[校園][純愛]《身旁的那一個》

可能劇情峰迴路轉

係囉
人哋都講明

邊個係Hazel姐

唔知呢

睇落去就知

第三十三章
香港唱k有咩地方可以揀

依家呢個時勢我真係唔知，

我哋嗰個年代嚟嚟去去咪又係得兩三間

最後我哋去咗尖沙咀安達Neway嗰度唱

我都係依家打文嗰陣順便google，

原來已經執咗笠

可能有啲讀者唔知我講邊個位

你當係尖東噴水池嗰個位啦

話說我哋卜咗禮拜六

一共十條友，

係咁咦都要講下十個嘅

我， 嵐嵐， 愷晴， ， Teresa， Teresa男朋友， Betty，

Davis， Manus， 主席， 賓仔，

就係呢十個

佢哋有叫我問埋海狗

不過海狗話同佢哋唔係好熟

又唔係我嗰班嘅，

咁就費事啦

所以最後佢就冇嚟

記得禮拜五嗰日，

我哋呢班一齊食lunch

順便講下聽日有咩安排喎

Teresa:「我哋一個人百零蚊一點唱到八點，

好似話到時可以再加鐘」

嵐嵐:「啱晒東哥啦可以唱咁耐」

我:「包幾多杯嘢飲

冇嘢飲頂唔到咁耐」

Teresa:「好似係兩杯無酒精囉

唔夠就再買」

我:「咁就實唔夠」

主席:「你係咁飲因住去廁所去死你」

我:「戇鳩嘅

人有得揸水好過冇得揸」

Betty:「東仔你真係呢

揸水」

嵐嵐:「佢係咁㗎喇算啦」

我:「不過啲嘢真係唔撚好食」

愷晴:「東仔你有去開」

我:「同海狗夾唔中去下

有時得閒咪打電話去問，

兩個人可以唱幾耐

逐間分店打

得兩個鐘就唔去喇

有時好似今次咁可以唱七八個鐘咪去玩下」

愷晴:「喉嚨唔痛㗎咩」

嵐嵐:「呢條友都唔知咩人

平時講嘢咁大聲喉嚨都冇事

唱k又係咁」

愷晴:「嵐嵐你有一齊」

嵐嵐:「冇喎

東哥話唔歡迎其他人喎」

我:「收皮啦你

明明去溝仔唔得閒」

賓仔:「邊個呀

我要睇下我嘅敵人

東哥幫幫手開名」

嵐嵐:「你唔好信佢啦

巫澤軒你再亂講嘢聽日就cut你歌」

我:「對唔住我錯」

賓仔:「我都知㗎喇

明明嵐嵐你嘅芳心就係屬於我」

嵐嵐:「你真係飲大咗啦」

Teresa:「講返正題先

佢話包咗每人一個小食同埋一個晚餐」

Teresa男朋友:「係囉唔夠嘅話咪出去再買」

暫時傾得好順利.

