[校園][純愛]《身旁的那一個》

筱瑜唔想成為傑仔嘅負累
佢覺得如果依家同傑仔一齊
佢只會拖累傑仔

依家明點解唔一齊，但係咁嘅話點解唔可以見多啲呢？筱瑜無理由唔知傑仔都唔會放得低佢？兩個都知互相心意係咁堅定，其實見少啲都唔會幫到另一個忘記，可以見多啲嘅話大家都舒服啲？

唉屌我本身都唔信耶教，但係都唔理啦，睇嚟真係要每晚祈禱筱瑜快啲好返(各位巴打唔好笑9我我真係太希望佢地可以修成正果） 筱瑜你加油呀傑仔will back u up!

第三十九章
講真嗰句，

我係因為愷晴唔鍾意去海洋公園所以先唔叫佢

你哋諗下，

佢自己約我都係約我迪士尼

叫佢嚟嘅話咪盞佢戇居居喺度企

真係唔係話想單獨同嵐嵐出去，

都係嗰句啦，

真係有嘢嘅一早有嘢

使乜等到依家

不過有樣嘢必須要承認，

就係我同嵐嵐相處嗰陣係最舒服嘅

唔會冇嘢講

有咩就講出口，

想做乜就做乜

男同女真係唔係得拍拖㗎嘛

至少當時嘅我係咁樣諗，

話說回頭，

之前咪講過鍾意自己搭交通工具嘅

咁但係聽日去咁撚遠，

都係一齊出發啦

我約咗嵐嵐十一點幾喺地鐵站等

嗰陣海洋公園點會好似依家咁直情有個地鐵站喺度

我哋去到金鐘要再搭巴士入去

我同佢一向都準時

所以好快就集合咗，

可能佢都知今日去玩

著得好casual

一件T卹加條黑色長牛仔褲，

跟住整件薄薄地嘅牛仔褸

我:「我幾驚你著裙呀

到時我好撚尷尬

都唔知提唔提你好」

嵐嵐:「你條變態佬呀肯定係收收埋埋啦」

我:「千祈唔好抵毀我人格」

嵐嵐:「記住呀遲啲同愷晴出嚟嗰陣呢，

你講到你咁gentleman

搭電梯嗰陣要喺女仔後面，

細心位嚟㗎」

可能你哋覺得我戇鳩咁都唔知

事實上嗰陣我真係好少同女仔出街

邊有呢啲概念，

我都係嵐嵐同我講

我先知以後同著裙嘅女仔出街嗰陣，

搭電梯要企喺女仔後面

我:「原來係咁」

嵐嵐:「我知你不嬲有帶紙巾，

呢個就唔使提」

我:「點解你咁撚醒」

嵐嵐:「第一日識你咩

係喎有冇帶水」

我:「冇呀做乜春」

嵐嵐:「嗰度啲水廿幾三十蚊一支，

有錢都唔係咁嘥啦

玩一日流流長唔買一支水入去點得」

我:「唔係你講我都唔記得咗

嗰度啲水好撚貴」

嵐嵐:「去7仔買啦依家

入你數」

我:「你個仆街」

嵐嵐:「呢個時候就係你展示gentleman嘅時刻

點可以退縮呢」

我:「對住你我不嬲都唔係gentleman」

嵐嵐:「我知丫」

我:「算啦算啦去買啦.」

嵐嵐:「講咁多咪又係買」

呢條友咁撚招積

忍你.

