[校園][純愛]《身旁的那一個》

會重遇咪即係咒腎仔死

今晚冇嘢搞可以出多兩篇

賢哥有好好生活
每年都會去探晞澄

唔知係邊個呢

人點都會死架啦唔係咒佢死，該走嘅時候就要走架啦只係希望死之後真係可以見得返

咁就唔知了

都係

第二十章
講真如果故事一路都冇發展

又點會拎出嚟同大家講呢

唔知大家讀書年代，

有冇試過點樣糾結拎到女仔嗰啲contact呢

講明先我真係唔係扮蟹

我就真係從來冇糾結嘅

以前真係戇鳩仔嚟㗎

唔係唔鍾意女仔

又唔係唔會同女仔玩

你見我自己又好，

佢哋班仆街講都好

我都會覺得邊啲女係靚

唔係基佬嚟㗎下

不過唔知點解又冇諗再進一步喎

其實去到大個都係

不嬲都係比較摺嗰堆

咁但係讀書時候咁樣就死得啦

點樣溝女係咪先

唔好玩啦

偏偏我有口話人冇口話自己

我依家可以同你講，

當初點樣拎到愷情個msn

其實都唔係靠自己

諗返起都好好笑

我又唔係怕醜

不過唔知點解呢啲嘢硬係做唔出

以前真係好撚奇怪

跟住落嚟我會講點樣攞到愷情contact㗎喇

其實就好簡單嘅啫，

話說搞完個晚會

就差唔多秋季旅行

讀書年代有咩活動丫

嚟嚟去去咪又係嗰啲

咁有一晚我就同緊嵐嵐MSN

話說學校好似話七至八個一組，

佢哋四個女仔加我三個男仔

嗰兩個都唔係啲重要人物就唔開名呀

以前叫做玩開傾開

講下咸濕嘢又一日

都真係好耐冇見班屎忽鬼

至於呀賓仔

唔使問就梗係冇份啦

佢嗰日小息即刻行過嚟問嵐嵐夠唔夠人可唔可以預埋佢

嵐嵐條仆街即刻話夠晒人

即刻落閘快過打針

屌唔係講呢啲嘢嘅時候

咁嗰晚我同緊嵐嵐MSN就係講關於旅行嘅問題

佢條友知我出名懶

從來都唔會拎嘢嘅

最多唔撚食大家攬炒

因為我早幾年都係同佢一組

知道我呢啲行為

所以我多數都係負責拎啲濕鳩棉花糖

嵐嵐:「聽講呢愷情好似話想你哋男仔幫手拎飲品」

我:「我想問下佢意思定你意思」

嵐嵐:「唔知呀叫佢入嚟傾下囉

你問下佢啦唔信我嘅話」

係呀你哋冇睇錯

我就係咁樣就拎到佢msn

因為以前msn有個功能，

係可以係咁加人入呢一個group跟住傾

嗰次就係嵐嵐負責加

當然其實都唔止愷情嘅，

仲有Teresa同埋Betty

即係另外兩位組員

之前都介紹過㗎喇

今次又係嵐嵐功勞.

嵐嵐:「聽講有人唔信愷情話男仔幫手拎飲品」

我:「係囉邊個呀」

愷情:「呢度得你一個男仔

唔知係邊個呢」

Teresa:「係囉東仔知唔知係邊個」

我:「唔知喎」

嵐嵐:「你哋都唔知我以前同佢一組

條友懶過隻積

夠膽死淨係拎棉花糖

仲要一路行一路食」

我:「真定假係咪記錯

其實嗰個唔係我嚟」

愷情:「唔係喎我信嵐嵐」

Teresa:「我都係」

Betty:「我都係」

我:「四打一我實輸啦」

嵐嵐:「咁就乖啦東哥」

我:「咁啦

你不如將啲嘢畀晒另外嗰兩個躝癱」

嵐嵐:「你睇下你丫幾賤格」

我:「唔掂呀拎嘢好重

最多陣間唔食

攬炒」

Teresa:「係咪吹水㗎東哥」

嵐嵐:「唔係

佢之前試過

嗰次我都係大佢

原本叫佢拎飲品

佢話好重

跟住我話唔好飲囉

之後佢話好

點知佢最後真係冇拎

跟住我就覺得呢條友痴線

為咗懶乜都做得出」

Betty:「你哋真係好friend呢啲嘢都記咁耐」

我:「睇下條友幾撚小氣呀

兩年前嘅嘢都記得」

嵐嵐:「你都唔差啫

咁都記得係兩年」

愷情:「係囉你兩個好搞笑呀記性好好」

我:「唔係掛」

嵐嵐:「唔理呀今次點都要幫手拎

一係你搵到人呢就放過你」

我:「搞掂啦我一定搵到人幫手」

嵐嵐:「睇死你咪又係搵a同b笨」

a同b即係今次旅行另外嗰兩個男仔組員

我:「到時你咪知

我辦事你放心」

傾下傾下跟住offline，

跟住先醒起唔記得加愷情做聯絡人

算啦聽朝起身先搞.

