[校園][純愛]《身旁的那一個》

睇落去啦費事劇透

仲以為以後都見唔到你喇，斗巴！

祝你中秋人月兩團圓，盡情虐待我哋！

巴打好耐冇見
大家咁話
又唔好講到虐待

第五章
去到夜晚，

嵐嵐就msn我
同我講聽日要留低開會

講下做壁報嗰啲嘢喎

我哋個年代冇WhatsApp冇signal

同邊個傾計都係用msn或者sms

我就鍾意用msn多啲

因為我手提電話筆劃打字好撚廢

識我嘅人知道我呢條毒撚多數都喺屋企

同埋我msn個狀態不嬲都係長期在線

唔會扮晒嘢set做忙碌/離開/顯示為離線

我都唔肯定新一代嘅你哋知唔知我講咩啦哈哈

總之以前個傾計方法就係咁囉

嵐嵐:「聽日要留低呀

識做啦」

我:「哎呀你叫我入嚟都係做咕哩啫

不如放過我啦反正聽日都係傾

冇體力嘢掛，

有都唔驚啦你咁撚大力」

嵐嵐:「唔得喎佢話全部都要喎

主席啱啱講咗」

我:「咁點解主席唔同我講

要你條粉腸搵我講呢」

嵐嵐:「首先我唔係粉腸

第二你就威水喇

因為主席話你條友好奀皮

佢都驚叫唔喐你

所以叫我通知你喎」

我:「幫幫手啦唔好理佢啦」

嵐嵐:「咁又唔得喎

成班人第一個會點可以唔係全體出席

你又唔係有啲咩原因出席唔到」

我:「唔係呀聽日老母病咗呀要陪佢睇醫生呀」

嵐嵐:「傻豬嚟嘅睇你都唔識㗎啦

咁聽日開完會一齊陪auntie睇醫生啦」

我:「你都痴撚線

我老母病咗搵你做乜鬼」

嵐嵐:「auntie又唔係唔識我

你又知你幾叻仔㗎喇

陣間睇醫生記錯食藥四個鐘一次同埋六個鐘一次，

咁就唔好啦」

點解我老母會識嵐嵐

首先其實我哋兩個住得唔算好近

不過其實都唔係好遠嘅，

都係同一區咁啦

有一次我同成班人放學，

解散咗之後撞到佢條友

佢又話未食嘢叫我陪佢食

咁就一齊食啦

走人嗰陣就畀我老母見到

跟住條仆街假撚到係咁微笑

又出奇地好禮貌喎

平時對住我撚見佢會咁

跟住我老母就覺得佢好好

每年開學都會問我係咪同佢同班

佢最近點呀呢樣嗰樣

又話叫我同佢拍拖

傻撚咗呀真係

同佢講咗十幾次係朋友

佢又話唔信

仲要屌鳩我冇乜機會遇到一個咁好嘅女仔

人靚聲甜又斯文呢樣嗰樣，

我心諗老母你俾佢呃咗啦

同埋我老母間公司唔知點解有好多coupon

一有嘅話就會畀我

叫我拎畀嵐嵐

佢兩個關係就係咁.