我哋揀咗搭巴士去金鐘

貪佢舒舒服服有得坐，

之後上到巴士嘅時候

嵐嵐:「喂巫澤軒」

我:「做乜春呀鍾曉嵐」

嵐嵐:「其實我覺得你咁著都幾好睇」

我都係一件白T加件啡色褸，

加條黑色長褲整對cons

希望唔好畀咁多位巴打話我係毒撚啦

我:「cons由細著到大」

嵐嵐:「你冇刮腳咩」

我:「又真係冇喎」

嵐嵐:「我麻麻地高筒呀所以冇Converse」

我:「我就係鍾意高筒」

嵐嵐:「係喎仲有一齊搭巴士嗰陣

你啲男仔唔使特登坐到縮埋一舊，

有時個位逼膊頭揩到膊頭真係好正常」

我:「大佬如果我同個女仔唔識

我真係驚畀人話抽水」

嵐嵐:「咁你同愷晴識丫嘛

懵仔」

我:「好彩依家唔係夏天唔算好熱

屌你老母到時咁樣貼住大家真係辛苦」

嵐嵐:「咁又係三十幾度

喂仲有」

我:「乜春」

跟住佢喺個袋拎部相機出嚟，

嵐嵐:「今日我要考你識唔識影相

辛苦你一日啦」

條友特登扮cute講

我:「唔該你收埋呢啲聲

好撚假」

嵐嵐:「收皮啦你影相呀屎忽鬼」

我:「咁就啱喇」

嵐嵐:「知唔知一個識影相嘅男人加好多分」

我:「希哥」

嵐嵐:「希哥咁靚仔識唔識都唔係重點啦」

我同佢就係有呢度好

唔使講到咁白，

好簡單已經知對方講緊咩

我:「咁又係真係好撚靚仔」

嵐嵐:「唔係講影呢啲相呀死人頭

就咁普通影人又或者自拍咋」

我:「未試過喎大佬」

嵐嵐:「今日咪試下囉」

跟住喺度單眼

我:「唔識畀你電死

識嘅畀你笑死」

嵐嵐:「又唔見你笑」

我:「哈哈哈哈哈哈哈哈」

嵐嵐:「好煩呀你」

好彩架巴士唔多人，

後尾多人我都費事咁大聲嘈到人.

我都想睇到

多謝你

btw 近排睇完你啲故，真係唔想自己有咁多遺憾，依家會睇下有咩想同人坦白/道歉但係之前唔夠膽做嘅，就直接做出嚟

前幾日同左個一直好深交，但係依兩年關係kam kam 地嘅frd 講左我其實真係好重視佢，好愛佢（非gay)，今日就同左個ex 講灑分手之後一直想講嘅sorry 同多謝

原本覺得依啲嘢又唔係真係會好困擾我，真係諗住一直擺係心算，但係發覺其實好多主角當日都無諗過係咁大件事會記一世，就的起心肝！無論有幾少嘅遺憾都唔想有！講完又真係會開心好多，破返冰更加係覺得釋懷晒所以真係好多謝你地嘅分享呀！

