[校園][純愛]《身旁的那一個》

序章
大家好

我叫做巫澤軒

我相信咁精明嘅你哋，

睇到呢個名嗰陣，

已經知我呢個名會成日俾人哋拎嚟講笑

所以呢，

好多人都叫我做東仔

細細個嗰陣都會解釋我唔係叫呀東

慢慢發覺原來冇人理嘅

我點樣解釋都好，

佢哋都係叫我東仔

久而久之，

呢個名就變咗我學生時期嘅花名

咁依家出到嚟做嘢，

就梗係唔係呢個名啦

你知啦寫字樓啲八婆乜都講一餐

上至國家大事下至隔離鄰舍，

乜都會拎嚟講一餐，

我呢啲別無他求嘅啫，

安安分分打份工

準時收工就算

有見及此，

所以我都係求其搵個英文名就算

事實上讀完書之後真係好少人叫我東仔，

有時出街撞到同學朋友，

聽到真係唔係好慣

跟住電話一響收到message，

就有見到東仔呢兩個字出現

好嘅唔靈醜嘅靈

即刻睇下佢講乜鳩先

主席:「東仔好耐冇見喇

今次畀啲驚喜你」

我:「做咩事呀大佬」

主席:「今個禮拜五得唔得閒先」

我:「未知喎，

做咩事」

主席:「你有睇group㗎啦

Davis佢咪同Manus結婚嘅」

我:「我知呀

佢哋早幾個月有喺個group講.」

主席:「打嚟咪就係為咗呢單嘢喇

佢哋諗住禮拜五派帖畀我哋呀

頭先Davis搵我問我可唔可以幫手做搞手

約晒你地成班出嚟順便當聚下食飯，

你知啦我條友成日做埋呢啲嘢嘅

咁咪問下你哋得唔得閒囉」

我:「度下先

禮拜四覆實得唔得」

主席:「其實咁嘅我都知好難約時間

唔止你

其實有啲人都未落實，

而我都叫咗人幫手負責聯絡人

得我一個點樣搞得晒丫」

我:「辛苦你喇」

主席:「咁點呀

初步預唔預你好」

我:「預我嚟到先啦」

主席:「好

我:「咪住先

你咁熱心好似伏伏地喎

依家又唔係你結，

好蠱惑喎大佬係咪猜輸咗整蠱我」

主席:「真係㗎

我冇問咁多呀得閒咪幫下手

你知啦我同佢讀書friend到依家

做到咪做.」

我:「問下啲八卦嘢

係咪請晒全部舊同學」

主席:「以前我哋嗰班咪有幾個邊緣人嘅，

嗰兩三個冇份囉

其他嘅都有

做乜無啦啦咁問」

我:「好奇問下啫

咁你私底下再搵我傾啦

我同你都近

如果你冇搬嘅話」

主席:「定係你想我約埋Hazel

反正你同佢咁熟

我地三個又識

如果到時你禮拜五嚟唔到，

我再約你兩個出嚟食飯順便再講」

我:「到時真係嚟唔到先

都係嗰句

應該嚟到嘅，

禮拜四覆實」

主席:「好啦咁你到時搵我」

跟住就收咗線

我哋呢班讀完高中之後就各散東西，

好彩嘅係大家都叫維繫到

出咗去外國讀書嗰啲人就少見啲，

不過我近幾年都少咗同佢哋見面啦

純粹大家真係太忙，

就唔到時間

自己收工之後都想搞返私人嘢

咁咪變咗冇見囉

不過收到呢個消息真係幾開心

雖然我同新郎新娘唔係特別friend

不過始終都叫識咗咁耐，

睇住點溝女去到依家

出咗嚟做嘢咁耐，

有時諗返起以前讀書嗰啲生活都開心嘅

玩得好癲啦

做過好多痴線野

依家做唔返喇

咁多年一定有苦有甜，

不過回望返過去嗰陣，

總係有啲感慨

亦都係因為呢啲突然其來嘅衝擊，

勾起我鋪癮，

想喺度同大家分享我嘅故仔

可能你哋會覺得好悶

事實上係嘅

的而且確唔係啲咩多姿多彩嘅生活，

戴定頭盔先

至於真好假好唔重要啦，

信不信由你

有時我自己分享出嚟而有人睇已經好開心

哪怕只係一兩個讀者都好，

就算真係好差喇冇人睇，

起碼可以當係一個記錄

他日記性冇咁好嘅時候，

都可以喺度重溫

好啦唔好咁多廢話

即刻開始.

