[校園][純愛]《身旁的那一個》

今日放假會唔會出多啲文

應該睇嗰陣先知
如果佢有睇嘅話

應該可以出多一篇

第三十章
好彩嗰陣冬天

個人唔會出好多汗

搭住一齊行都唔會好熱

你哋知啦如果大熱天時，

就算係同另一半拖住手行或者行得好埋

其實個感覺真係唔多舒服

冬天就冇呢回事發生

我嗰陣整親，

嵐嵐搭住我膊頭扶住我行

其實我同佢嘅距離就好近

但係我又冇咩唔自然喎

唔會好似毒撚咁樣呢

嘩有女喺隔離唔知點算好

個心係咁噗噗跳

又驚尷尬唔知望邊度講咩好咁樣

嗰陣嘅我反而調返轉

成個感覺係好自然

有句說話我冇同佢講

其實我係想佢送嗰陣多過愷晴

對住佢我會自然好多

有咩就講咩

我同佢之間嘅化學反應就係會咁

好舒服

可能呢啲叫做人夾人緣掛

同埋起碼佢知我住邊

照顧住一個跛佬，

溝通上起碼會好啲

正正係因為咁，

所以當時嘅我就覺得我對佢根本就冇嘢

我覺得自己對佢絕對冇非份之想

亦都唔會諗將關係再拉近一步

變成男女朋友

講明先，

呢個係當時嘅想法

冇幾耐就截到架的士

嵐嵐:「因住呀你」

我:「扶住扶住唔該」

嵐嵐:「得得得唔使驚入去啦你」

嗰陣其實我哋都係拖住手咁濟

不過都係嗰句，

完全冇心跳加速嘅感覺囉

視之為等閒

如果係賓仔就唔同呀

肯定打晒飛機

唔使問實精蟲上腦

上到車好自然就放開，

拖住佢做乜鳩係咪先

傾一輪跟住就落車，

返到我屋企樓下喇.

