[校園][純愛]《身旁的那一個》

我真係唔知

其實賓仔先係真女主

痴線

第三十五章
去完廁所返去就繼續唱，

老老實實嵐嵐係唱得幾好聽

佢平時屌柒我都係咁

內容好難聽不過把聲係幾好

起碼唔會雞仔聲唔知講乜鳩

又唔會老牛

十足十啲賤種hr平時特登chok嗰把聲咁

所以佢唱歌好聽就唔意外

Teresa， Manus佢兩個都係

我哋呢啲業餘玩嘅啫，

唔走音已經好勁㗎啦

愷晴我就真係唔知喎，

佢拎起支咪都係唱一兩句

仲要係成班人嗰種

所以我唔係好聽得出，

佢有問我點解咁鍾意唱歌

我又係答佢唔到

純粹覺得好玩過癮

釋放壓力呢啲說話都係門面嘅啫

因為老實講，

我唔係話壓力好大嗰啲人

係覺得唱歌真係好爽咁解啫

同埋我又唔覺得有咩要怕醜

痴線嘅好聽我去做歌手啦

使鬼同你喺度唱咩係咪先

愷晴:「你又係好鍾意陳柏宇架

嵐嵐好鍾意㗎」

我上一章已經講過原因

喺度就費事重覆啦

我都係照直同愷晴解釋返

愷晴:「原來係咁，

你哋好夾呀」

我:「唔係掛我同佢撈亂骨頭咁樣

前世肯定係隊冧咗佢老母或者老豆

依家成日都睇我唔順眼」

愷晴:「會唔會呀」

我:「同你夾啲

起碼唔會同你撈亂骨頭咁」

愷晴:「你同個個都friend㗎啦」

我:「都唔係㗎

唔同你講住唱歌先，

返去玩牌啦你

愷晴:「你成日話你自己難聽，

其實都唔係丫」

我聽到不過冇理佢

梗係暗爽啦有人讚好聽

雖然佢冇講到明好聽

我係咁㗎啦鍾意ff

點知原來唔止得我一個聽到

因為呢個時候我見到有人用一個相當核突嘅眼光望住我

屌仲有邊個啫

嵐嵐:「唔好扮嘢啦你

一定暗爽緊」

我:「你都傻嘅我都唔知你講乜」

嵐嵐:「唔使扮啦聽到晒啦」

我:「唔抵得呢」

嵐嵐:「似你咩咁小器」

我:「你都唱得很好聽丫」

嵐嵐:「你都係

雖然冇陳柏宇咁好聽」

我:「我有陳柏宇咁好聽仲會唔會喺度」

嵐嵐:「點知你呀」

我:「戇鳩

唱歌啦」

跟住落嚟都冇乜特別，

因為都係唱歌班人繼續唱歌

玩board game嗰班人就一路玩，

既然係咁冇乜特別就唔講喇

之後傾好咗夜晚各散東西，

賓仔，主席， Davis三條友去打機

Manus好似話返屋企食，

Betty今日屋企好似出去食飯

佢唱完k就去join，

Teresa唔使問梗係同男朋友二人世界

嵐嵐愷晴兩個好識做唔阻住佢哋

原本呢就諗住我同嵐嵐愷晴三個食夜晚嘅

點知唱完歌出嚟，

我哋解散咗分開唔同隊嘅時候，

嵐嵐無啦啦話要返去屋企先

話唔好意思下次再約咁話喎

臨走嗰陣望一望我，

拍一拍膊頭

我就知呢條屎忽鬼想點

老套到爆

愷晴:「得返兩個

照去食」

我:「好呀冇問題」

愷晴:「你想食咩」

我:「冇所謂你話事，

頭先我食咗啲野都飽飽地」

愷晴:「咁去旺角食糖水」

我:「好呀冇問題」

愷晴都係典型女仔

糖水甜品就最鍾意，

好彩本身我都鍾意食甜品

同埋真係有啲飽唔係就佢

所以食糖水啱啱好，

愷晴:「估唔到你鍾意食喎」

我:「我好撚鍾意㗎

初中嗰陣我有時放學會同嵐嵐食糖水

後尾大家一齊買蛋糕

佢條友鍾意食之餘其實我都鍾意」

愷晴:「可能我識嘅人少啦

好似男仔會咁鍾意食甜品」

我:「真係唔知喎由細到大都鍾意食」

之後嗰餐飯講嚟講去都係講唱歌

又或者今日其他人做左啲乜，

估唔到原來佢都好欣賞賓仔

愷晴:「賓仔好勇敢呀

對住鍾意嘅人都咁大膽」

我:「係呀雖然有啲位好尷尬

不過係幾服佢」

愷晴:「唔係咁多人會對住鍾意嘅人咁大膽，

有時有啲嘢唔敢講

因為驚講出嚟唔知會點

所以一路都係咁囉」

我:「賓仔明知冇結果都咁做」

愷晴:「可能係想同自己交代掛

得唔得都好起碼試過囉，

有啲人試都唔敢試」

我見佢一路講，

個匙羹一路喺度篤佢個碗糖水

點解今日咁多人講埋啲嘢咁奇怪

個個都好似詩人咁樣，

硬係覺得話中有話

我就冇理到呀掛住食我嘅擂沙湯圓就算，

最緊要唔好影響到我食.