第一章
首先

故事要去返會考a level嘅年代

都十幾年前喇

睇緊嘅你哋可能有啲陌生

循例講下啦，

以前唔似依家dse咁

可以自由選科

我哋個年代去到中四揀科嗰陣

一定要喺文科商科理科揀一樣

咁點解呢個故事要喺中四開始講

其實冇㗎純粹覺得初中冇乜特別

我又懶呢費事講咁多啦

諗諗下大學生涯亦都唔見得好精彩

我自己又覺得高中都勉強算係人生一個階段

咁就喺度開始講啦

我條友同大部分男仔一樣

都係揀理科

文科寫到我手都跛

初中嗰陣都有涉獵過歷史文學嗰啲，

唔係講笑完全唔掂

所以好快就知我呢條友完全唔係文科嘅材料

以前讀嗰啲都話一個禮拜一兩堂啫，

遲啲有幾年對住佢

真係死俾你睇

所以我嗰陣啲功課都係抄

當然啦，

轉下啲字眼換下啲段落咁囉

照抄唔捉你都對唔住自己啦

抄都要醒目啲㗎嘛，

同埋累到人就唔好啦，

我又畀人屌以後又冇得抄

係咁㗎啦鬼叫我唔爭氣咩

求人係要低聲下氣㗎喇

而最撚好笑嘅就係

上年畀我抄嗰個今年竟然都係揀理科讀

佢係邊個

呢條仆街我都識得佢耐

佢個名叫鍾曉嵐，

我中一已經同佢同班

頂佢個肺初中嗰幾年全部都係同佢同班

依家大家又同一科

暑期上互聯網見到，

咁好彩又係同佢同班

因為我哋學校文科理科各有兩班

真係唔知咩事成日都同佢同班

又畀佢條賤種喺度抽水呢樣嗰樣

句句窒住晒佢就最叻

不過無可否認佢讀書係好撚勁

基本上咩科都讀得掂

以前嗰啲歷史文學就係抄佢，

佢條友雖然成日開口夾著脷

不過又幾有義氣嘅

以前抄佢嗰啲歷史文學又或者讀書報告

專問你睇法嗰啲呢，

佢寫完之後，

跟住會喺佢份功課入面

用鉛筆寫住次序

例如佢自己嗰份功課有四個論點

當係abcd順次序咁啦

佢畀我之前會喺佢份功課mark住abcd嘅次序，

例如佢會喺b嗰段隔離寫住1，

d嗰段隔離寫住2，

代表我陣間要寫b呢個point先

寫完b就寫d，

我次次都係聽佢吩咐

咁耐都冇畀人察覺到

佢犀利嘅

同埋次次我寫完之後佢都會幫我對

可能你哋會問，

有咁多時間嘅咩

老師要收簿㗎嘛，

咁真係唔好意思喇因為佢就係科長

老師又好撚懶

次次都係佢收齊一疊簿之後再交畀老師

所以嗰年我啲功課就係咁樣搞掂.