我:「唔使勞煩你啦嵐姐

我老母頭先佢突然好返

佢依家唔病啦」

嵐嵐:「咁咪好囉

伯母咁犀利突然冇事」

我:「唉算啦算啦

聽日個會搞幾耐㗎」

嵐嵐:「應該唔會搞好耐嘅

放心唔會用你兩個鐘

反正呢個禮拜都係早放」

我:「哎呀但係我要返去打機同埋打飛機喎」

嵐嵐:「你呢啲嘢對住我講好喇

我驚你對住愷晴咁樣講會嚇死佢」

我:「痴線我對住佢就唔會咁講㗎啦」

嵐嵐:「咁又係嘅

你梗係想喺人面前留一個好形象㗎」

我:「痴線講咗去邊」

嵐嵐:「總之聽日我識做啦

明你意思嘅東哥」

我:「我都係覺得佢靚啫

不過識多個朋友都無妨哈哈」

嵐嵐:「扮嘢

係喎聽日Teresa放學之後要陪男朋友

Betty就話要陪佢媽咪出街

得返我同愷晴，

約埋你個蛋散食lunch

我一陣同佢講應該得㗎喇」

我:「嘩冇問題呀ok呀

同你兩個靚女一齊食爽呀」

嵐嵐:「東哥唔使扮嘢啦

唔好賣口乖啦」

我:「你真係好醒嘅啫

食咩你哋話事啦」

嵐嵐:「平時我哋食嘢都係就愷晴

因為佢有啲嘢唔係好食

佢自己都話自己食嘢好麻煩

咁咪大家就囉

你o唔ok呀」

我:「我冇所謂呀食乜都得」

嵐嵐:「呢個就係機會啦，

好彩你食嘢好求好容易就」

我:「你哋啲女人真係諗到咁撚多

服咗你哋」

嵐嵐:「靠你做嘢真係食得屎

聽日等我幫你

快啲叫聲嵐嵐先」

我:「多謝嵐嵐」

嵐嵐:「叫聲嵐嵐早唞瞓得好啲丫」

見你咁識做我忍你

我:「嵐嵐早唞瞓得好啲」

嵐嵐:「真係聽話嘅啫

好啦早唞啦，

拜拜」

條仆街真係好無聊呀

不過估唔到咁快可以同愷晴食lunch

真係有啲期待

起碼唔係同啲毒撚食

算嵐嵐條友仔做到嘢.

都係照樣支持啦丁哥
等咗差唔多兩年終於有故

係
唔再傷春悲秋啦

終於有故中學睇到而家

咁好嘅

多謝支持咗細佬咁耐

等咗兩年終於有新故but等睇嵐嵐愷晴都係暗戀東仔之後互相知道之後退讓 最後東仔傻更更兩個都錯過哂得唔倒

事隔兩年 閣下終於出山

Lm

留個靚名
雖然明知最尾都係sad end 但係都係忍唔住入嚟追

咁快就估結局

吹到出山
多謝你支持

可能今次唔係呢

咁支
多謝晒你

第六章
第二日返到去

啲無聊嘢唔講啦

老老實實我開會都係發夢

人哋問乜就話係呀係呀咁樣囉

淨係記得唔知邊日係deadline

總之嗰日之前要做晒壁報

因為校長會親自過嚟睇乜乜物物

放心啦佢哋會記得㗎喇

我呢啲打醬油嘅人出現就得

去到最後終於捱過咗

真係走得可以食飯，

跟住見到嵐嵐同埋愷晴走過嚟

嵐嵐:「我同愷晴講咗喇佢話ok呀」

愷晴:「唔好意思呀東仔你有冇咩唔食㗎

你同我講丫，

如果唔食嘅話我再諗」

我:「我乜都得呀冇所謂

你話事啦」

嵐嵐:「平時唔係呢句㗎喎」

我:「我對住你先咁講啫

費事嚇親愷晴啦哈哈哈」

愷晴:「下咩呀」

我:「冇呀冇呀

你話事啦我冇所謂呀」

愷晴:「你真係好搞笑」

平時呢我就成日講屎唔臭都食嘅

不過對住愷晴就費事啦

始終又唔係話真係好熟

啱啱識費事亂講嘢，

唔係話驚扣唔扣分呢啲戇鳩問題

而係真係唔係好熟

盡可能都唔會講到咁放

講下講下又見到好鍾意嵐嵐嗰條粉腸賓仔過嚟

可能佢哋聽到我一齊食飯

賓仔:「嵐b可唔可以一齊食飯」

嵐:「唔好亂咁叫同你唔係好熟.」

賓仔:「嵐嵐咁可唔可以同你哋一齊食

我得㗎我乜都可以食呀」

我望住愷晴好似有啲不知所措

個樣唔知點咁樣

我又覺得呢條戇鳩仔好好玩

梗係撚下佢

我:「賓狗好心你檢討下自己啦

你女神依家同我食呀

你恨唔到㗎喇屎忽鬼」

賓仔:「你個仆街一腳踏兩船」

我:「所以話你真係唔好成日坐住個腦

一齊食飯就一腳踏兩船」

賓仔:「仆街啦你

算啦下次我先搵嵐嵐」

嵐嵐:「唔使下次啦，

依家同你講定唔使啦」

呢個賓仔都算聽話

嵐嵐講完之後佢即刻頭耷耷咁走

愷晴:「佢真係好鍾意你呀嵐嵐」

嵐嵐:「都冇辦法㗎

唔鍾意佢費事畀啲無謂嘅signal佢」

我:「係囉不如諗下佢啦

可能你一世人淨係呢個咁死心塌地嘅人㗎咋

錯過咗就冇㗎喇」

嵐嵐:「收皮啦你」

講人哋就識講，

自己就唔識做.

