[校園][純愛]《身旁的那一個》

今次唔同呢可能

偏見

係咪得我一個覺得現實時間線嗰個女仔呢其實係愷晴然後之後主角諗嘅係嵐嵐

點解咁認為

覺得係主角同咗愷晴一齊之後先發現對嵐嵐有意思做咗對唔住愷晴既野，之後嵐嵐因為對唔住愷晴走咗

睇落去就知

第二十四章
嵐嵐啤住我之後

即刻問賓仔咩事

乜嘢幫佢拎嘢

我嗰陣心諗唔該你醒醒定定唔好亂講

我頂佢個肺點知照直講

賓仔:「東仔佢話嵐嵐你哋要幫手拎嘢飲吖嘛

咁我咪幫手囉」

嵐嵐:「佢話我要幫手呀」

賓仔:「係呀

佢仲懶醒特登打畀我

問我想唔想做英雄幫手喎

咁我梗係想幫你手啦

咪出咗去幫你哋拎嘢飲囉」

簡直係離曬譜

我依家可以劇透

自從呢單嘢之後，

我就再冇信過呢條撚屌

係一次都冇再信

嵐嵐:「賓仔我想同你講

啲嘢飲唔係我拎嘅，

大家傾好咗係你隔離嗰條友拎

唔關我事嘅

我唔知佢點同你講，

總之呢啲嘢唔係我叫你做

至於你隔離嗰個人，

我唔識講呀，

賤精」

跟住佢就黑埋塊面

Teresa:「東仔我都唔幫你呀

擺人上枱」

我:「係我衰唔好意思對唔住

下次唔會㗎喇」

賓仔:「仲有下次咩原來你呃人嘅」

嘩嗰下我個拳頭真係想打柒佢

唔打佢都好想鬧鳩佢

不過算啦自己柒咗

我由細到大都係咁，

知道係自己問題又柒咗嘅話，

點樣嬲點樣衝動都扮死狗

鬼叫今次自己問題咩

賓仔:「我又係衰嘅

竟然唔諗下自己就信咗你」

我都冇理佢㗎喇仲係咁喺度講

講下講下可能嵐嵐都覺得煩

所以佢就行開咗，

Teresa陪咗佢出去行

賓仔見佢女神唔喺度佢就走咗

屌得返我一個人

本來我冇乜所謂嘅

歌都有得你唱，

一個人原來都可以盡興

今次唔係逞強

其實我的而且確係呢啲人嚟

靜靜地又唔使理人

鍾意做乜就做乜

當然我知有啲人好介意一個人食飯

咁就唔知喇真係人人唔同

所以佢哋走咗，

我心諗仲好又唔使尷尬

棉花糖又可以自己食晒

爽皮.

之後我繼續喺度燒嘢食同埋飲嘢

都維持咗一段時間因為冇人返過嚟

打波嘅打波，

傾計嘅傾計，

玩啤牌嘅玩啤牌

心諗大家夾嘅錢一樣

我就咁舒服慢慢食睇下女

都可以食多咁多

真係傻仔有樣睇

正當我喺度自我陶醉嘅時候，

見到Teresa過咗嚟

Teresa:「畀人踢爆仲食得咁滋味嘅東仔

我靜靜雞過嚟同你講

氹返人啦」

其實我嗰下第一句想屌柒佢

咁我唔通唔食咩

點解要拉埋一齊講呢

畀人踢爆我係瘀我係衰

我就冇推卸責任嘅，

我真係知道自己衰

同時都知道自己衰乜，

咁同我食得咁滋味唔關事㗎嘛

我做錯嘢，

同我食到啲好味嘅嘢又或者慢慢咁食

我都唔明個關係喺邊度

不過算啦佢平時對我都唔錯

都算係靚女

咁就唔屌佢啦

我:「Teresa姐

咁我都可以食嘢嘅啫

我又唔係冇份夾」

Teresa:「哎呀唔係講呢樣呀

你見唔到嵐嵐黑晒口面咩」

我:「佢成日都西面㗎喇

第一日識佢咩

我成日都同佢講佢西面靚過笑樣」

Teresa:「平時係冇表情頭先係黑面呀

點同呢」

我:「唉陣間買啲嘢飲請佢啦」

Teresa:「其實女仔好易氹㗎咋

我都同我男朋友咁講，

趁件事都唔係過咗好耐即刻say sorry

其實都已經落咗一半火」

我:「點同呢

你兩個係情侶

我同佢都唔係」

Teresa:「咁你唔通想大家黑面尷尬咩」

我:「咁又唔係

我不嬲都係世界和平撚

好啦我等陣食埋隻雞翼先至去啦」

Teresa:「好啦

我哋喺嗰邊呀

跟住佢就走咗

我就慢慢燒完隻雞翼

食完之後再食埋薄荷糖先行過去，

費事咁重味過去

做下死狗都要㗎喇.