估唔到畀到咁嘅啟發你

巴打咩事

辛苦你啦巴打只能講聲加油

第四十章
好快去到金鐘再轉車，

就去到我哋嘅目的地--海洋公園

雖然我十年前去過，

不過隔咗咁耐我真係冇乜印象

所以我嗰次個心態都係好似從來冇去過咁樣

嵐嵐一落車就已經港女上身

嵐嵐:「影相影相

仲眼望望企喺度，

揸機啦」

我:「我屌你好似叫狗咁樣」

嵐嵐:「東哥唔該晒

咁會唔會好啲」

我:「識講嘢」

嵐嵐:「呢粒掣係影

佢自動會對焦」

跟住我就拎咗佢部相機

同佢影咗幅個人相，

後面就有啲風景咁

我:「你睇下點」

嵐嵐:「喂真心喎幾靚」

我:「你個人靚啫嵐嵐姐」

嵐嵐:「做乜鬼咁好口」

我:「你畀面我我畀面你」

嵐嵐:「勁多男仔第一次影相影到成碌葛咁樣

估唔到你咁勁

得啦今日有排你影」

我:「仆街啦你」

嵐嵐:「唔keep住訓練你遲啲點同愷晴影靚相

佢先係主角呀」

我:「你又知佢鍾意影」

嵐嵐:「所以話你真係要帶個腦出街

我同佢識咗幾耐呀」

我:「咁又係喎

定係你想水我搵個藉口幫你影咋」

嵐嵐:「人與人之間要多啲信任呀知唔知呀」

我:「仆街好撚伏」

嵐嵐:「行啦伏」

之後我哋就入場，

入到去就周圍行下，

跟住搭纜車過去機動遊戲嗰邊

佢條友仔真係好記性

即刻捉我去玩海盜船

嵐嵐:「海盜船唔係好多人咋喎

玩咗先」

我:「警告你唔好坐最後呀

我真係好撚驚」

嵐嵐:「廢」

我:「真係唔好呀」

嵐嵐:「得啦」

我哋好快就玩得，

算佢條仆街有啲人性

揀中間位嚟坐，

我:「總算你似返個人」

嵐嵐:「不嬲都係人

唔似你有事相求就好聲好氣，

冇事嗰陣你死你事」

我:「傻傻哋幾時對你咁」

嵐嵐:「成日」

我:「食屎啦

喂開始喇開始喇」

嵐嵐:「係呀.」

我:「比隻手我捉住先

好撚驚」

跟住我就捉住佢隻手，

講明先我唔係抽水

純粹真係好驚

正如我細個玩嗰陣都會捉住我老母隻手

我預咗你哋話我廢㗎喇

再加上我同佢咁熟，

所以玩緊嗰陣就捉住佢，

大個先明有啲嘢真係唔好亂做

以前細個冇經驗，

好容易就做咗出嚟，

冇衡量過其他因素，

想做就做，

結果令到其他人受傷都唔知

我知道冇經驗唔係藉口，

不過都於事無補，

緬懷多一次，

只會再憎恨以前嘅自己多一次.

好彩海盜船都唔係玩好耐

落到嚟頭幾下真係要定一定神

當然啦呢個時候隻手已經放開咗

嵐嵐:「你有冇虧到咁呀」

我:「好撚驚好撚驚」

嵐嵐:「嚇死人呀無啦啦捉住人隻手」

我:「唔好意思

當咗你係老母

以前細個我都係咁樣捉住佢」

嵐嵐:「如果係第二個我一定以為佢係乘機抽水」

我:「係第二個我就唔捉啦

同你熟先咁啫」

嵐嵐:「雖然我冇嘢呀不過真係太大力

咁樣拖女仔真係唔得

除非個女仔好鍾意你啦」

我:「我幾時會拖女仔痴線」

嵐嵐:「一次生兩次熟

同愷晴出嚟行得多就會㗎喇」

我:「唔好當咗我係抽水佬個個都會拖」

嵐嵐:「係啦最君子係你呀

影相先」

今次就佢揸機我同佢自拍

話說我記得我哋呢日影咗好多相，

超過100張

可能你哋覺得唔多，

不過對於我嚟講，

呢次係我做人做咗廿幾年入面，

影得最多相嘅一次

後來拍拖，去旅行， 畢業典禮，

我都唔會影到過百張相

今次啲相我有save低兼且backup埋

擺晒落去電腦嗰度，

張張佢都笑到烚熟狗頭咁樣

算啦唔好講到咁衰佢始終係一個靚女

每張相都笑逐顏開先至啱

後來經歷咗好多嘢，

多到我要係咁提住自己，

先至記得來龍去脈

我唔係好假嘅肥仔，

喺度講咩大道理，

純粹覺得做咗咁多年人，

好難每個階段都一帆風順

生活嘅片段有喜有悲係好正常嘅事，

過程入面唔會有好多人會陪住你左右

以前我覺得會㗎，

不論任何性別任何關係都好，

總會有啲人你覺得佢哋一直會喺你隔離

呢啲人未必幫到你又或者啟發到你，

去到最後，

佢哋亦都唔係好似你想像中咁樣

但你一諗返嗰個階段嘅時候，

呢啲人好自然就會喺你腦海入面湧返上嚟，

就好似我依家打出嚟回想返中學生涯嘅時候

原來一直陪伴我嗰個人，

就係相入面喜上眉梢嗰個，

唔會係第二位.

大個先明有啲嘢真係唔好亂做

以前細個冇經驗，

好容易就做咗出嚟，

冇衡量過其他因素，

想做就做，

結果令到其他人受傷都唔知

sad end confirmed again

本身都覺得未必sad end 睇埋你最後一段 我就知道又sad end 仆街你咁多個故得一個係有good ending

想棄故次次都中左樓主伏

原來一直陪伴我嗰個人
就係相入面喜上眉梢嗰個
唔會係第二位

睇埋呢段
今次應該open end

咁快confirmed