愷晴:「唔係咁多人會對住鍾意嘅人咁大膽，

有時有啲嘢唔敢講

因為驚講出嚟唔知會點

所以一路都係咁囉」

我:「賓仔明知冇結果都咁做」

愷晴:「可能係想同自己交代掛

得唔得都好起碼試過囉，

有啲人試都唔敢試」

我見佢一路講，

個匙羹一路喺度篤佢個碗糖水

自嘲味濃

唔知呢

或者串緊東仔唔敢去馬

睇落去就知

可能我哋諗多左

第三十六章
食完嗰陣都夜冇乜點行街

我同愷晴就返屋企，

係有個位有啲尷尬

就係搭巴士嗰陣，

架巴士好多人

嗰陣亦都冇位坐，

所以我同佢就企咗喺扶手位

你知啦嗰陣又冇smartone，

我同佢有咩好做丫

又太多人傾計都費事，

始終都唔想嘈到人，

所以我同佢都係睇風景

跟住無啦啦我同佢眼神對上咗，

呢下就feel到真係好緊張

我同佢對望完之後，

佢都好快轉移視線

我就唔係好似拍戲咁，

見到佢面紅

我亦都冇

不過打從心底裏係覺得有啲尷尬同埋緊張

因為唔知講乜好

之後佢就全程笑口噬噬

怕怕醜醜咁其實都幾可愛

總之嗰陣心情就好複雜啦

好彩冇幾耐就落咗車，

落左車之後我同佢都冇乜嘢講㗎

我feel到佢對眼間唔中會望過嚟，

嗰陣細個唔識丫嘛

點知佢呢個反應代表咩啫

由細到大都係毒撚，

雖然成日同女性接觸傾計

不過都係一啲表面嘅交流

一係就同嵐嵐呢條友

大家friend到乜都講得又點會尷尬同埋緊張呢

結果呢程路，

最後都係由愷晴開口先，

愷晴:「今日同你哋玩得好開心」

我:「其實我都係」

愷晴:「真係㗎其實好多謝你哋

你知啦我朋友都唔多

亦都唔係好擅於交際

中四之後識多咗朋友」

我:「其實我都唔識㗎

咪又係亂咁噏」

愷晴:「你點會呀個個都同你咁friend

你個人又咁多嘢講」

我:「你都可以試下亂噏㗎」

愷晴:「唔好啦我真係唔識

識咗你之後我真係開心咗」

我心諗其實我都冇做啲乜

你見我喺故事呢個階段，

冇同佢講獨立出街，

唔係收埋唔講而係真係冇

我同佢嘅接觸都係食飯同埋傾計

之前講嗰個晚會同埋今晚

已經係叫做距離比較近嘅約會，

所以我真係唔知做咗啲咩令佢覺得開心

不過循例都要講客套說話，

我:「我都係嘅

你靚女得嚟又nice

你知我啦成日得把口亂咁噏

但你又唔會阻止啲乜嘢」

愷晴:「點會阻止你呢

同埋你講啲嘢咁搞笑，

次次你講嘢我就想笑㗎啦」

我:「係咩

咁就好啦」

愷晴:「我行呢邊呀返學見啦拜拜」

我:「拜拜」

返到屋企有個人一定要搵，

唔使開名啦大家都知㗎啦

呢條友真係諗住做埋媒人

肯撚定佢係睇劇睇上腦

點知見佢冇on msn

咁就覺得奇怪喇，

明明佢應該早返過我㗎

我都知你哋會話，

用緊電腦唔一定要on msn

咁佢呢個人online個頻率好高丫嘛

基本上我用親電腦都會見到佢online

就算係朝早佢都會一早on左

所以依家呢個時間唔見佢有啲奇怪

唔知做乜鳩呢，

我都係沖涼先啦，

沖完出嚟就見到佢on左

咁咪問佢囉，

我:「次次都係呢啲藉口真係冇新意」

嵐嵐:「係咪應該請我食飯呢」

我:「痴撚線仲食

肥撚死你」

嵐嵐:「你打擊唔到我㗎」