嵐嵐:「送你上去呀

睇住睇住」

我:「好彩我屋企冇鹹片同埋鹹濕海報

如果唔係實破壞形象」

嵐嵐:「識咗你幾耐呀

仲講乜鬼形唔形象」

我:「你以為啦

男仔都好緊張自己形象

你睇下賓仔

幾緊張你點睇佢」

嵐嵐:「冇用架

我都唔鍾意佢」

賓仔好撚彩聽唔到

如果唔係真係輕生都似

我:「你睇下你幾狠心

可能遲啲佢發達呢

到時你就揼心口」

嵐嵐:「唔鍾意佢仲拖住佢

呢啲先狠心

我冇你咁賤格呀諗埋啲咁嘅嘢」

我:「我唔係女咋

我係女肯定會咁做

話我仆街都係咁㗎啦」

嵐嵐:「你仆街都唔係第一日嘅事啦」

我:「痴線

定係你有對象先咁狠心拒絕賓仔呀」

嵐嵐:「關你鬼事

上去啦」

我:「唔講就算

拎定鎖匙開門先.」

一入到去屋企，

發現老母唔喺度

九成九又唔知去邊度玩

老豆返緊工就更加唔會咁快返啦

嵐嵐:「你一陣一個人行唔行到落去呀

auntie未返嘅話」

我:「唔知喎應該ok啩」

嵐嵐:「唔使啦我喺度坐多陣啦

等埋你沖涼我扶你落去咪得」

我:「嘩咁好人」

嵐嵐:「不嬲都咁好你唔知啫」

我:「算啦今日唔話你賤

多謝」

嵐嵐:「嘩好畀面喎」

我:「唔好意思小弟屋企冇嘢玩

辛苦你坐一陣我盡快搞掂」

嵐嵐:「auntie好犀利

執屋好勁

好闊落」

我:「我都有份幫手呀傻豬」

嵐嵐:「超你幫手清食糧就有份」

我:「唔同你講嘢呀乜q都知

警告你唔好裝我沖涼」

嵐嵐:「痴線

沖啦快啲」

我:「好

雪櫃有嘢飲自己拎」

嵐嵐:「好

係喎雞仔狗仔馬仔呢」

我:「喺房呀

我未沖涼費事入去啦」

嵐嵐:「真係搞笑呀你

玩公仔玩得咁認真」

拖手仔

整到隻腳吖嘛

好明白呀問完又唔係幫到佢地又好似挖啲唔開心嘢嚟講

丁仔真係我人生導師真心嘅，好開心依家啱啱year 1 無耐就發現左你啲故，睇完真係人生態度都唔同左多謝丁仔同咁多位願意分享嘅主角

未沖涼入房
污糟貓

係呀
有時我想知都費事問

係囉當係故仔咁睇

你啲女主角全部都有共通點
一係單眼笑 一係扭耳仔
跟住實有機會拖一下手仔同上屋企

睇落去就知

呢個冇扭

第三十一章
嗰陣我就真係冇乜好尷尬喎

同佢咁熟係咪先

又有沖涼房遮住嘅

就算冇人喺度，

平時我都係著好衫先出嚟

更加唔會大熱天時喺屋企唔著衫

我都知你哋會屌我唔係真男人

我都唔想㗎哈哈哈

真係細個慣咗

我:「搞掂」

嵐嵐:「咁快嘅」

我:「又唔係做乜

你估打飛機咩

沖涼咋嘛」

嵐嵐:「點知你有咩癖好呀

我唔想知喎」

跟住無啦啦電話響

原來係愷晴

可能之前我冇交代點解佢會有我電話，

故事其實係咁嘅

有一日我哋上bio嗰陣話要分組

跟住嗰晚愷晴話嵐嵐唔得閒

所以就問咗嵐嵐拎我個電話打畀我

自此就交換咗電話

我:「愷晴喎

聽佢講乜先」

嵐嵐:「喂喂喂記住唔好話我喺度」

嗰下我都唔知佢講乜

跟住就接聽咗，

我:「做咩事」

愷晴:「有冇事呀你」

我:「ok冇乜事

準備落去睇跌打」

愷晴:「你一個落去」

我:「嵐嵐陪我落去囉」

愷晴:「小心啲呀你兩個

仲未落去睇」

我:「我想返嚟沖過涼先落去」

愷晴:「好啦小心啲呀你哋，

拜拜」

我:「拜拜」

收線之後，

嵐嵐:「唉」

我:「我都想問你咩事

頭先見你喺度擰嚟擰去」

嵐嵐:「講樣嘢你聽呀

我哋圍內都覺得愷晴對你係有啲好感」

我:「講真定講假呀」

嵐嵐:「呃你做乜丫

你依家同佢都熟㗎啦

佢喺學校最friend嘅異性咪係你

佢本身又唔係一個好外向嘅人

呢啲你都知」

我:「係呀，

咁同有好感冇關係㗎喎」

嵐嵐:「有時我哋成班傾計同佢傾開

講起你就笑逐顏開

之前同你講過啦」

我:「唔怪得你哋呢排係咁抽水」

嵐嵐:「咪就係咁囉」

我:「咁點解唔好同佢講你喺度呢」

嵐嵐:「男女獨處一室呀，

費事佢亂諗啦

我本身同佢又咁friend」

我:「唔係呀我同你好自然

痴線嘅唔通係咪一齊就扑嘢咩

我哋清者自清」

嵐嵐:「唉你真係

女仔好易亂諗嘢㗎

我同你知道咩事啫，

我驚佢唔係咁諗丫嘛」

我:「係咩」

我嗰陣心諗，

肯定係嵐嵐小人之心

愷晴對我有冇好感都好啦

一個電話又點會諗到咁多嘢呀

當然啦嗰陣我細個，

唔係好清楚女人呢種生物

先會有呢個睇法啫.

個頭乾咗跟住我哋就落去

去一間相熟嘅跌打舖睇下隻腳

點解會相熟

第一我之前講過啦，

我細個整到都係搵佢

第二就因為我老母

話說我老母喺我個區勢力好撚勁

個個都識佢

跌打舖老闆就係佢手下之一

有時我老母唔得閒就係叫跌打鋪老闆幫佢買報紙

跟住再畀返錢佢

所以我千祈唔可以喺我個區犯事

如果唔係真係仆得街

好多三姑六婆呢樣嗰樣

今次嵐嵐陪我去睇

我估跌打鋪老闆九成九都會匯報畀我老母知

咁我老母又唔會做啲咩嘅

由細到大除咗犯法嘢

都唔會阻止我做乜

何況依家都咁大個人，

今次又唔係做咩衰嘢

最多都係講兩句啫

跟住一入到去鋪頭裏面，

老闆就笑到烚熟狗頭咁樣

老闆:「大個仔喇喎有女朋友陪你」

我:「女咩朋友呀唔好亂講呀

人哋眼角好高㗎

個個都睇唔順眼」

嵐嵐:「警告你呀唔好亂講嘢抵毀我形象」

我:「朋友嚟㗎咋老闆

邊有你咁威水係咁溝女」

老闆:「人哋特登陪你落嚟仲要咁講人

妹妹你坐喺度先啦

睇腳費事整到你」

嵐嵐:「好」

睇下睇下原來佢話我筋膜發炎

唔大問題

隻腳keep住敷幾日就得

睇完之後嵐嵐就送返我上去

呢個時候一開門就見到老母

我:「嘩你返咗嚟喇」

老母:「返咗嚟一陣啦

做咩事搞到咁呀

嵐嵐你都喺度嘅」

嵐嵐:「東仔整到隻腳

頭先auntie你未返嚟

咁我咪陪佢落去囉

放心啦唔大問題」

老母:「點好意思呀

真係唔該晒你呀」

嵐嵐:「唔使客氣喎auntie

佢整到隻腳一個人落唔到去

我又冇特別嘢做咁梗係陪佢落去啦」

老母:「多謝晒你

冇嘢買到畀你添，

係喎你屋企會唔會煮飯煲湯煲粥嗰啲㗎」

嵐嵐:「媽咪會呀」

老母:「咁就啱

我啱啱買咗包乾瑤柱

好嘢嚟嘅，

個衰仔好鍾意食呢隻瑤柱」

嵐嵐:「唔使啦唔好咁客氣啦」

老母:「煲粥得炒豆苗又得煲湯都得

唔使咁客氣呀

我多謝你就真幫我睇住個衰仔

乖啦嵐嵐」

我:「你攞咗佢啦

如果唔係佢係咁煩

到時又要我拎畀你」

老母:「你拎咪拎囉好難為你咩

唔好咁孤寒

畀一包嵐嵐都唔得咩」

我:「唔係孤寒呀

係我懶唔想拎啫」

嵐嵐:「咁好啦多謝auntie

係呀auntie，

東仔隻腳要keep住敷幾日

跟住就冇事㗎喇」

老母:「好呀好呀唔該晒你」

嵐嵐:「咁我都走先喇拜拜」

我&老母:「拜拜」

我都唔止一次喺度講，

老母係好鍾意嵐嵐

從來都冇問佢點解

不過睇佢每次對嵐嵐嘅態度，

當佢係親生女都唔誇張.

新讀者留名

要二揀一了

關心