1

至於我同佢點樣識

我上面咪話中一開始同佢同班嘅

其實就係中一第一日正式上堂

老師分配座位嗰陣，

安排咗我同佢一齊坐

咁就識咗啦

一路熟到依家

至於你哋最關心嘅樣，

好多人話佢靚女囉

我又唔係好覺

正正常常咁啦

唔係豬扒嘅哈哈哈

的確我都知有啲狂風浪蝶嘅

不過佢真係冇興趣，

一嘢就推咗人

例如有時有啲柒頭考完試放早搵佢食飯

嗰啲柒頭冧佢冧到出面

而佢次次都話唔得唔食咁

之後一係搵我食

一係就搵佢啲friend食，

我有時都會問佢唔係啩

可以食免費飯喎

咁都唔食

佢都話費事畀假希望人

冇興趣咁不如唔好應約啦

挑扮清高

驚冇嘢講就冇嘢講啦

嗰班裙下之臣真係畀佢呃咗

佢條仆街平時對住我成日都屌鳩我

講句嘢都窒住晒

唔溫柔㗎頂你

你哋唔知咋傻仔

就好似嗰日咁，

學校互聯網公佈咗分班結果

佢就打左畀我，

佢:「又同你條傻仔同班」

我:「咁咪好囉

你又可以搵我做藉口避開你班兵」

佢:「唔好亂講從來冇收兵」

我:「係真係假你先知啦」

佢:「我收嘅話第一個收你啦

幾聽話係咁講都唔嬲嘅」

我:「唔係個個好似我咁笨柒」

佢:「你都知你笨柒呢

係喎，

愷晴同我哋同班呀

係你出手嘅好時機啦東爺」

我:「我同你講過你個friend幾靚啫

使唔使係咁講

不過係喎有呢啲靚女做同班同學真係唔錯」

佢:「我知你讚緊我嘅東哥」

我:「咁都畀你發現咗

你都幾靚㗎」

佢:「多謝」

我:「厚面皮到呢

愷晴嗰度交俾你喇我要埋你堆做狗公」

佢:「你條友又搵我過橋」

我:「幫幫手啦嵐嵐

我啲friend冇一個同佢熟

你哋都叫同一堆friend丫」

佢:「有嘢幫手就嵐嵐

平時就喂，賤種」

我:「我知你唔介意嘅嵐b」

佢:「得啦唔好再講啦好核突

盡量幫你啦」

我:「講笑啫食飯嗰度唔使一齊

你嗰堆friend我淨係同你熟」

佢:「你諗多咗啦冇諗住叫埋你食飯

我哋一齊做班會咪得

愷晴最鍾意人哋勤力做班會㗎喇」

我:「信你都戇鳩

肯定係想搵條友幫手拎嘢搬嘢」

佢:「唔係呀佢真係鍾意㗎」

我:「一定係咁啦」

佢:「好咁我哋預埋你」

女人啲記性真係好痴線

我只係有一次同佢講，

你個friend幾靚女咩名

佢就以為我鍾意愷晴

事實上愷晴真係幾靚嘅

白白淨嬌小玲瓏少少包包面

好可愛㗎

嵐嵐其實佢都好白淨不過就高啲

隻眼再大啲

不過佢唔講嘢個樣其實都幾西

好似全世界得罪佢咁樣

愷晴親和力就好似好啲

起碼三九唔識七見到佢都會微笑點頭嗰種

嵐嵐呢個仆街行過對到眼神都好q惡

佢聲稱唔係心情唔好

係冇表情個樣就係咁

女人好鬼蠱惑呀信不信由你，

佢咁講咪咁聽.