最後佢哋講好咗，

十二點九喺安達門口等

遲到就直入k房

老老實實我自己知自己事

唱歌真係唔好聽嘅

不過又真係好鍾意唱喎

同埋大家唔知會唔會有呢個同感

就係對於開聲會好執著

特別晏晝呢個時間，

就算八九點起身都好，

唔知點解去到晏晝都未開到聲

我頭先咪講過我間唔中會同海狗兩個人去唱嘅

後尾我研究到，

原來朝早做運動會有助開聲

講明先對我嚟講咋

我嗰次朝早去跑步

返嚟沖下涼上下網再出去唱

狀態相當好

高音位好多都去到又唔會話好吃力

理論係咩就真係唔知

我淨係知呢個方法會幫到我

同埋我唱k咁認真，

唔關要喺班女仔面前表演事

我真係冇呢個諗法嘅

純粹係好鍾意唱k

冇獎金冇獎品都好

都想認真去看待，

有時男人就係咁無聊

明明就冇人會留意，

更加唔會有任何獎勵

不過就係會好認真去準備，

純粹為自己去負責咁解，

甚至負責啲乜嘢都講唔出

就係會咁認真係準備某啲嘢，

講得好聽啲咪自娛

而我正正係呢啲人，

再加上平時放假我都唔會瞓到好晏

朝早起身食完早餐，

休息一陣就去跑步

返屋企沖完涼之後休息一陣再出發

嵐嵐問我一唔一齊去

佢話佢同愷晴Betty會早啲出去睇下嘢

今次冇呃佢，

我同佢講話我跑步唔去啦

咁佢都冇咩就話到時見啦咁

佢條友仔呢度好

永遠都唔會逼人

唔會恃住同你關係好就逼你做呢樣做嗰樣，

我估你哋現實世界都總有呢種朋友㗎喇

真係好乞人憎，

好彩我識嗰啲都唔係啫.

同幾個粉腸去食壽司郎
夜晚再打

嘩星期六食壽司朗唔簡單邊個咁好去攞飛先？

樂仔

打下你哋喺壽司郎傾咗啲咩

樂仔真男人！

呢排忙到冇咩時間睇文
一次過追返哂好爽

得我哋四個
樂仔,我同埋呀行兩公婆
樂仔朝早一早出咗去旺角
話佢拎咗飛先
差唔多就叫我哋出嚟好冇
呀余呀成陪女就冇出嚟
其實都冇乜特別都係講下廢話
佢哋知呢個故仔
係咁問我故事後續係點
不過佢哋好肯定其中一個係女主角囉
我都係叫佢哋睇落去

