其實想講下d人成日笑既「藍色窗簾」

所謂「藍色窗簾」理論，簡單來說，就是指一個解釋者為藝術品作出了大量解說，但當作者走出來時，卻笑言完全沒有這回事，只是對方自作多情。 這個理論本身沒有邏輯問題，甚至是現實中不斷發生的情況。

但其實閱讀理解就係訓練讀者既「語感」
係不同文字之間，「自己」有咩感受同想像
呢樣先係讀語文/文學要訓練同學習既野

做閱讀理解並唔係100%要猜度作者的意圖

雖然呢樣個marking scheme自己都有問題
但d人成日用藍色窗簾黎笑做閱讀理解
讀後感/文學分析
其實有少少無知

利申：中文系

見到幫你推一下

推下
連登仔成日都撻呢似是而非嘅名詞出黎就當自己睇透好多野架啦

如果閱讀理解係訓練讀者的感受同想像
咁就唔應該有model answer

呢個post都係藍色窗簾

每個人睇同一件事都可以有唔同既解讀架啦
咁所謂閱讀理解咪又係估出卷果個諗緊咩
作者本身想表達咩根本唔重要

但其實閱讀理解就係訓練讀者既「語感」
係不同文字之間，「自己」有咩感受同想像

即係考試個時問,
試說出讀者當時既心情
我係咪可以答, 佢當時好憤怒
因為藍色既對比色係紅色
佢用相對顏色隱藏自己既殺氣
實屬反社會人格

會唔會高分啲?

其實係
但我地玩緊既係考試既遊戲
改卷果個唔同程度同水平都會影響個比分

而且理論上公開試既試題同選文都唔會太深同太多歧義(理論上)
所以有marking scheme 都無可厚非
但如果水平有返咁上下既改卷
應該可以因應唔同答案去比返相應分數

咪係
試下吹一大輪天馬行空野落去

跟返marking scheme, 即刻0分

無話唔得
但無咁簡單
仲要有上文下理

但如果你解釋到其實都得

真
每個人既解讀都唔同
考試純粹係睇完篇文估個答案係乜

理論上
實際上係拎篇DSE中文閱讀理解俾原作者做都會答錯呀

咁呢個係marking scheme 既考試玩法問題

但而家就係講緊好多人用藍色窗簾呢樣野去恥笑人地d影評
讀後感/文學感想

呢樣野

所謂作者已死

我都覺得而家好多人濫用左藍色窗簾。任何人去寫一篇文嗰陣時，一定係有啲我哋可以透過閱讀呢篇文去客觀了解佢想表達啲咩嘅內容，否則根本連文章「利用文字傳遞自己心裏面訊息畀讀者」呢樣嘢都做唔到。正如你而家睇我上面三句，你都應該可以客觀歸納出嗰對藍色窗簾理論係反感嘅，唔可以話「其實我上面寫嗰幾段係想表達我好支持藍色窗簾理論㗎」，即使我係上面嗰幾句話嘅作者。。

啲訪問搵返作者做DSE題目，話佢哋都係攞唔足分就笑DSE閱讀理解出題同啲Model answer有問題我覺得邏輯上唔算講得通。作者離佢寫個篇文嘅時間可能已經過咗成10幾年，你自己睇返以前小學寫作文嗰陣時諗啲咩都唔會記得啦，個作者唔記得自己十幾年前嘅心情有咩問題？所以雖然叫個作者做返篇文做閱讀理解，但係其實作者係而家呢一刻可能同我哋普通讀者係一樣，對十幾年前嘅自己陌生。

sorry for 1999

咁我係學生
個答案應該係作者原意/改卷既解法/自己既解法?

最美嘅解法

其實好想知道日韓或者外國考國文嘅題目係咪都係咁


好耐之前睇〈銀之匙〉 八軒佢哋做嘅題目好似都係估作者諗法

解讀應該係言之成理就有分，唔存在唯一嘅解答

當然唔會only 訓練果兩樣野
但其實文學果個意義唔會咁窄剩係讀者想比咩意思比讀者

尤其係寫作中，其實有好多隱藏message ，作者自己都未必察覺到