好耐無見

第二章
放左個幾月暑假，

第一日咁早起身返學真係唔慣

不過算啦遲早都要起身

嗱嗱臨起身搞掂費事遲到啦

我返學呢就唔係同嵐嵐一齊嘅

我同佢又未friend到咁

更加唔係同愷晴啦

而係同海狗返

海狗呢個仆街我又係識左好耐

中一已經識，

咁多個嚟講應該係同佢最friend

佢同嵐嵐都識不過就唔算好熟

我只係同佢兩個各自friend咁解

但佢個仆街思想相當污穢

男同女永遠都只係諗到拍拖同性交

佢成日問我係咪同嵐嵐拍拖

講左十幾廿次都話唔係

有次同佢講愷晴幾靚幾cute

又問我係咪想屌

好彩喺人前佢都會尊重人

不過我同佢就唔同科

佢條友揀咗商科

冇計啦大家都係會keep住啫

基本上我就同呢條蛋散日日都一齊行路返學嘅

我同佢住得唔係話真係好近，

不過佢會特登過嚟我呢邊

再一齊行去學校囉

海狗:「高中啦屌你」

我:「痴線晨早流流講粗口」

海狗:「你就好啦你嗰班咁多靚女

早知我都揀理科」

我:「點解你會知道

變態佬你唔係淨係留意自己嗰班咋嘛」

海狗:「有時間咪睇埋囉

又嵐嵐又愷晴

我都想好似你咁左右逢源」

我:「呀老友，

我想講呢其實我同愷晴佢唔熟

絕對唔係左右逢源呢個程度囉

至於嵐嵐條友，

Friend咋真係

你都知啦我哋中一同班嘅」

海狗:「其實佢都好靚女呀

我哋呀東爺眼角真係高，

佢都睇唔上眼

定係你條友食檸檬唔敢講」

我:「痴線又想屈打成招

靚唔係要拍拖架嘛」

海狗:「我都知

你知唔知賓仔勁撚羨慕你

成日話你就好同嵐嵐咁friend，

講到你好似殺父仇人咁樣」

我:「條仆街真係因住收尾兩年

同個女仔friend到就咁樣畀人咒

佢冇女抵撚死

我話嘅」

Lm

推

lm

即刻留名

LM

賓仔呢個人好鍾意嵐嵐

嵐嵐其實都知

因為初中嗰陣已經係咁搵佢

嵐嵐次次都唔領情

賓仔又好死纏爛打

依家都仲未放棄

有一次好搞笑㗎

如果男主角唔係佢應該幾浪漫

佢做嘅話就笑到仆街

話說嗰次同平時差唔多

賓仔好似約嵐嵐單對單食飯

嵐嵐:「唔去呀，

你約幾多次都唔去㗎喇」

賓仔:「我知你知㗎

你都知我想點

不如畀次機會我啦」

嵐嵐:「唔想畀假希望你呀」

賓仔:「你未試過點知係假希望

可能試過ok呢」

嵐嵐:「我對你真係冇feel呀賓爺

我都好欣賞你呢份堅持

乖啦但我真係唔想你因為我呢個人搞到咁

講咗十幾廿次啦都係咁」

賓仔:「點解呀」

嵐嵐:「哎呀你要聽人講嘢㗎嘛

我對你真係冇feel呀賓哥」

賓仔:「一次機會都唔畀我」

嵐嵐:「係呀

我都講到咁白」

賓仔:「你睇住，

嵐嵐，

終有一日我會令你鍾意我」

我嗰陣喺隔離笑到仆街

痴線勁好笑唔知做乜

無啦啦爆句咁嘅嘢出嚟

跟住做埋心心手勢

之後跑走，

依家諗返都覺得好笑

我嗰陣都有問過嵐嵐

我:「真係唔畀機會佢

我識咗你兩三年，

佢真係問足你兩三年」

嵐嵐:「其實我都唔想咁

不過真係寧願決斷啲囉

冇錯佢係煩咗啲，

我feel到佢真係好堅持

面對鍾意嘅人好大膽同埋進取，

呢點真係好欣賞佢㗎」

我:「欣賞佢又唔畀機會」

嵐嵐:「同你講都嘥氣

行啦食屎狗」

我:「歐歐.」

嵐嵐:「妖.」

丁仔

新故lm

第三章
返到學校第一件事梗係集隊

都冇乜精神呀咁q熱

拿拿臨搞掂上返班房就算，

上到去求其搵個位座

我雖然叫做同嵐嵐熟啲，

但我同佢喺學校都係分開玩

佢有佢一班friend

我有我班豬朋狗友

不過啲同學會知我同佢熟咁解

所以我自自然然唔會同佢座

佢同左愷晴仲有另外兩個朋友圍埋一堆

一個叫Betty

肥肥地不過幾好相處

靚就唔靚㗎喇，

但傾落唔錯，

仲有一個係Teresa

佢都幾靚