我:「我講事實咋喎」

嵐嵐:「點呀頭先happy啦」

於是我就將頭先嗰啲嘢一五一十同佢講

包括搭車嗰度啦，

同埋落左車嘅時候，

愷晴同我講嗰啲嘢

嵐嵐:「我就咁聽已經覺得佢對你有好感

今次你真係要信我唔係玩你

我可以好肯定咁講」

我:「唔係啩」

嵐嵐:「睇你條友都唔明㗎喇

你知唔知呢有啲女仔要求好簡單嘅啫

就係想搵到個人氹佢笑，

係咁㗎咋其實」

我:「係咪呀

唔好吹得就吹」

嵐嵐:「呃你做乜鬼

佢咁講呢咁我應該知佢鍾意你啲咩，

就係佢覺得同你相處嘅時候好開心

有時唔一定物質先開心㗎嘛

不過咁，

我都明有物質都係好嘅

所以快啲請蛋糕」

我:「痴線

咁都搵到位入」

嵐嵐:「你哋搞掂呢我就可以功成身退喇」

我:「真係做媒人做上腦」

嵐嵐:「加油呀睇好你呀

唔同你講住先我沖涼呀」

我:「記得要沖乾淨啲呀知唔知呀

因為你個腦袋好混濁」

嵐嵐:「傻傻哋嘅夠你混濁」

我:「屌.」

咪撚quote 文啦

無on msn會唔會跟蹤個東仔，匿埋喺後面偷睇

咁癲
麻煩巴打唔好quote文

邊個位sad
明明食緊湯圓

第三十七章
其實我相信每個人觀察力都好好

特別係同人相處又或者關係轉換嘅時候，

可能只係唔識形容或者表達出嚟

但係自己會察覺到對比之前有咩變化

我講得呢樣嘢梗係又有嘢發生喇

其實都唔係好特別嘅戴定頭盔先

話說自從上次我同愷晴一齊搭車之後，

我feel到我同佢關係出現咗微妙嘅變化

第一喺msn傾計會多咗

現實亦都係不過個幅度就冇msn咁頻密，

你哋知㗎啦讀書嗰陣係咁

過咗咁多年我諗返起，

其實都唔知有咩要咁秘密

傾計咪傾計囉係咪先，

同性好異性都好

有咩咁唔見得光呢

不過以前就係會咁做，

大把人表面睇落去好似冇乜交流

我頂原來返到屋企會係咁同人chat

估唔到當時嘅我，

有口話人冇口話自己

講啲咩我就真係唔記得喇

嚟嚟去去都係學校啲嘢，

又或者係愷晴佢會分享佢嘅嘢

例如佢鍾意食乜，

得閒嗰陣會做乜嘢諸如此類，

有時佢問返我咁我都會照直講嘅

就係咁啦

返到學校唔知點解我對住佢會迴避眼神，

我feel到佢冇望過嚟呢我又會睇下佢咁

同我讀小學嗰陣鍾意女仔一樣

依家諗返起都唔可以叫鍾意嘅，

有好感啦下

我就係會做啲咁嘅嘢，

例如上堂嗰陣我就望住個女仔

原來佢用左手寫字㗎喎

原來佢隻錶帶右手，

等等等等

會懶係好醒咁樣柯南上身

將有好感嗰個女仔嘅所謂特徵，

一一收埋喺腦海入面

我嗰陣就係咁嘅心態對住愷晴

你問我係咪鍾意佢，

我唔敢講

因為我連我鍾意佢嘅原因都搵唔到

不過上堂又或者平時食飯會扮不經意咁望佢，

我亦都知道佢亦間唔中會望住我

之前冇咁頻密嘅，

而我同佢就好少單獨相處，

有時走廊撞到

我會見到佢似笑非笑咁樣囉

有次海狗都見到，

我都係求其hea咗佢就算

佢對住個個都係咁㗎

海狗就會即刻屌我

「又唔見佢對住我陰陰嘴笑」，

其實佢冇講錯嘅

佢呢個表情我睇得最多往往就係對住我做，

真係唔係我ff

始終呢啲表情代表咩啫，

唔會因為呢樣就覺得係鍾意架嘛

呢方面就係最大嘅唔同.

