保險問題 理性討論 回歸繼續你問我答

不嬲都得架

唔係必需品 唔買又唔會生存唔到 同衣食住行唔同

只不過係作為一個可以轉移風險嘅工具用嘅錢唔係特別多，係可以值得考慮，但係考慮嘅時候亦都要諗唔同工具邊隻適合自己

我就只係將所有保險資訊公開透明咁同大家講，有問題咪可以我幫大家上去問又得，只係我而家又唔可以出圖又可以講公司名，就唯有好抽象同大家講，估到就估到，估唔到就算啦

理財最重要係要自己理自己，自己都唔幫自己做打算搵資料，憑咩要人喂到埋口去食先，咁咪好多時會出事俾人呃都唔知，網上咁多資訊咁多公開透明，其實都已經比以前好好多

你個名好熟口面
我係咪有答過你呢

如果有答過就仆街啦 即係我又要再重新講過

放心 我覆咗上面先 一間輪到你

真係，佢俾唔到信心我，係傾保險既過程中，佢成日都好坦白同我講，佢睇唔明d保險中文terms，要靠問佢d同事。
好似今次咁，佢話佢做保險個師兄同佢講墊底費既定義，佢就信，佢仲要話個師兄之前做AIA, 早一兩個月先轉呢間。

反而係好多野係我提返個保險agent佢先知

之前買左終身危疾，要供10年 (Now year 5)

上網見到話危疾係全球通用，假設將來移民到其他國家都會受保？
賠償又會點安排？

咖啡好似無網上報價?
咖啡同大笨象 比較 各有各好
要再睇下 你講左一樣野點醒左
就係第一年平 之後貴就仆街

醫保方面
明哥個自願醫保 貴D果個好似唔錯 性價比都好高
基本上係咪好多野都包哂?
我心態保險係純粹幫輕你一大筆錢 而自己比小小就OK
如果可以最好唔洗比啦
另外想問下 如果自願醫保貴D果個同佢貼心果個分別好似唔係好大
但保障既野 係咪都有好多唔同?

依家手持緊不怕個自願醫保 好似好廢咁
你點睇

你要考慮幾樣野

一你諗緊退休或者轉工嘅時候，你嘅身體狀況容唔容許你買到保險，一旦你有醫療記錄或者驗身報告有問題，就好多時好難買，甚至有不保事項或者加保費先得，最差嘅情況係買唔到，所以係唔可以計到咁盡。

二你本身公司份醫療有冇可轉換權益，即係轉工或者退休嘅時候可以幫你轉換做個人計劃？如果有嘅你真係唔需要係有公司醫療嘅時候買一份保險，因為佢可轉換就係可以包含到已知疾病嘅，咁呢個就會容易處理。

三大病嘅時候你呢份夠唔夠用，因為癌症講緊一個療程140萬，普通公司醫療或者醫療計劃都唔會夠用，一定係要去到中高端級數先會支撐到，咁你有公司醫療嘅時候就可以幫你去支付呢類型計劃嘅薦底費。

但我就會建議你買一份中高端走天涯，有公司醫療嘅時候就選擇50000墊底，去到退休嘅時候就用佢個可轉換權益調整做15000/25000，咁去到退休都可以支撐到大病嘅醫藥費，保費就當每年交保護費，墊底費就係當純粹嗰一年用得着都要放低嘅，咁樣對你個保障會比較好啲，起碼長遠唔需要為醫藥費擔心，同埋用一個平嘅價錢去換取私家醫院嘅治療算係咁，槓桿效率大嘅。

如果有唔明白就繼續再問

咖啡如果你唔介意公開講嘅
你可以比資料我run 10 20 30 40年嘅比你參考
歲數有冇食煙 男仔女仔呢啲

同埋你真係點出咗好多人都唔睇嘅地方，佢個優惠係做首年㗎嘛，第二年咪貴返，所以不嬲都係要拉長去睇。如果四間入面煲呔同大笨象應該係最平，但係大笨象會好啲始終係銀行旗下保險做嘅業務，直接銀行扣數真係好方便，有得上網買同埋用佢自己戶口俾錢

醫療呢就真係冇睇錯嘅，係吸引嘅係多人做嘅，亦都做到你下面講嘅效果，爭在係大病癌症中風心臟病就真係會唔夠用，但係都可以支撐到前期嘅檢查費用，咁樣做晒前面檢查確診再去返公立係會快好多，呢個可以注意。至於另外一隻就係都係差唔多不過就唔需要自己比囉，但係保費都貴返嘅，咁邊隻啱自己就自己選擇就可以，性價比高一定係前者，但係保障就後面會比較好。保障內容就大家都大同小異，主要差別係自己需要俾少少定係可以包晒

