[校園][純愛]《身旁的那一個》

照你咁講都sad sad地

你哋成日引丁仔講漏口

有偏見

丁仔Long time no see
留明支持新故但係點解今次冇左真人真事嘅？

咪係

好耐冇見
其實係咁嘅
因為我覺得過咗咁多年
基本上冇可能全部都係100%真
當然啦發生嘅事就係真嘅
只係有啲細節
好似傾計呀又或者食乜嗰啲呢
就真係唔敢講

都係個句，未得閒追新故住（其實都係想等多幾篇先一次過睇）
近期生活如何呀？不停咁做黎生？有冇再見到阿雪呀？同阿余樂仔佢地又點呢？

我梗係冇黎生咁犀利
我哋幾個都係咁
冇咩大變
呀行若凝兩公婆話想繼續享受二人世界
呀雪都有一段時間冇見
佢都忙又返工又湊女

芊靈同壹仔點

唔會成日見囉
兩三個月前好似有一齊食飯

丁仔我翻嚟喇
希望今次唔好花式sad end

hi豬

好耐冇見

次次好彩有佢幫我執手尾

就好似今次咁.

好似有啲sad味
係時候扣翻個安全帶

由我翻intern到依家大學畢業
依家仲翻埋fulltime
睇咗你啲故好耐
終於有新

原來好多讀者都係咁

我都係由大學睇到而家做緊full time

當年大學精神支柱嚟
依家係翻工嘅食糧

覺得自己老咗好多

我都係

咁就幾年

蝸牛 啱唔啱

慢了 醒覺 時常連累到你生氣理由
遲了便遲了沒借口

為何慢一點給你最大量愛
為何慢一點把我美麗諾言裝載
但是愛仿如長跑 如長跑 你厭倦了
饒恕又饒恕沒改過 疲倦的感慨

斷了氣再學習嘆息實在待薄你
來到無人理 孤獨的過 至想起

為何慢一點給你發現被愛
為何慢一點知道你為未來 感慨
陋習缺點如何改 如何改
我太自我 遲了沒時間為你改

為何未懂得相愛這耐力賽
為何未察覺到你每一次忍耐
遲十秒 遲十秒 可惜我似蝸牛
等待結局來了方理睬 遲鈍的戀愛

第十四章
第二日返到學校，

好多咸濕仔都好期待抽到邊個同學

最好笑嘅係咩呢

就係啲老師為咗保持神秘感

抽完之後要同miss講

miss就逐個逐個mark低，

去到今個禮拜六亦即係晚會嗰日，

佢先會當場公佈結果

咁講嘅話，

即係我哋今日抽完之後，

其實都唔知會同邊個做拍檔

咁當然，

都可以出蠱惑嘅

因為我知道抽完之後，

其實係唔使即刻去miss嗰度填名

咁喺呢段時間靜靜雞交換嘅話

其實冇人知

不過邊有人會交換丫

如果係好嘢嘅話

之但係你都唔好話喎，

嗰陣成班人都好無聊

有啲同學就冇所謂嘅，

邊個女仔做拍檔都得

入到去都係掛住食嗰啲

呢個時候

有啲抽到豬扒嘅同學就會提出交換嗰支籤，

至於點解佢哋會知道對方係豬扒

就真係唔知喇，

我估好大機會係偷睇到啲女仔抽到咩色

咁既然本身都係豬扒，

仲有咩可以輸呢係咪先

咪試下交換睇下可唔可以逃出生天

講明先，

我自己抽嗰陣我就唔知嘅

我淨係知我抽到綠色

跟住好大聲講嗰句綠色屌

你諗下男人老狗綠色幾驟忌

嗰下情不自禁大叫咗，

不過嗰陣都唔係好多人喺度

應該冇人知嘅

跟住等一陣就去miss嗰度mark低

之後就走啦.

好老實講，

嗰個年代嘅我真係好少見女仔著晚裝

睇電視就多啫

講到期待就誇張咗，

你話𥄫女咁就梗係想啦

大佬我都係男人嚟

不過我要𥄫呢都要等到現場先有得𥄫

可能你哋會問，

我唔係同嵐嵐去咩

咁咪順便可以睇埋愷晴

咁就唔好意思喇真係唔係同佢去

佢同佢成班friend去

咁我就費事一齊啦

雖然我都識佢哋，

之但係之前都講過，

既然唔係好熟嘅話費事行過去一齊玩啦

好似r friend咁好核突

我就同海狗兩個去

雖然唔同班，

不過大家都keep到contact

夜晚成日都打下機，

順便吹下水咁樣囉

其實咁已經好過癮好爽

我:「聽日邊度等」

海狗:「我哋搭巴士去囉

反正直去尖沙咀.」

我:「早到左咪喺附近行一陣」

海狗:「都好

你就爽啦身邊咁多靚女」

我:「有條毛呀」

海狗:「點呀有冇私底下同嵐嵐夾」

我:「痴線點夾

問題係我都唔知邊個同我同色

其他人抽嗰陣我又冇留意

邊有咁多蛛絲馬跡」

海狗:「我都睇你唔順眼好耐

鬼唔望你抽到豬扒」

我:「你啲人心地好撚差」

海狗:「左右逢源丫嗱

係喎你拎咗愷晴msn未」

我:「未呀做咩」

海狗:「一齊食飯都唔拎」

我:「痴線一齊食飯就要拎嘅咩」

海狗:「咁你點約佢哋

係喎你有嵐嵐丫嘛」

我:「你都講咗原因啦」

海狗:「快啲拎啦唔係邊有話題」

我:「你真係變態佬慢慢嚟啦」

海狗:「今時今日咁溝女真係唔得

又畀你死好命」

我:「真係痴線佬仲緊張過我」

海狗:「一男兩女呀依家，

睇下你點搞喇」

我:「一個我同佢friend嘅啫

講幾多次都係咁架啦，

另一個係最近先熟

都唔係熟呀多啲野講咋

絕對唔係你諗到咁」

海狗:「睇下遲啲點」

我:「你啲幻想力真係好撚豐富」