保險問題 理性討論 回歸繼續你問我答

師兄你好
初中身體檢查有脊柱側灣
係咪唔洗諗有保險公司會保埋呢個病？

請問35歲有公司醫療只保大房，我想買C記高端，唔同房型係咪抵銷唔到墊底費？
如果唔計呢樣野，墊底費應該揀幾錢好？揀C記自願醫保定高端？

有冇tg 想買保險

暫時冇諗過
因為好彩呢十幾年都冇事冇痛（touch wood 🪵 )
只係定期醫院會打黎叫我檢查

老細錯咗喎

有大房plan都可以照配搭到用，只要客人唔介意未觸及薦底費嘅時候先住大房，都滿足咗薦底費要求先轉半私家咪OK。

唔需要擔心話咁樣搞到用唔到份保險，半私家房私家房同一個道理，你公司醫療如果可以直接鹹蓋半私家/私家房就可以一開始住，如果唔得嘅就大房住喺就可以滿足到。

如果你係配搭自願醫保既，呢個就冇限制房，可以直接用佢係比半私家嘅開支，只不過正常情況你冇中高端醫療喺後面係會唔夠用咁解姐，後面有中高端就冇呢個擔心。

趁今日做完野得閒

認真覆下大家問題先

有啊 如果工作性質太危險嘅真係會影響買唔到保險

例如高空工作 海底電纜維修 軍人 就好大機會冇得買嘅

就算得啦因為個風險水平比較高 就有機會要加保費先可以買(即係加loading )

你買嗰陣係幾多歲？同埋咩供款年期？

我幫你睇吓個價錢同返你講

多謝你祝福先

師兄係咪broker?
定你意思係我可以試下逐間去揾agent 叫佢幫我試下核保先咁樣？

冇錯係呀

我係最建議買中高端醫療嘅，因為真係有咩大問題都可以接受私家醫院嘅治療都唔需要擔心保額會唔夠用，你有公司醫療更加可以將個薦底費由佢負擔，變咗唔需要自己比，可以選擇高墊底費先，退休之後先轉換返做中間嘅薦底費就可以。

呢個計劃應該係要配搭佢嘅儲蓄計劃附加形式去購買嘅，佢正常就咁單獨睇嗰隻叫做尊裕，我用佢呢個做價錢對比同你講。佢用市價來講算係偏貴，但係四大公司入面係最平，同埋可以選擇嘅薦底費金額偏低，當其他公司可以選擇50,000甚至75,000嘅時候，佢最高都只可以提供25,000作為選擇，變咗你嘅公司醫療萬一好好嘅時候都唔可以選擇一個高嘅去降低個保費，係個比較可惜嘅地方。

如果癌症治療方案上面，佢係同出面坊間嘅公司一樣，大家有嘅差唔多，爭在如果係美國淨係做醫療嗰間c字頭就會額外有加碼刀同埋數碼導航刀作選擇，比較全面少少

如果25,000薦底費計算，同埋用佢正式單獨買醫療去計算

紅a 5428hkd yr
C字頭自願醫保中高端 4479 hkd yr
李澤楷自願醫保中高端 4180 hkd yr

自願醫保中高端 同普通中高端 最大差異既點係咩？

最大差異係自願醫保可以做到扣稅呢個功能，同時有條款寫到明包包含未知現存疾病，同埋政府規定咗保險公司唔可以單方面改差條款，只可以改好，有政府作監管令人比較安心

如果係保費層面上面去睇，自願醫保係產品結構同埋保障內容上面係同普通中高端差不多，但係保費個差距好大，自願醫保係普遍都平好多，仲未計扣稅呢個功能

爭在有保險公司就會係自願醫保同普通產品上面有少許分別，例如美國C字頭自願醫保中高端就會限制咗每年住院天數同埋ICU日數180天同25日，佢嘅普通中高端就冇呢個限制。但係自願醫保嗰隻就會全數包含精神病治療，普通醫療版本就得每年6萬限額做精神科治療