你估下

今日仲有冇文？

有

第二十五章
老實講

以前細個可能真係唔識諗

我當時嘅諗法係，

嵐嵐呢個人真係太小器

有咩好嬲呢究竟

佢喺呢件事上面都冇損失

最後大家都有得飲

我又唔使拎嘢

根本就三贏局面

無啦啦發脾氣真係唔知做乜

講明先呢個係我當時嘅諗法

不過算啦，

我又真係唔想搞到大家關係咁

問心我覺得佢應該好快冇事

最多都係嬲一陣嘅啫

但係Teresa講嘅嘢都唔係冇道理

返到嚟面阻阻氣氛好撚尷尬

都係拎住薄荷糖行過去搵佢啦

行一陣跟住就見到佢同Teresa

Teresa見到我行過去就行開咗

打晒眼色咁樣

預咗畀嵐嵐佢鬧㗎喇

算啦算啦唔緊要啦

男人有個天職就係要承擔責任

我:「唔好意思呀嵐嵐

今次係我衰係我問題

應承你冇下次」

嵐嵐:「你明知我唔想畀假希望賓仔

仲要藉我過橋」

我:「我又係衰嘅淨係諗自己

下次我會自己拎返㗎喇」

嵐嵐:「邊個拎都唔係問題

問題係你用我個名搵佢

跟住佢以為真係我叫佢幫手，

最慘我就真係冇咁做，

咁樣咪好似搞到我收兵」

我:「都係我衰破壞你嘅聲譽

明明你就唔係啲咁嘅人

係我賤」

嵐嵐:「你賤都唔係第一日嘅事㗎啦」

我:「傻傻哋嘅真係

不嬲都好人咩叫唔係第一日嘅事

今次件事令我學識咗一啲嘢」

嵐嵐:「學識咩」

我:「以後要搵個信任嘅人幫手

如果唔係又畀人爆大鑊」

嵐嵐:「唉你真係冇得救」

我:「我不嬲都話做衰嘢唔緊要

最緊要係唔好畀人見到唔好畀人知道」

嵐嵐:「點解我會同咁冇品嘅你熟㗎」

我:「傻豬嚟嘅

我對住你有品咪得囉」

嵐嵐:「頭先嗰啲咁都叫有品呀」

我:「我知衰㗎喇下次唔會」

嵐嵐:「聽住先囉」

我:「你睇我幾撚有誠意

薄荷糖都拎過嚟」

嵐嵐:「又係咁

估到你啦」

我:「做咩」

嵐嵐:「以前有次咪又係咁嘅

最後你都係送咗盒薄荷糖畀我」

我:「屌我記得喇

你哋啲女人真係小器

咁撚耐嘅嘢都記咁耐」

嵐嵐:「對住你特別小器

我都唔想」

嗰次係咩事呢

數下手指都起碼係中一中二嘅事

話說嗰次佢叫我幫手去教員室拎嘢

我唔記得咩啦總之叫我幫手

平時佢唔會咁

因為嗰日佢唔得閒

好似話放學約咗家姐唔知去邊度

所以就叫我幫手拎嘢

仲話好趕急

一定要今日拎

點知放咗學我掛住喺班同人玩飛行棋

結果就唔記得咗

第二日佢知道咗之後

又係好嬲勁黑面

後尾我喺衫袋拎咗盒薄荷糖出嚟送畀佢

全新未開過嘅

跟住佢就冇嘢喎

好撚奇怪啲女人真係

肯定有精神分裂

無啦啦嬲無啦啦又冇事

嵐嵐:「冇啲新意喎成日都薄荷糖」

我:「我成身最值錢就係呢樣

咁都唔要冇辦法啦」

嵐嵐:「少少成本都唔肯用點溝女呀」

我:「痴線我而家又唔係溝你」

嵐嵐:「我梗係知你唔係追我

咁但係對住愷晴你都係咁就死得啦

係喎你有冇add佢msn」

我:「哎呀我出門之前唔記得咗」

嵐嵐:「唔係啩你係咪玩我呀東哥

我仲諗住你第一時間即係add添」

我:「我尋晚唔記得咗

熄咗電腦瞓覺先記得

點知今朝起身又係唔記得

好啦好啦返去add」

嵐嵐:「講真我唔係吹水

我feel到佢都對你有啲好感」

我:「點解咁講呀」

嵐嵐:「有時我哋幾個圍埋傾計，

佢講起你都話你好搞笑呀呢樣嗰樣

頭先你見唔到咩佢話肯幫你燒嘢食」

我:「唔係啩

頭先我就見唔到佢呀

我淨係見到你呀好撚獨食淨係幫自己燒」

嵐嵐:「我叫咗你出街要帶埋個腦

唔好成日戇居居咁樣㗎嘛

頭先唔係我咁樣講，

佢點會話幫你燒」

我:「馬後炮」

嵐嵐:「講你又唔信

走啦返去啦」

我:「喂整粒嚟丫

同埋陣間請你食蛋糕啦

唔好話冇新意呀」

嵐嵐:「咁又唔拘喎

多謝東哥」

我:「笑返咪幾好

雖然我堅持你西面靚啲」

嵐嵐:「食屎啦你

唔想同你講嘢呀

好煩呀」

細個就係咁，

冰釋前嫌可以好簡單，

一件蛋糕一盒薄荷糖，

已經足夠.

打好嗰陣就見到你上水

細個就係咁，

冰釋前嫌可以好簡單，

一件蛋糕一盒薄荷糖，

已經足夠.

sad end味濃

我成晚㩒爛唔知幾多個F5掣就係為咗睇故

真係呢

點會

多謝你咁支持

因為feel到佢軟化咗

嵐嵐明明鐘意東仔
仲叫佢追愷晴