[校園][純愛]《身旁的那一個》

我冇特別問
始終又唔係啲開心嘢

完故會唔會請東仔上黎Q&A

安全帶準備
明明啲內容仲係咁正常 都可以睇到人好down

已經一早講定

應該都唔會啦
佢會打篇嘢畀我咁樣囉

可能你哋有偏見

點會

第二十八章
第二日

我哋幾個就參加咗呢個義工足球團

講下有咩人先

有我啦，嵐嵐，愷晴

跟住就係未來嘅新郎哥新娘Davis同埋Manus

佢哋呢個時候我冇記錯好似係曖昧階段

好肯定嘅係未正式一齊

正正因為佢兩個喺度曖昧緊

所以佢兩個成日會一齊唔知去邊度

變咗我哋呢邊三個人成日都會一齊相處

唔好阻人發達啦係咪先

嗰日我哋約咗喺目的地等

事關我呢個人其實好麻煩

有好多嘢都唔係咁鍾意

例如搭巴士呢啲呢多數都鍾意自己一個

如果佢兩個唔識路呢我就唔會咁嘅

真係唔識嘅話咁點都要帶佢哋去啦

結果嵐嵐識路

同埋我知道佢兩個去之前

首先要返去學校拎啲嘢先

跟住先去球場

於是我就借頭借路鳩吹幾句

話嗰日我唔喺屋企出發

叫佢哋去球場等

唔知你哋明唔明呀一個人搭車其實好爽

以前唔係依家咁有smartphone

可能打下機呀睇下書咁樣囉

再唔係其實戇居居坐喺度乜都唔做都好正

當然我都明白未必好多人都有同感

所以每次都會鳩吹一啲藉口出嚟

屌呢啲唔係重點

講返嗰次先，

嗰陣我早少少去到

冇幾耐就坐喺度買咗檸檬茶飲

球場嗰啲保安知道今日有活動

問咗我兩句就放咗我入去坐

跟住就坐喺度睇人踢波

因為其實嗰個場係一路都有人踢緊波

你知啦球場嗰啲係book場制，

咁咪坐喺度睇下囉

跟住見到有兩條友行緊入嚟

就係佢兩個啦，

嵐嵐:「自私精一個飲檸檬茶」

我:「都戇鳩嘅

你都未嚟點買畀你」

嵐嵐:「而家嚟咗喇咁係咪有呀」

我:「貪心到你

檸檬茶都要呃」

愷晴:「嵐嵐一係我去買

預埋你」

我:「唔使啦我去啦你兩個淑女坐喺度

應該就叫呢條友去買嘅

又係佢發姣話要飲

不過算我呢啲gentleman梗係識做」

嵐嵐:「呢條友呢條友

去啦」

我:「咁撚串陣間我喺入面加料」

嵐嵐:「無聊鬼你咪又係得個講」

我:「畀你發現咗」

愷晴:「服咗你哋」

跟住買完返嚟

嵐嵐:「畀返錢你」

愷晴:「係喎」

我:「唔使啦

你兩個咁撚靚呀

我請你哋係我嘅榮幸」

愷晴:「誇張」

嵐嵐:「算你識講嘢」

我:「仲有呢盒」

跟住我就拎咗盒薄荷糖出嚟，

嵐嵐:「我要一粒」

跟住我就好自然畀一盒佢

呢樣佢就真係有品，

唔會食咗一盒跟住畀返個吉盒我」

愷晴:「嘩原來你都鍾意食薄荷糖架」

我:「係呀好食架

又唔驚口臭」

愷晴:「嵐嵐又係好鍾意食成日都買」

我:「佢條撚樣抄我」

嵐嵐:「咁就叫抄你

你係邊個呀叻仔

我嚟之前都想買定

點知我知有你喺度一定有得食

所以就唔買啦哈哈」

我:「食啦食啦」

愷晴:「點解你成日都買嘅」

我:「老母買落」

愷晴:「係咪呀」

我:「呃你做乜

我咁鬼懶就唔好搞啦

好彩佢識做」

嵐嵐:「同佢熟咗就會知道有好多搞笑野」

愷晴:「真係」

講下講下Davis同埋Manus都嚟咗

我哋五個吹左陣水就見到miss，

跟住講幾句就開始啦，

話說尋晚畀海狗係咁講

搞到我都想問下嵐嵐鍾意邊個，

等我快啲有答案塞住海狗把口

唔好成日都講我個名

不過咁多人都係算啦，

總有機會嘅.

