[校園][純愛]《身旁的那一個》

咁就要睇落去

係咪都係咁寫

出文未

放工前打咗少少
返到屋企食飯再打少少都得

第十三章
買完跟住就返去啦

差唔多返到去就打畀老母

我就拎住蛋糕盒返上去屋企

上到去之後呢就放低，

跟住老母就畀啲生果我帶落去畀嵐嵐

嘩佢條友重手度

有提子有橙仲有奇異果

痴線

老母:「你叫嵐嵐食橙同提子先

呢兩個應該擺唔到好耐

奇異果仲生生地，

可以等佢熟

記住講呀」

我:「得啦」

跟住老母指個蛋糕盒問咩嚟架

我:「你擺雪櫃先

我拎落去畀佢先，

返嚟講」

跟住我就頭也不回衝落去

又好順利喎好快就落到去

我:「小姐呢啲係你嘅.」

嵐嵐:「嘩咁多嘅

點好意思呀」

我:「警告你唔好唔要

我唔想攞返上去因為好重」

嵐嵐:「廢」

我:「佢叫我同你講食咗橙同埋提子先

奇異果就可以擺下因為依家仲未夠熟」

嵐嵐:「幫我多謝auntie呀唔該

記住呀要講呀」

我:「得啦」

嵐嵐:「真係有啲唔好意思

下次要請返auntie」

我:「唔好啦

到時又要我拎嘢」

嵐嵐:「點解你可以咁鬼懶嘅呢」

我:「好重呀你唔知咋」

嵐嵐:「你咪又係得個講字

到時咪又係拎」

我:「到時先算啦」

嵐嵐:「咁好喇我走喇拜拜」

我:「拜拜，

咪行住」

嵐嵐:「做咩呀」

跟住我喺衫袋拎一盒薄荷糖出嚟

點解我會有

因為頭先我上去屋企嗰陣見到有盒擺低咗喺枱面

咁我就諗住拎落嚟送俾佢，

因為我記得佢鍾意食

我以前返學上堂食嗰陣，

佢成日都問我拎

嵐嵐:「嘩咁多謝嘅」

我:「梗係啦

我呢啲有品格嘅人點會又食又拎

送返啲嘢畀你

不過唔好嫌cheap喎」

嵐嵐:「點會呢

我哋嘅東哥難得咁大方

多多都要」

我:「咁好啦拜拜」

嵐嵐:「咪行住」

我:「又做咩呀」

嵐嵐:「拜拜」

我:「好撚無聊呀你

返去啦拜拜」

返到屋企，

我:「頭先嗰盒蛋糕嚟嘅

一舊你一舊我」

老母:「咁好死益埋我」

我:「嵐嵐請你㗎」

老母:「估到你冇咁好死架喇」

我:「佢話唔好意思喎」

老母:「傻嘅有咩唔好意思

你問佢好唔好食

好食我再買」

我:「佢都未返到去

點樣問」

老母:「又係喎

不過嵐嵐呢啲女仔真係好

又靚女又斯文仲有教養又大方得體.」

呢一句係原文

因為我好記得我老母咁講過佢

我嗰陣心諗有冇咁誇張

靚女老實講我唔否認嘅

斯文好明顯就唔係

教養呢啲好明顯扮出嚟

大方得體我更加唔認同

條友好撚小器

我:「會唔會呀使唔使吹到咁大」

老母:「嵐嵐有冇拍拖呀」

我:「冇喎，

條友眼角好撚高

個個都睇唔啱」

老母:「你哋試下一齊啦」

我:「講咗十幾次真係朋友

你係都唔信嘅」

老母:「哎呀好啦好啦

嘩個蛋糕幾好食喎下次再買」

我:「得」

證明好多女人都好鍾意食甜品

乜嘢年紀都係

去到夜晚循例都要問一問佢啲生果好唔好食

費事老母又屌

我:「我老母問你好唔好食喎啲生果」

嵐嵐:「好食呀

啲橙好甜又多汁

提子甜得嚟又唔會好澀」

我:「咁就好喇我可以交功課」

嵐嵐:「幫我多謝auntie多一次

真係好食」

我:「得啦唔使賣口乖」

嵐嵐:「講真架咩賣口乖」

我:「咁我老母買啲生果不嬲都ok」

嵐嵐:「唔怪得你條友成日話生果咁好食

原來auntie咁識揀」

我:「ok啦我話知佢用咩方法

總之好食就得」

嵐嵐:「點呀auntie覺得個蛋糕好唔好食」

我:「佢鍾意食呀

你哋啲女人真係好撚鍾意食甜品」

嵐嵐:「你自己唔係嘅

唔好扮嘢呀你」

我:「少少啦哈哈哈哈」

嵐嵐:「超」

我:「唔知聽日抽籤結果點呢」

嵐嵐:「睇死你咪又係想抽到愷晴」

我:「唔好豬扒就得」

嵐嵐:「聽日咪知囉」

開始 feel 到淡淡然嘅 sad 味湧出嚟

竟然係咁

東仔係咪都有睇緊你寫呀

我次次喺度post之前都會畀佢睇
佢ok先post

要準備扣好安全帶了

佢ok = 佢哋ok?

希望抽到嵐嵐

咁快
可能唔使扣呢

咁就唔知喇

好快就知

呢首好聽

咁通常都唔係好嘢

又唔一定嘅

但你一有歌都sad㗎喎

驚講多錯多
唔劇透了