[校園][純愛]《身旁的那一個》

多謝巴打支持

係你會點做

今晚打多篇

拍得拖點會唔係女主

我全部都要.jpg

難盡如人意

睇落去就知

文呢

第三十二章
大家都知依家我係跛佬

所以聖誕節同埋除夕就唔關我事

哈哈其實除夕之前一兩日已經好返七七八八

不過好懶費事出

同海狗打下機算數

我記得嵐嵐愷晴都有同我講節日嗰啲慶祝說話

愷晴就信咗我真係未好返所以唔出嚟

嵐嵐佢就覺得奇怪

因為醫生明明話過敷幾日就得

心諗依家差唔多兩個禮拜，

我都係求其亂噏話進度唔好

不過差唔多㗎啦

好快就正常返

費事畀佢知我懶出啦，

同佢哋出嚟咪又係鳩下鳩下

係咁行街都唔知做乜

出面天寒地凍

喺屋企最舒服

所以今年嘅聖誕除夕就真係冇特別

唔係我懶唔講，

而係真係冇

過埋除夕跟住就開學，

話說我哋學校年年1月都會搞唱歌比賽

跟住我聽佢哋講

諗住出年參加

因為到時唔好彩嘅話係最後一年

未必個個都可以中六原校升讀

而嵐嵐就肯定係最後一年

所以佢話佢都想玩下

留返個回憶咁話喎，

佢哋嘅意思係唔包括我

老老實實小弟都幾鍾意唱歌

不過自己把聲難聽

對住鏡頭同埋多人嘅環境，

又會有啲緊張

參加比賽真係唔好搞

所以我就應該唔會玩㗎啦

睇人唱就得.

跟住講下講下，

就話去唱k好唔好

我就冇所謂嘅

反正禮拜六日冇乜嘢做

嵐嵐:「最難約又最多嘢做嘅東哥都話去

咁冇得唔唱啦」

我:「唔使咁講嘅嵐姐

你都唔係易約啫」

嵐嵐:「唔好咁講受唔起呀我」

我:「講明先我唱歌就好霸道

第一難聽

第二會係咁唱

第三好大聲

你哋o唔ok先」

嵐嵐:「你畀面嚟一定ok㗎」

愷晴:「其實我估我都係睇你哋唱多」

Teresa:「我哋咁多個人應該有

係咁嘅話應該有啲嘢玩嘅，

畀晒你唱又點話」

Betty:「係呀係呀嗰次一班人去有波枱」

Teresa:「我叫埋我男朋友過嚟ok」

喺度好似冇講過，

Teresa男朋友係隔離班

我知係邊個不過未同佢玩過

唔好講食飯，

傾計都少呀

望落去似係乖仔嗰啲

斯斯文文

愷晴:「梗係ok」

Teresa:「未同佢玩過嗰啲呢

東仔，主席」

主席:「ok呀冇所謂」

我:「佢接唔接受到我唱歌難聽同埋好嘈先」

Teresa:「佢接受唔到我都逼佢接受你啦

放心啦冇嘢嘅」

我:「我揸佢春袋會唔會嬲㗎」

Teresa:「咁可能係我會嬲囉」

我:「算啦咁我揸主席」

主席:「痴撚線」

嵐嵐:「唉原來你真係玩呢樣

放心啦我哋接受到㗎

大方啲承認啦」

我:「覺得圓dum dum好玩啫」

主席:「變撚態咪搞我」

之後叫埋Davis同埋Manus

點知過程入面賓仔聽到，

本身佢同Davis都算熟

於是賓仔就問Teresa可唔可以一齊玩

我之前都講過啦，

嵐嵐條友仔其實都幾大方

佢又唔會叫人唔好預賓仔玩

所以賓仔嗰日都會過嚟一齊唱k

我淨係諗佢到時點樣騷擾嵐嵐已經覺得好撚好笑

諗下有冇嘢整蠱下先，

不過唔係喎嵐嵐對其他人大方啫

對我就唔撚係

所以都係唔好喇

費事好似上次咁又激嬲佢

小器鬼.

聽日繼續

得罪講句
啲公仔（）多到我睇唔到落去

唔好意思呀巴打

巴打你咁留意佢

賓仔會唔會對Hazel姐好熱情呢

咁快估到邊個係hazel姐

唔係嵐嵐仲有邊個？