[校園][純愛]《身旁的那一個》

好掛住副圖

好得意

大家誤會咗

愷晴爆響口，明明嵐嵐文科好啲都專登揀理科

早晨一推

好掛住丁仔
新故留名

巴打諗咁多

多謝支持

等新故等到有帳號

先留名後閱讀

好耐冇見了丁仔

等咗咁耐

好

見返好多舊讀者

啱啱睇翻丁仔你自己個故 真係好虐心 好掛住呀雪

都好耐了
我自己個故反而打得最少

遲咗一日 留名

15年喇 揾到新一個未

講人哋就識講，

自己就唔識做.

老實又真係冇特登強求

做咩咁

你知得太多啦

第七章
得返我同埋愷晴兩個

老老實實我都驚尷尬

好熟又唔算好熟，

不過又唔係完全唔識

頭先大家傾得開心係因為有嵐嵐喺度撐住個場

佢唔喺度就冇辦法啦

唯有搵啲嘢講下

不過又唔想做到好狗公

所以都唔知點

結果我想講嘢嘅時候，

愷晴佢就搶先講咗

愷晴:「我聽嵐嵐講呢

你兩個中一識到依家

又會friend到咁耐嘅」

我:「其實我中一上學期真係同佢坐嘅

你都知佢啦串柒柒咁樣

唔係唔係唔係好囂張好囂張先啱」

愷晴:「唔緊要呀你繼續呀冇所謂呀哈哈」

我:「其實我都唔知點解會同佢熟，

我又冇幫佢做啲乜

慢慢呢就唔知點解開始多嘢講」

愷晴:「你知啦我哋有班friend㗎嘛

上年呢我哋成日以為你兩個拍拖㗎」

我:「唔係呀真係friend嚟㗎咋」

愷晴:「嵐嵐都係咁講囉

不過我哋初頭唔信㗎，

好搞笑㗎佢講親你呢

雖然成日都係衰嘢

但次次都講好多

你哋真係好friend」

我:「咪住先，

佢條友講我咩衰嘢

呢啲真係仆街

愷晴你千祈唔好上當」

我:「咪話你懶呀陰濕呀度縮呀嗰啲囉」

我:「痴線嘅懶都得罪佢

今晚返去屌鳩佢先」

愷晴:「講笑啫佢

你唔知咋佢一路講一路笑

同埋我估你都知啦佢好少男仔深交嘅朋友」

我:「講真我覺得男同女唔係得拍拖

我同佢叫做熟少少咁囉

有嘢一早有嘢啦

佢要拍拖好容易啫搵賓仔咪得

佢叫賓仔切條撚畀佢煲湯都得㗎喇」

愷晴:「咁核突唔好啦

嵐嵐佢話唔想畀無謂希望佢喎

因為真係唔鍾意佢

有時我哋問佢鍾意邊個又冇講」

我:「係呀我成日叫佢搵賓仔做水魚

佢都話唔想畀假希望佢

係喎識佢咁耐都冇問過佢鍾意邊個

得閒我都問下先」

愷晴:「咁又係

哈哈原來你冇問架」

我:「冇呀呢啲關我撚事咩

不過依家你話講八卦嘢

我先至諗係喎問下都好

埋單之後出去行一陣」

愷晴:「嗯.

好呀」