推

點解咁認為
睇落去就知

多謝你支持咗咁耐

咁懶又肯陪Hazel 姐買router 嘅
唔簡單喎Hazel 姐

第二十一章
依家諗返真係覺得有啲仆街

因為嗰陣真係太撚懶

所以先至會咁

依家我改咗唔會㗎喇

最後佢哋叫我拎嘢飲

你知啦燒嘢食燒成日，

唔飲多啲嘢邊得

實口渴啦

我又驚佢哋揀飲擇食

亦都問過佢哋買多啲好冇

佢哋都同意

所以最後我買咗水，茶，汽水同埋檸檬茶

之但係我咁死懶

一個人點會買咁多返嚟呢

我梗係叫咗老母幫手啦

我就冇同佢哋講我點買

費事畀佢哋趷我

特別係嵐嵐條友

一陣又喺度阿支阿左

過程唔係重點

最緊要大家都有得飲

呢個先係重點

公道講

本身我都係鍾意飲水嘅人

其他飲品都會飲

平時返學都會帶兩支水嗰啲人

我講堅唔扮嘢

梗係為咗自己先買咁多，

我未去到咁闊佬淨係為咗佢哋

好彩老母又肯幫手

咁就搞掂喇

依家得返一個問題

就係點樣分呢啲嘢畀其他人拎

唔使問就梗係搵人笨柒嘅時候

不過都要搵得精明啲

以免唔會出錯

大家都知啦我咪仲有兩個男組員嘅

我叫佢哋幫手拎啲

一個負責拎汽水，

另一個負責拎檸檬茶，

仲有茶同埋水冇著落

佢哋又話拎唔到好辛苦

跟住其中一個勉為其難幫我拎埋茶

簡直係再世老豆

唔好話鞋底，

袋底都幫佢瀨埋

之不過仲有水

點算好呢

搵邊個笨柒好呢

霎時間我無啦啦諗起一個人

我知呢條友一定幫到手，

請各位原諒我喺呢個位賣下關子先

當老母買完返嚟之後，

我就即刻叫我兩位親愛嘅組員過嚟我屋企樓下接貨

跟住聽日帶返去學校

跟住無啦啦有條友打嚟

原來係嵐嵐

嵐嵐:「Teresa叫我問你買晒嘢未喎」

我:「我買咗呀

仲要買咗好撚多」

嵐嵐:「下

你買咗咩呀」

我:「汽水啦水啦茶啦同埋檸檬茶」

嵐嵐:「轉死性呀你

咁咪重死你」

我:「傻豬嚟嘅我有兩個隊友」

嵐嵐:「咁我知道點解你會買咁多」

我:「我對你哋好囉

仲有其他原因咩」

嵐嵐:「我好戥嗰兩位同學擔心隻手會唔會酸軟」

我:「你關心下我好過啦」

嵐嵐:「使鬼我關心

你淨係負責飲」

我:「你都傻傻哋嘅

講到明大家係組員

梗係你幫下我我幫下你

我冇屈佢哋㗎我都有份拎」

嵐嵐:「跟住淨係拎一支囉

其他就畀晒人」

我:「痴線嘅咁邊個係超市買返嚟

佢哋拎多啲都應份啦」

嵐嵐:「auntie囉」

我:「唔想同你講嘢

得啦冇嘢講喇我」

我心諗你條友咁撚醒

呢樣你都知

嵐嵐:「第一日識你咩東哥

平時拎張紙都話重

你會走去超市買咁多支嘢飲

真係搵鬼信」

我:「總之你哋就有得飲啦」

嵐嵐:「古古怪怪咁樣

睇你表演」

我:「你哋啲嘢又搞掂未呀」

嵐嵐:「梗係搞掂啦」

我:「有冇得幫我燒嘢食」

嵐嵐:「自己嘢食自己燒

睬你都傻」

我:「賤人」

嵐嵐:「問下愷情囉佢好好人嘅會幫你」

我:「呢啲咪人囉

完全唔似嵐姐」

嵐嵐:「良心當狗吠咁都叫唔好

走啦到我唔想同你講嘢呀

拜拜」

我:「拜拜」

收線之後，

我終於可以搵我嘅秘密武器

一個可以幫我拎水返學校嘅人.

睇到最後希望答到你

係咪佢都睇緊所以你哋兩個都唔敢亂講嘢

又費事講多錯多
同埋我覺得睇到最後
真係會覺得解答到

秘密武器仲唔係賓仔

話嵐嵐想人幫佢拎野飲

高招

你地真係

第二十二章
之後即刻拎本手冊出嚟

我記得好似有抄低其他同學電話

男仔女仔都有，

跟住喺度對

哈哈終於搵到今次個關鍵人物

咁就二話不說打過去

我:「賓仔你好

有樣嘢想請教下你」

賓仔:「做乜鬼呀無啦啦打嚟」

我:「想唔想同嵐嵐一齊燒嘢食呀」

賓仔:「梗係好啦」

我心諗呢個賓仔，

一講起嵐嵐

就連自己老母叫咩名都唔記得

呢個時候梗係搵佢笨柒

唔叫佢幫手真係對唔住自己

我:「就咁嘅佢條仆街就怕醜

不過啲水好重又拎唔到

唔好話我唔畀機會你啦

你唔得嘅就我嚟㗎啦」

賓仔:「嵐嵐唔係仆街

你會咁好死」

我:「講咗十次都係同佢冇嘢

係你都唔信

今次信啦係咪呀」

賓仔:「好嘢

係咪幫咗佢就可以一齊燒嘢食」

我:「佢都係人嚟嘅

你咁幫得手，

點都要派返啲福利」

賓仔:「好呀咁點樣幫」

我:「佢依家就唔得閒，

頭先就畀咗錢我叫我買水

依家啲水喺我度

我哋喺邊度邊度等

跟住聽朝你畀我咪得」

賓仔:「一於咁話」

跟住諗諗下唔係喎，

如果聽日佢返到學校先畀我

咁咪畀嵐嵐斷正

條友真心幾醒目

諗諗下都係唔好，

所以最後就約咗賓仔食早餐

早啲交收贓物咁就唔會畀人發現啦

好彩有人幫手啫如果唔係重死我

依家我都只係需要喺食完早餐返學校嗰段路程拎返

簡直係好得多.