冇嵐嵐同愷晴咁白但亦未去到健康膚色嗰種

同埋佢都幾活潑下

唔似愷晴陰聲細氣怕怕醜醜咁

基本上呢四個就係一堆

上年見到都已經係咁

講起愷晴，

都係近望先知皮膚好好

越睇越襟睇

哈哈以前未試過咁近睇呀嘛

第一次睇咪覺得好神奇

諗起都覺得以前真係毒

不過都真係要重申多次

當時都只係覺得佢靚呢個階段，

連佢係咩性格都唔知

絕對冇非份之想

就喺我𥄫緊愷晴嘅時候，

我feel到有條友無啦啦望住我

屌又係嵐嵐條粉腸

大家喺度對望

之後我對住做口形講:「做乜撚野」

佢又做返口形講:「睇女呀」

跟住佢隻眼喺度係咁射住愷晴

仲要笑笑口咁樣，

簡直係面目可憎

我:「樣衰

望返前面啦屎忽鬼」

佢:「呵呵.」

跟住就單一單眼望返前面，

屌吹佢唔漲，

係幾靚嘅……

LMMMMMMMMM

好耐冇見

第四章
最後搞下搞下，

我就入咗去班會做個濕鳩打雜


多得鍾曉嵐呢條友所賜

我咁多年都未玩過呢啲咁嘅嘢

入到去都唔知做乜

唉阻住細佬我打機

大家都知啦開學日通常都會放早

原本諗住放咗學就同幾個粉腸一齊打機

點知老師竟然講真

我真係要落去教員室門口罰抄「以後不會在學校講粗口」五十次

算啦都係盡快搞掂佢走人

所以當老師一話可以放學，

我就二話不說帶埋白紙原子筆落去寫

落到去埋位即刻開工

寫寫下無啦啦有兩條友過左嚟

嵐嵐:「睇下我幾好人

帶埋愷晴嚟搵你呀」

愷晴:「係囉東仔下次唔好喇」

我:「多得你老友囉愷晴」

嵐嵐:「其實我喺度㗎你可以開名」

我:「仆街啦你唔想同你講嘢.」

嵐嵐:「搞錯呀我咁識做你都仲咁」

我:「得啦唔好笑到咁衰」

愷晴:「我聽嵐嵐講你兩個識咗好耐

好friend呀你哋

聽你地講嘢都知」

我:「唔係呀我同佢唔係好熟」

嵐嵐:「係呀我哋唔熟㗎

淨係知呢條友係邊個咁解囉」

我:「陰毒」

嵐嵐:「又係你講先嘅

我又冇逼你講粗口

控制唔到你問題喎東哥」

我:「打死都記得今次啦」

愷晴:「好搞笑呀你哋」

嵐嵐:「冇乜人好似呢條傻仔咁樣玩極唔嬲㗎」

我:「其實我好撚嬲囉你唔知啫鍾曉嵐」

嵐嵐:「係咩咁唔好意思囉

請你飲嘅」

跟住佢隊咗包檸檬茶畀我，

嵐嵐:「我都驚玩大咗所以特登請你飲等你下火呀」

我:「你幫我抄我一定冇火」

嵐嵐:「得一唔好想二呀dee dee」

我:「多謝呀快啲走啦屌你」

嵐嵐:「我就食飯先啦你就做多陣啦

拜拜啦東仔」

愷晴:「拜拜東仔」

我:「拜拜嵐畜拜拜愷晴」

嵐嵐:「睇嚟你真係想再抄過

你知啦我想撕爛佢好易㗎咋」

我知佢條粉腸真係做得出

呢條友真係short short地

佢對住邊個都唔係咁，

唯獨對住我就係咁仆街

唔係潑婦罵街，

而係做嗰啲嘢真係好賤

我:「唔好意思呀嵐嵐

好啦乖啦你行出去啦

依家唔夠時間我鋪唔到地氈

希望你唔好介意啦」

嵐嵐:「東哥咁樣叫我受得起梗係唔會介意

地氈你就下次準備啦」

我:「屌唔係真係要我做呀」

嵐嵐:「你話事啦哈哈哈

拜拜傻仔」

我:「拜拜嵐嵐拜拜愷晴」

就係咁佢兩個就走咗

我以前都問過嵐嵐，

佢話愷晴真係比較斯文

性格就好隨和

識佢咁耐都好少佢發爛渣

最多都係唔出聲戇鳩鳩咁樣

唔係唔係佢咁靚女點會係戇鳩鳩

即係有啲渾渾噩噩咁解啫

對住啱啱識嘅人通常都比較怕醜斯文，

不過一熟咗其實多嘢講

見佢頭先都唔係好怕醜都起碼會講嘢

不過我好撚驚嵐嵐條仆街喺佢面前亂講嘢

今晚返去問下先

依家諗返其實都冇得驚㗎喇

佢哋相處時間咁q長

係細個諗得好複雜，

明明人哋都可能唔係好理會

呢啲又係大個咗先知，

我就唔敢形容呢啲經歷叫青澀，

但係大個咗好自然就唔會再有呢個心態囉.

終於

等了很久了

係咪又係丁仔你身邊啲朋友

丁仔