大嘅差異大概就係呢度

唔該晒你

其實唔會啦 正經問題嚟㗎

醫療真係預咗長買，同我一開始喺個post度講一樣，係用相宜嘅價錢買咗個去私家醫院醫病嘅入場券，當用得着嘅時候，同埋真係老咗多病痛嘅時候自自然然會用得着。

如果唔係點解咁多人要計到退休之後個供款負唔負擔到呢，就係因為想退休之後都keep到用私家醫院嘅治療水準去幫自己醫病，衰啲講句而家嘅醫學情況之下，係有錢就有得醫同埋會長命，能力許可嘅都係會想自己舒舒服服㗎啦

同埋當真係自己負擔唔起嘅萬大事都仲有公立做最後安全網，又唔需要擔心嘅

你意思係點睇佢嘅一般保險呢？

佢啲保險幾好㗎，不過偏貴，佢嘅家居保好全面好多項目都有得賠，但係保費真係貴過出面，只能說一分錢一分貨，負擔得起嘅話都係會買佢

但係如果話想要經濟實惠嘅其他公司會平啲，但係就冇佢咁全面。

你意思係佢普通醫保 同埋佢公務員計劃有冇特別唔同嘅地方呢？

最大分別就係公務員計劃係可以包含投保前已有疾病，同埋冇得附加全數賠償呢個選項，冇得用醫療咭做出院免找數，就係個最大分別

至於如果用項目計算嘅話，同冇附加全數賠償佢嘅普通醫保分別不大，同樣都係可以額外加smm，呢個計算嘅話保費上面會比一般人嘅醫療計劃平，公務員嘅話可以諗下。

但係呢間公司呢就同我喺個post度講嘅一樣，售後服務上面容易有問題，即係如果索償順利還好，如果遇到有糾紛嘅時候，佢嘅電話係好難打得痛同埋佢個回覆好慢，咁正常打得上去都係比較緊急嘅情況就難免令到有啲失望。

所以如果公務員嘅話我就會建議你考慮另外一間，美國c字頭，佢都有做公務員優惠，你可以睇睇佢嘅自願醫保中高端醫療或者普通靈活計劃，都係會有終身八五折，如果自己跟進嘅話都係個幾唔錯嘅選擇，起碼佢售後服務同埋成個配套都唔錯，你可以考慮吓呢一間

但係如果你係比較擔心已有疾病嘅問題上面，咁都冇乜選擇，b字頭嘅公務員計劃就會適合你

唔得啦，要係買咗保險之後病發先會受保
佢講緊嘅呢個條款係買咗之後如果確診係先天性，係八歲之前嘅就買咗保險都唔會賠到，如果係八歲之後病發之前買咗保險就可以做到賠償，呢個就係佢話保障先天性疾病嘅意思。唔係講緊如果確診先天性係八歲之後，都一樣可以買到自願醫保，呢個就係錯嘅

另外，自願醫保係保障未知現存疾病，即係例如身體已經一直有嘅，但係自己一直冇睇醫生做一個確認嘅動作，唔知道自己真係有病，但係check到原來真係持續咗好耐嘅就係屬於呢一個，咁呢個就有得賠償嘅

如果普通自願醫保嘅話，就會按照第一年0% 第二年25% 第三年50% 第四年100%全數賠償，作為呢個賠償未知現存疾病嘅依據。

如果係中高端計劃嘅就睇唔同公司，有公司係保單批核後31日就可以包到未知現存疾病，甚至有公司係批單就即時包含未知現存疾病，所以唔同公司喺中高端計劃上面個等候期會有所不同需要注意嘅。

希望個答案幫到你

抵玩架

我自己就冇乜點聽過佢有咩拒賠嘅新聞，爭在佢係中資背景，如果你接受到個背景OK嘅，都可以買得過，因為你最主要都係對佢個信心大唔大

佢嘅保障範圍都係top 㗎啦，保費都係平，爭在個薦底費呢就唔係越低越好嘅，係睇返個個薦底費水平適唔適合自己，個個保費如何，咁樣做決定㗎嘛

佢嘅癌症治療方案係同美國c字頭一樣，但C字頭會貴d，主要係因為佢係屬於外資同埋專注做醫療，如果性價比咁睇嘅話佢呢間都抵玩㗎，起碼真係我冇聽過好似藍色咁樣咁多仆街野