最後愷晴揀咗間餐廳

平平哋嗰啲西餐咁囉

可能佢唔鍾意去茶餐廳嗰啲環境掛

咁我就冇問呀

話明係佢話事

佢揀完就食啦仲咁多嘢講咩

我同嵐嵐熟啲一齊食得多

所以都知大家鍾意食啲乜

例如佢唔食蟹柳同南瓜就會畀我

我唔食青瓜同紅蘿蔔就會畀佢

當然啦大家都識做嘅

一定係未食之前先會畀人，

食過一啖就唔會咁做

佢條仆街都姿整同埋有基本衛生意識嘅

愷晴:「你哋真係好friend

大家鍾意食乜唔鍾意食乜都知」

嵐嵐:「我中一就識呢條友

唔係好friend嘅識少少咁啦」

我:「係呀愷晴

我都係中一就識你隔離嗰條友

知道佢有咩食有咩唔食啦」

講下我哋個坐位先

嗰日我哋三個人坐四人台

我對面係愷晴

愷晴隔離就係嵐嵐

我嘅隔離就係擺大家嘅書包

入到去坐嗰陣嵐嵐即刻將佢書包擺喺我隔離

跟住愷晴同埋我就跟住佢擺，

後尾先知原來呢個舉動係特登

唔係求其搵個位擺落去

愷晴:「我以前好少同你傾計呀東仔

估唔到原來你咁搞笑」

我:「唔係啩我都冇做啲乜」

愷晴:「有啲人係咁㗎

佢做啲嘢唔係搞笑，

又或者唔係特登想搞笑，

不過做出嚟就好好笑」

嵐嵐:「係呀係呀佢條友就係咁」

我:「咁就多謝你賞面囉愷晴姐」

愷晴:「唔使姐前姐後喇

叫我愷晴咪得」

我:「講起上嚟都係多得你隔離嗰個

如果唔係應該唔會識到你」

嵐嵐:「冇名你叫呀東哥」

愷晴:「係囉我都估唔到嵐嵐會揀理科

不過唔係嘅佢兩樣都叻

乜都掂」

嵐嵐:「咁我上年理科高分啲吖嘛

同埋問過屋企人佢哋建議理科喎」

愷晴:「係咩你理科高分啲咩」

嵐嵐:「係呀」

愷晴:「可能我記錯咗我以為你文科高分啲.」

我:「你會問屋企人

真定假呀」

嵐嵐:「似你咩咁無聊成日呃人」

基本上嗰餐飯大家都傾得好開心，

唔係話咩氣氛都唔錯

嵐嵐條友仔幾識帶動氣氛

因為在場佢唯一一個聯繫兩邊嘅人

有啲人呢啲位處理得唔好就會各自各玩

咁自然就冇下次啦，

嵐嵐算係幾得體

我都唔想讚佢不過真係幾勁

跟住嵐嵐無啦啦佢收到個電話

佢一路聽一路依依哦哦

收線之後我哋問佢咩事

嵐嵐:「媽咪囉

唔記得帶鎖匙

家姐又返緊part-time

唔好意思呀我走先」

愷晴:「唔使唔好意思呀你返去先啦

你嗰邊緊急咁多」

跟住嵐嵐放低佢個餐嘅錢之後

就對住個單眼笑住走

之後我就恍然大悟，

你條友真係醒目

錫晒你

我:「係囉不如諗下佢啦

可能你一世人淨係得呢個咁死心塌地嘅人㗎咋

錯過咗就冇㗎喇」

嵐嵐:「收皮啦你」

講人哋就識講，

自己就唔識做.

嵐嵐 又識擺書包set位 又特登揀理科 又識製造機會

斗巴中秋快樂

丁氏定理

中秋快樂
巴打咁嘅樣嘅

痴線