呢個行為一路都維持咗個幾月，

話說嗰陣我哋學校呢一年考四次試

上下學期各兩次，

三月尾四月頭呢

就係下學期嘅第一次

可能你哋都會問，

有冇利用溫書溝女

我依家就可以答你係冇嘅

依家諗返真係好笨柒

鬼叫嗰陣緊張成績咩，

事關我真係一個人溫書好啲

有其他人喺現場會令我分心，

就算係海狗都好，

我同佢都未試過兩個出嚟溫書

海狗呢啲係配角，

主角係班女丫嘛

細個真係死蠢

咁嘅機會都唔識把握，

抵畀你哋屌

所以呢個故事冇乜溫書情節只可以講

唔好再講傷心嘢啦

講返正題先

話說考完最後一科之後，

當晚我即刻收到電話

一睇，

屌又係嵐嵐

我:「鍾小姐做咩事」

嵐嵐:「講一單堅嘢畀你聽」

我:「做咩事呀」

嵐嵐:「頭先我同愷晴傾計，

佢話想約你約我去海洋公園或者迪士尼」

我:「三個人玩呀」

嵐嵐:「你放心我知你驚乜嘢

我唔會阻住你哋嘅」

我:「又唔好咁講

我冇所謂呀

約一班人都得」

嵐嵐:「講到懵人你都算係第一個

佢私底下講得就即係唔想一班人啦，

單獨呀死蠢」

我:「咁佢又叫埋你」

嵐嵐:「佢話唔知點開口丫嘛

咪諗住借我把口約

同埋佢話佢都真心想我嚟嘅

我哋三個有傾有講，

呢度講呢度散呀」

我:「唔係掛有幾難開口呀

我又唔係大牌」

嵐嵐:「人哋女仔怕醜丫嘛你識乜鬼

我知佢想點啦

所以頭先我即刻同佢講

『唔會阻住你二人世界』咁樣.」

我:「咁佢有咩反應」

嵐嵐:「冇呀咪就係笑囉」

我:「佢想兩個去晒呀」

嵐嵐:「唔係呀佢話二揀一

佢話想去迪士尼多啲因為有卡通人物

佢好鍾意跳跳虎喎」

我:「呢度講呢度散」

嵐嵐:「使唔使呢句都抄」

我:「屌唔係唔係

講真其實我想去海洋公園多啲

卡通人物我都冇興趣，

雖然兩個都唔鍾意㗎啦

咁但係二揀一我寧願玩刺激嘅機動遊戲囉」

嗰陣嘅海洋公園唔係今日咁潦倒

人影都冇隻咁

我唔肯定啦始終冇查數據，

咁但係我記憶上當時仲有唔少人

放假冇嘢做嗰陣都仲會諗起海洋公園

學生好情侶又好，

師奶湊住個小朋友都好，

總之都起碼會提下海洋公園個名

依家真係提都費事

嵐嵐:「我幫你問下佢囉

佢都有問我知唔知你對呢啲有冇意見

所以一路唔敢開口」

我:「老老實實迪士尼真係麻麻

咁講真佢約嘅話我都唔會有咩問題嘅

純粹自己二揀一鍾意海洋公園多啲啫」

嵐嵐:「一早知你啦死人頭

不過老老實實二揀一我都係揀海洋公園多啲

你知我冇邊隻卡通人物係好鍾意

不過你可以放心，

我唔會阻住你哋嘅好事」

我:「咁你幫我問下可唔可以唔去迪士尼去海洋公園

警告你呀唔好同佢講係我嘅意思」

嵐嵐:「得啦

借我過橋你就叻」

我:「我對你嘅辦事能力好放心」

嵐嵐:「愷晴鍾意跳跳虎呀，

我睇佢唔會變㗎喇你死咗條心佢」

我:「問咗先啦.」

我係男主實放棄愷晴揀嵐嵐