[校園][純愛]《身旁的那一個》

你好似差唔多個個故都咁樣講過

再sad end就以後唔再睇您朋友啲故仔！

事實真係

唔係啩

又要sad 唉仆街棄故算

有排都未完

咪就係

呢個故係happy end嘅我以後罷睇你嘅新故

「咁樣拖女仔真係唔得

除非個女仔好鍾意你啦」

嵐嵐已經比曬暗示比東仔

第四十一章
我哋嗰日玩咗好多機動遊戲

老實講驚就驚㗎啦

咁唔通入到嚟唔玩咩

嵐嵐條友好似乜都唔驚

全部都想玩，

做下好人陪下佢囉

呢個時候就停低飲水因為真係口渴

我:「都係你醒識買定水入嚟

呢度真係好撚貴」

嵐嵐:「唔係你估

之後你同愷晴出嚟記住要買

即刻加分加分」

我:「白痴」

嵐嵐:「你哋啲男仔唔係話好鍾意加分嘅咩」

我:「唔係我哋

冇我份嘅

我幾時有同你咁講

你估我係賓仔咩」

嵐嵐:「係呀佢真係成日問我有冇加分」

我:「老老實實諗親佢都笑到仆街

對住你乜都做得出，

差在未除褲畀你彈撚」

嵐嵐:「你都痴線嘅

咁鍾意你彈啦」

我:「真係唔諗下佢

快啲講啦鍾意邊個啫」

嵐嵐:「唔應承佢同鍾意邊個冇關係㗎啵」

我:「唔知呀海狗成日都話你條友冧我

我講咗十幾廿次，

我哋有嘢嘅一早有咗啦

使等到依家」

嵐嵐:「佢唔知你對愷晴有好感咩」

我:「佢知我覺得佢靚囉」

嵐嵐:「係囉正如佢話齋，

我係對你有嘢呀一早有咗啦

使等到依家咩」

我:「咪就係囉

我同佢講撚咗你眼角好高，

冇乜邊個男仔睇得上眼」

嵐嵐:「唔該你唔好抵毀我

我冇話自己眼角高」

我:「總之差唔多啦

有次連賓仔都係咁講喎

真係戇鳩鳩」

嵐嵐:「佢講咩呀」

我:「我哋有次咪去唱k嘅，

安達嗰次呀.」

嵐嵐:「係呀做咩」

我:「我同佢去廁所

跟住佢對住我放負

又未去到放負嘅少少悶悶不樂咁啦.」

嵐嵐:「跟住呢」

我:「無啦啦同我講好羨慕我

因為可以同你合唱，

詳細我唔記得咗喇

意思類似係佢對住你唱嗰啲情歌你冇反應

佢話自己就算識晒所有合唱歌，

你都唔會同佢唱喎」

嵐嵐:「我唱歌冇諗咁多㗎喎

我揀咗首歌，

如果在場得佢一個識唱，

咁我都會同佢唱㗎

唱歌咋嘛又唔係做乜」

我:「咪就係囉

我都係咁同佢講

跟住佢話就算呢首歌我唔識，

佢話你都會等到一首我識嘅歌同我唱

痴撚線唱個歌都諗咁多嘢

話中有話咁樣」

嵐嵐冇講嘢淨係喺度笑，

我:「你話係咪先

做乜搞到咁複雜」

嵐嵐:「係囉

做乜搞到咁複雜，

明明只係一樣咁簡單嘅事

我都唔知點解要咁」

我:「啱聽

好喇玩第二樣啦.」

嵐嵐:「好.」

記得我哋嗰日最後一站係玩跳樓機，

我:「我以前講過唔會再玩多次

估唔到今日為咗你再玩」

嵐嵐:「咁畀面我呀東哥」

我:「拿拿臨啦快啲上去」

老實講如果我真係拒絕，

喺度發爛渣話唔玩呢，

我相信嵐嵐會就我嘅

不過費事啦始終咁難得嚟一次

同埋我feel到佢想玩

講明先純粹feel嘅啫，

我都唔知點解我當時有呢種感覺

冇所謂啦都係一次啫

咪玩囉，

我:「好撚驚呀鍾曉嵐」

嵐嵐:「我都係呀巫澤軒

我feel到你講嗰隻後悔啦」

我:「唔好再屌鳩我呀

今次畀足面你，

我知你條友仔想玩

明知驚我都同你玩」

嵐嵐:「多謝

好型呀你」

我:「以後都唔會再玩跳樓機」

嵐嵐:「我都係」

我記得上到最高嗰陣

望返落去地下真係嚇到標尿

不過，

要發生的始終會發生，

我哋鳩叫完一輪，

好快就落返去地下

我:「嚇撚死走呀走呀」

嵐嵐:「有冇咁誇張呀痴線」

我:「係喎睇下有咩禮品都好」

嵐嵐:「不如搵個人幫我哋影張相先，

我哋頭先講過嘅

最後一次玩嘅跳樓機」

咁多位讀者，

呢樣我就真係講得出做得到

呢次之後我就真係冇再玩過跳樓機，

唔會再畀錢買驚嚇

我:「呢張好撚有紀念價值」

嵐嵐:「真係」

我:「係呀

你知我好少咁講」

嵐嵐:「我哋東哥咁講喎

梗係尊重你啦」

我:「其他設施我都唔敢講，

呢個我係一定唔會再玩」

嵐嵐:「得啦誇張到死」

我:「講真㗎，

就係因為咁先有紀念價值」

嵐嵐:「咁嘅話我要好好save低喎，

最後一次」

我:「梗係啦.」

嵐嵐:「好.」

live

真係?

唔係啩

你成日都咁快

咁啱上黎就見到你出文

知我都係呢啲時間出

打多咗個知字

平時係過山車，今次直頭係跳樓機

玩嘅遊戲啫

Sad end lm

最後一次俾左嵐嵐
不過都係sad end 架啦大家記得帶安全帶

唔知呢