析，就會明白自己臨摹個陣邊度畫得唔好

我講左咁耐，唔係想否定臨摹無用，我都成日臨摹黎做練習
但我想否定香港否定描圖既風氣
只要識得運用同分析
描圖都可以幫助到你進步

星期六9up完畢

勁

勁條毛，剩係整濕稿線已經證明畫個條友既態度好差
同袁生一樣角色畫出界咁既頹款

講到畫風問題，我絕對讚成一個健全既漫畫界應該有唔同畫風既漫畫家
但係點解我上文講到要「抄考」日漫既畫風
因為我認為畫風建基於日漫而誕生出黎，讀者會更加容易接受
一黎讀者既審美觀大多係黎自日漫，佢地會覺得日系靚，如果你既畫風係基於日漫咁讀者會容易D接受
二黎，好多無參考過其他人畫風既人（好多咋，唔係全部），佢地既畫風會太個性化。
有個性絕對係好事，但港台好多自學畫畫既畫家，佢地獨自既畫風其實唔討好。例如我地之前都傾過，有D人畫女角畫到男人咁，咁其實讀者可能會因為畫風唔啱而唔睇。
所以我認為拆解分析下人地既畫風，有助跟上潮流同吸引觀眾

講到美術同漫畫既關係，本菊收到風，袁生會考美術拎D（即係3）

豬面 6

https://www.penana.com/story/76260/豬面/issue/8

地獄暴徒 12

https://www.penana.com/story/98343/地獄暴徒/issue/13


上期11打左12

原來袁生有根底

老寶，識咗袁生咁多年，知佢性格係急，諗到乜就畫乜。雖然啲人成日話佢啲畫點點唔靚，但故事佢其實係講得清晰，同埋佢量產，呢兩點已經唔係好多人做到。我尤其鍾意佢嗰種脫線劇情(可能我cult

不過可能佢人大咗個火都熄熄哋，希望佢唔好放棄

雖然我唔鍾意袁生畫漫畫既態度，成日畫出界，噴到張圖係墨跡又唔塗返白
但我都有D位佩服佢，後製快同小甩漏，好小見佢會對話框無左對白
而且我認為袁生個畫功底無大家想像咁差
佢D臨摹係快得黎又OK既
如果佢肯改善下心態，對自己多小小要求，我覺得袁生可以做到想畫漫畫既人正面例子
BTW 佢為打而打真係多左少少，多D鋪排說服力會好D

之前講過HKDI開過動漫HD 但執左十年
我岩岩先知佢又開返純動畫科仲由2班變4班
唔好問我報唔報好

有咩料到

有政府資助平過嶺大同都大咁囉
同埋仲有得繼續升上去
想做2D動畫人可以唔洗讀直接去大陸做動畫工人都得
3D動畫既話，你有料老師會教你去迪士尼，荷李活咁
你話想做導演，畫分格，做演出個D，唔單止你要讀到書，仲要睇你際遇升唔升到上個個位

咦，放逐靈魂呢

係wo

個邊900正評

仲有雖然係整「卡通片」係主要課程
但其實動畫唔止日本卡通
播新聞個片頭點CUT IN都係一種動畫黎
電視劇都係需要動畫師幫手先完成到
特效又係另外一味高深野啦