至於下面嗰個就垃圾，我個律師客咪買咗，而家屌撚晒鬼，因為就係索償上面有問題，佢自己就冇人聽電話嘅，我哋打上去同對街客嗰條都係一樣，變咗係搵唔到人follow up，係好撚麻煩嘅一件事

點睇aia加裕智倍保3 （供18年既危疾儲蓄）唔知呢份抵唔抵買
50萬保額一年要比萬3蚊求ching覆.諗咗好耐

全球通用 唔受國家影響

係呀，例如真係有病，咪搵當地醫生睇然後有佢報告，寄返香港搵人claim 就得，只要有註冊醫生證明就冇乜問題嘅，當然係大醫院嘅醫生會比較好啦，大陸就一定要係三甲級數，因為細醫院就驚你夾埋個醫生呃保險

賠償就好簡單，佢會出支票俾你個agent/broker又或者入數入返落你香港嘅銀行戶口，然後佢寄俾你又好速遞俾你都得，之後你喺當地國家兌換返就可以，都好簡單嘅

退休果時轉低墊低費plan 會唔會要重新核保

唔需要
佢係50 55 60 65 70呢啲年紀可以終身行駛一次
唔需要驗身或者核保就可以轉換墊底費，所以比較適合有公司醫療然後退休之後都想繼續用但係又唔想咁高墊底既

謝解答

不過呢個你要睇公司嘅

我推薦嗰幾間呢係有嘅，我唔知你睇個幾間有冇啦，你可以自己睇吓產品內容，又或者你唔肯定就喺度傾喺度講都得，唔好搞到上面嗰個巴打自己仲叻過幫佢買個agent就冇意思啦

如果你真係想入行嘅

我會建議你揀broker會比較好，見嘅野比較多亦都冇咁容易學壞，不過你就預咗辛苦啲，Agent只係學一間公司時候，你就要學咁多間公司，但係相對你會好熟悉唔同公司擅長咩地方，講得出針對唔同需求應該用咩計劃，呢個就係做呢個嘅好處

但係如果你本身學生嘅，唔建議你做，因為人生最黃金嘅年紀係應該做大公司或者其他地方鍛煉，唔應該將自己放落呢個行業上面先，一來你冇閱歷好難同人溝通到，二來你都會浪費咗自己時間係一個唔係特別感興趣嘅行業，三思而後行

我就建議唔好做嘅，真係好柒辛苦，冇出面睇到咁輕鬆，起碼你真係想做認真專業方向嘅，係做撚到仆街，我自己就好羨慕講幾句就可以簽單嘅，佢地就羨慕我識得比較多，個形象相對較好，有問題都會想問我，但係你睇我對答就知後面要用幾多時間，唔係舒服嘅行業，好多辛酸地方睇唔到。。。

你係想買邊種類型？
儲蓄定係定期
定期買紅色嗰間就OK，佢係咁多間入面包最多病同埋有早期疾病，去到退休年紀cut就得，性價比最高係佢

儲蓄就168又或者無限，前者性價比最高，後者無限次保障所以保障係最好，兩個保費都係比較平嘅如果同四大公司貴嗰兩間比，都相差20%，所以可以考慮吓

呢個我上次覆咗你 我就唔覆啦

我諗你應該記得我掛

唔該巴打
我都覺得第一份工就做好似唔係咁好
驚難轉行
同我個人係偏向listener
唔aggressive

但墊底費定義係全行一樣

Broker 做得好其實係可以去返assets management 呢個方向發展嘅
即係其實都係可以退返銀行或者大嘅資產管理公司做，呢個係買你嘅知識同埋對客嘅技巧，Offer都吸引嘅，又或者銀行做RM底薪都會開到5萬

Agent就真係太專注喺單一保險產品上，變咗係真係所有知識喺晒保險，轉唔到行。變咗最黃金嘅年紀有嘅知識經驗第二個行業完全用唔到，所以係冇意思。但係當然做得好嘅都係可以轉職做trainer 又或者入去back office做，但係普遍都係要做到高級職位先會有機會，但係你做到高級嘅你就習慣咗呢種生存方式就唔會想改變，係咪好矛盾呢

呢個真
我都係第一次聽人講有幾個定義，證明佢真係冇受過training就出嚟

爭在唔同公司針對年度嗰個分野就會有出入，例如12月尾入院一月出，咁係應該計今年定係下年，唔同公司都會唔同嘅，要睇公司先可以講

本身呢份個特點係多種賠償，同埋AIA 個原位癌定義都比其他公司早，呢份係抵嘅。
我諗巴打可能要問自己嘅係你嚟緊18年係咪都會stable 供到落去？

呢個唔止training ?
1/3個啲唔係要考？

Thanks好詳盡
巴打熟唔熟核保？話說我有慢性病但依排算係好番，睇過幾個醫生同d報告都話無事。
但我諗住買隻高端醫療既時候核保就話不保。
會唔會其他保險公司有機會保？或者等幾年再試下投保，邊樣好d