可能係開心share

係我寫得唔好

多謝

又冇文

第二十九章
講真

我個人真係冇乜愛心

對小朋友亦都冇興趣

呢個義工活動我唔係畀人叫咗我個名，

都唔會參與

同埋都係為咗兩個優點，

當然啦嗰陣細個唔知

優點好缺點都好，

出到嚟做嘢都冇人會理嘅

都係睇成績做人

嗰陣唔知咁多丫嘛

踢波我又唔係好識

都唔知去嚟做乜

跟住見到一班細路仔入咗嚟

佢哋啲工作人員都叫我哋埋位，

之後都係嗰啲老套嘢啦

乜嘢多謝咁多位哥哥姐姐參與嗰啲呢

跟住就分開幾組玩

嗰陣我哋五個人各自帶一組細路仔

有啲仆街細路仔好咸濕

淨係追住嵐嵐愷晴同埋Manus

對住姐姐佢哋好興奮喎

係咁跑笑口噬噬

對住我呢啲哥哥就唔要

扁晒嘴

又完全唔積極

正屎忽鬼

都冇嘢啦係咪先

我都係hea交功課啫，

話知班細路仔咩態度呀

總之夠鐘走人就得

同我依家返工一樣哈哈哈哈

唔好離題講埋呢度先，

原本呢個活動就冇乜特別嘅

當然啦如果真係少少嘢都冇發生，

咁我梗係唔會拎出嚟講

講得出呢即係話，

梗係出現咗少少意料之外嘅事

係咩呢就唔講住

放心啦邊拖得咁耐

接住落嚟就講㗎喇.

話說去到尾聲，

冇嘢喇大家喺度玩緊

點知我條友無啦啦踩波車

柒到爆

大大聲「哎呀!」，

就成個仆親

都算啦踩波車呢啲邊個未試過

警告你哋唔好話未試過呀

最慘係我真係整到隻腳

好撚痛

真係死得

跟住啲人都行過嚟，

嵐嵐佢哋又好工作人員都好

當我好似係動物園啲動物咁

睇下究竟發生咩事

之後就扶咗我喺場邊坐

坐多陣佢哋就正式完結

呢個時候我先知道，

原來佢哋要返學校

話要交還啲唔知乜鬼嘢物品

真係唔記得咗啦

總之要返學校喇，

原本就傾好咗由嵐嵐愷晴負責兩個拎返學校嘅

愷晴:「嵐嵐你係咪知東仔住邊度

你送佢返去先啦

啲嘢我拎得㗎喇」

嵐嵐:「係囉真係辛苦曬你

我要睇住佢送佢返去

佢一個人應該返唔到去.

Davis:「我同Manus都幫愷晴手咪得囉

嵐嵐你就睇住東仔啦」

嵐嵐:「就咁話啦」

跟住我同嵐嵐就搭的士返屋企，

我:「真係辛苦晒你

又差你一個人情」

嵐嵐:「得我一個知你住邊咋

唔係我幫你邊個幫

你搞成咁一個人點返到去」

我:「真係論盡

堅係痛唔係扮嘢」

嵐嵐:「你睇醫生定係跌打呀」

我:「跌打啦

我小學整到都係睇佢

邊度邊度嗰間呢」

嵐嵐:「哦我知邊度啦，

返屋企沖個涼先落去啦

我知你夜晚再沖嘅」

我:「你係咪變態㗎」

嵐嵐:「識咗你幾多年丫

係你平時冇留意啫」

我:「都好

送到樓下就得，

辛苦你喇遲啲先請返你補數」

嵐嵐:「唔好講到我咁功利

同埋送埋你上樓呀

你一條友返屋企，

我真係對你好有保留」

我:「嘩咁多謝」

嵐嵐:「遲啲識做啦」

條友又整埋啲單眼樣

又喺度扮可愛

屌，

不過係幾靚嘅.

我都多謝你哋肯睇

今晚耐咗少少唔好意思