椎間盤突出圍爐區

腳痺既位置係邊？


通常係小腿外側，正常突岀小小唔會痺太耐，因為痺得耐會影響到腳既肌力

而家都睇緊物理治療同針灸
唔知係咪太心急 成日覺得冇好轉
咁我係咪唔應該做住拉筋先 等炎症退左先做呢

係好需要時間，做復健運動個大主題係唔可以令到你嘅病情加重，或者更加麻痹。可以試吓食啲維他命B

就係你指嗰個位啊
通常坐office都會一直keep住痺
瞓醒起身又痺
嚴重嗰陣行都痺
腳嘅肌力唔係好覺，但左腳嘅筋就越嚟越緊，冇事嘅右腳嘅柔軟度就正常

應該冇 醫生話只係輕微椎間盤突出

咁我唔拉緊 我越拉越痛
但我睇脊醫同中醫就叫我拉多啲
但物理治療師就叫我唔好拉住
唔知信邊個

我同你一能樣，食維他命B，有減輕個痺，因維他命B會修復神經傳遞系統，但治標唔治本，因為壓到神經。

有食啊 年幾前脊醫已經叫我食
我覺得冇分別

椎間盤咪有分三個階段:一個叫椎間盤膨脹(纖維環冇撕裂)
第二呢叫做椎間盤突出(纖維環爆咗髓核外露) 第三叫做椎間盤脫位(成個椎間盤脫咗位) 要睇返個磁力共振先知有幾嚴重

但係都要行下，游泳

睇住架巴士走

巴士種腳痺係咪類似電流游走對腳咁

我痛就係呢個位

有無人係兩邊都輕微突出，掂到神經線，仲有側彎？

我都係有日突然訓醒就痛
仲記得果陣係沙田地鐵站等車，愈企愈痛，坐得耐起身果下又痛，企得耐又痛，之後去睇過脊醫(鳩屈我對腳又話我BIN平足)整到勁痛都無任何好轉
中間再有搵跌打/物理治療都係搵笨柒，最後搵到間針炙針左十幾次就輕微左好多。
但係都係唔斷尾，一直都會痛
飲完酒或者前一日通頂，個痛楚都會加強返

你兩邊壓？左右腳都痛？

其實椎間盤突出 唔係搵醫生/物理治療師
而係搵整骨師/脊醫

我睇左咁多個脊醫，發現就係正骨加物理治療

其實好睇運氣，試過幾個都愈睇愈差，本身唔痛果啲位都痛埋，醫唔好又無後果。
真係醫到好頹
如果可以包醫好，就算比多啲錢我都願

絕對明白，如果有樣嘢包有效又有咩所謂。有時頹到好相做手術一步到位

係，但手術認真風高
同埋即使做左手術都唔係１００％有效，醫生話有人試過做完手術痛楚仍存在

我七年前做過一次，但今年又復發，哭能左

所以我都仲未考慮做手術住
預咗同呢個症一世

但你而家咩環境？

我由物理治療轉睇脊醫就明顯有好到
不過我加加埋埋只係睇左兩個月
我有朋友都係有椎間盤突出 佢話佢睇物理治療至少睇一年佢先可以跑到步