佢咁啱朝早要去嗰頭拎啲嘢

咁爽

第三十四章
去到現場嗰陣

出奇地十個人冇個遲到喎

最遲嗰個主席，

都只係喺拎咗房之後唔夠五分鐘內趕到

個個都好撚準時

入到k房唔知你哋會做咩啦，

我就唔講咁多

即刻去部機面前點歌

我哋個年代冇app㗎，

邊有scan QR code

跟住喺自己部電話揀咁方便

一定係幾個人喺部機面前輪流等，

邊個揀完就pass畀第二個

不過我見佢哋唔係好踴躍

唔知係咪怕醜啦

我心諗都傻嘅

話明k房畀錢入嚟梗係唱k

梗係要唱返夠本

你唔唱就我唱

所以就係咁點

嵐嵐:「點多啲陳柏宇同埋關心妍」

嵐嵐好撚鍾意聽呢兩個人

同佢行嘅時候成日洗我腦，

係咁話佢兩個啲歌好聽呀呢樣嗰樣

返到去我search嗰陣又唔錯喎

所以佢哋好多歌我都識唱

斷絕來往， 車匙， 永久保存， 你瞞我瞞， 逸後呢啲見到有就點

就算係關心妍嗰啲我都可以轉key唱

不過我見佢點咗我就算啦

唔好搶人飯碗

佢唱嗰啲優先訂座， 無痛失戀， 你有心， 假使我漂亮， 慘得過我又真係幾撚好聽

話時話多得嵐嵐呢條友我都識佢兩個唔少歌

至於點解冇做飯

嗰陣未出呀嘛

咁大家知咩年份啦費事講咁白

話說嵐嵐佢今日又係執過嚟

有件褸加黑絲整埋對boot

唔計啲性格同埋講嗰啲嘢

係幾正嘅

而我就膚淺嘅

同香港好多人一樣，

我係睇歌唔係聽歌

所以讀書年代好撚鍾意聽stephy

靚女囉簡單

我:「特登點啲stephy畀你先」

嵐嵐:「有啲唔識喎

你點就你唱」

我:「有咩所謂」

嵐嵐:「下

好高音喎」

我:「少年你真係太年輕

可以轉key㗎嘛」

我唔知睇緊嘅你哋會唔會咁啦

我唱k係會唱女人歌嘅

有啲人就會升四個key用返男key唱，

我就選擇降四個

跟住嗌到鬼摙喉嚨咁大聲

總之就一定會喐個key

事關男人唱女人歌唔喐個key嘅話，

真係好撚難聽

雖然依家都唔係好……

講下我哋嗰陣點分佈先

好多人都會喺board game同埋唱k兩邊玩

我就唔係淨係唱k

因為我玩遊戲其實好撚渣

嗰個年代嘅board game，

我唔肯定有冇依家咁多款式玩

因為我真係冇乜點留意

基本上我玩親嘅時候都係一大班人

仲要個場冇得唱k我先會玩

有得唱k嘅話就會好似今次咁掛住唱㗎喇

唱歌嘅嗰陣都係得幾個人，

我就唔使講啦，

嵐嵐， Teresa， Manus呢三個都比較唱得多啲

其他就得個睇字或者玩緊第二樣嘢

主席個傻鳩成日話驚難聽呢樣嗰樣

拎住碌咪又要開伴唱

點會係真男人

一啲自信都冇

你話我難聽都好啦，

總之我就唔開伴唱嘅

我聽伴唱咁我使鬼過嚟咩

嵐嵐， Teresa， Manus呢三條友就醒目啦，

大家都係唔開伴唱聯盟

之後我見到賓仔坐喺度縮下縮下咁樣

咁啱嗰陣首歌唔係我

咪問佢咩事

之後佢靜靜雞同我講話要表白

要揀一首歌對住嵐嵐唱

真係short上腦呀不過好玩

所以我都即刻畀鼓勵佢

最後佢問人哋可唔可以插播一首

因為嗰陣都仲有大把時間唱，

所以個個都話冇所謂

佢最後揀咗三十日同埋美麗之最

老老實實好服佢，

側田好多歌我覺得好撚難唱

三十日都還好，

美麗之最臨尾要真音嗰啲位真係難

佢條友夠膽揀算佢係真男人

我睇住佢一路唱一路望住嵐嵐

嵐嵐我估佢都唔係傻嘅，

啲歌詞一聽就知咩事啦

佢就淨係望住個mon

唱完之後賓仔用個咪講送畀嵐嵐

屌那星真係好撚尷尬

依家諗返都起雞皮

好堅，

嵐嵐淨係覆咗佢唔使啦

賓仔意志力咁勁冇嘢嘅

都唔係第一次食檸檬，

所以仲頂得順

不過條友揀親都係呢類型既歌

全部都係浪漫/示愛

佢都好撚勁，

同一類型嘅歌可以諗到咁多首

唔同歌手都有

跟住我同佢去廁所嗰陣，

講明先係咁啱嘅啫

唔係特登約埋佢先去

真係咁唔好諗錯隔離

賓仔:「你就好啦東哥

羨慕你」

講完之後無啦啦拍我膊頭

嚇死我

我:「做乜鳩」

賓仔:「可以同嵐嵐一齊唱歌囉」

事關我同嵐嵐好多合唱歌都識唱

Teresa有男朋友，

合唱歌梗係搵返佢男朋友唱啦

Manus嗰陣都同Davis曖昧緊

自不然都係同佢一齊唱多

所以嵐嵐揀親嗰啲合唱歌都係搵我

我哋嗰個年代咪又係方力申stephy

蔣雅文李逸朗呢啲比較多

勾手指尾嗰兩個薯頭我真係唔記得出咗未

stephy蔣雅文呢兩pair就肯定有唱

我:「你真係簡單咁都話羨慕

仲以為你話乜」

賓仔:「冇辦法啦佢唱嗰啲我唔識

我識都唔會同我唱，

係都搵你」

我:「又唔好咁講你試下囉」

賓仔:「嵐嵐唔會㗎我都知㗎喇」

我心諗你知嘅話

頭先仲做啲咁尷尬嘅嘢

不過算啦費事jer住晒

賓仔:「佢有得揀都一定會揀你

就算嗰首你唔識唱，

佢都一定會等到有一首你識唱為止」

條友講完之後擰頭

喺度扮詩人，

使唔使咁誇張呀

都係唱k啫

所以我都冇乜點理佢講嘅嘢.

我問個男主角係咪真係呢兩首
佢話係

總之嗰晚專唱埋示愛表白嘅歌啦

我講賓仔