保險問題 理性討論 回歸繼續你問我答

唔買保險得唔得

你自己係買咗邊間同買咗幾多保額先

其實冇話戇居嘅，都係用返落自己身上，爭在有公司20歲前買係會送20年提升保額，20歲之後買淨係會送10年，咁個差距都大

同埋你早買鎖定個保費咪平，因為係用21歲去計算往後供款期保費，如果你25 26先開始咁歲數唔同個風險計價都會唔同，理論上係越早開始越好嘅。

但係保險唔可以佔你收入太多，一來你辛苦二來冇必要，係要量力而為。如果全儲蓄係辛苦嘅，請考慮混合，又或者全定期就算，需要量力而為嘅。同埋買危疾最重要係足額，因為一日普遍要頂三年生活費係100萬左右，如果你儲蓄危疾係食唔到呢個額，咁你不如定期買大少少起碼cover到就算，咁樣對於你個保障計算會比較好

危疾其實未算係一個必需品，因為只係作為患病期間提供生活費嘅工具，醫療反而係比較需要，因為係真係攞嚟醫病，你需要考慮左呢兩樣野先，不過我都建議趁早能力得嘅就買呢隻，始終平好多

上網打電話係bupa 定 Cigna?

但係佢呢間係本身最好喎

係佢咁岩搵到個唔識野agent 個產品本身都好王牌係好嘢嚟

我就建議照keep嘅，但係你就搵第二個人買或者跟會好啲，又或者你直接叫佢不如叫嗰個年資深厚嘅接手你張單就算

點解會講FWD 係最好嘅
純粹想學下野

後面

如果你係公務員呢會有終身八五折，不過呢個就需要你自己打電話買嘅，同埋需要自己跟進

如果係街客其實就可以選擇用broker ， 因為對街客嘅價錢同優惠都係一樣，用broker同上佢網買係一樣價錢，但多條友服務你係好好多嘅，同埋有個人幫你跟進

Really? 我本身都覺得富衛好似係幾好，但除左佢得唔識其他富衛既人。同埋，佢都唔會想送張單俾人啦😅

你cooling off 可以cut 單架嘛

我本身有睇開樓主之前既post, 有提過FWD係幾好，所以先決定簽

成個market性價比最高係佢

不論保費保障內容，甚至乎產品結構，佢係中高端產品入面算係超值。雖然你就咁睇保額佢係會輸比紅色，但係如果你細心睇佢個內容同埋保費，佢係好好多嘅，同埋個薦底費上面選擇都多，唔需要局限一定買到25000就冇，可以選擇到50000，適合有公司醫療個班。同埋好多特別地方賠償個上限都會高啲，例如復康治療 重建手術呢啲，最後就係睇保費

我哋睇產品唔係淨係睇保額或者公司牌頭，我哋係會睇個內容包括有咩特點，公司本身索償程序如何，同市場其他產品俾佢有咩特別優勢，呢個就取決左點解我地會推薦一隻產品比人

爭在如果真係用保額同埋治療方案去講，佢就真係會輸蝕比美國淨係做醫療嗰一間，但係佢都有個缺點就係貴，但係呢個如果係公務員就可以彌補左呢個缺點，因為有終身八五折其實就會等於返買佢但係保額就已經多好多

如果有地方唔明白，可以繼續講同行大家理性交流就可以，我feel到你係有心學唔係搞事，咁我都會認真答你

想知巴打點睇A記GP
知好多連登巴打覺得Saving 係呃人，
但個market真係好多人需要Saving
甚至我自己越有錢嘅客越鍾意買Saving

你可以打電話上去買 又或者搵broker都可以買到佢嘅單

Broker都可以幫你跟進到嘅，你可以上網自己搵吓，你搵到嘅有緣份嘅，自然會處理到

但係我覺得產品係好，但係你俾咗呢個唔識跟進嘅繼續買落去都冇意思，一來我覺得佢唔會做得長，二來當你真係有問題要用，佢未必幫到你手

我有兩個例子，就係仆街agent玩鳩個客嘅，我諗住今晚post有興趣今晚可以睇，佢哋搵我俾意見點樣拆彈，都幫緊佢哋希望處理到

我岩岩聯絡緊一個做broker既friend, 但佢好坦白咁同我講佢唔係好熟富衛。Anyway, 我send左d資料俾佢望下先

真係唔好意思

之前我比人report到收咗皮，搞咗兩個post收咗皮
原諒我唔可以直接幫你，但你有問題嘅都可以放喺度講，只要唔好令我牽涉我講公司名或者留低聯絡方法就得

再唔係你有心嘅自己搵方法試吓尋找合適人選 如果你有緣份可以試吓可能會搵到

泰加保險好仆街，大家千祈唔好貪平

我哋自己做呢隻做到手軟，呢個真係事實，好熱賣

因為就係好先會多人幫手賣到，你自己望吓個內容就知，你叫佢幫你手啦，你再唔得就試吓上網搵人，總係會搵到

唔該你，你好好人🥺

2樓 佢講煲呔喎

咁你係講緊佢呢間公司嘅一般保險？係咪車保出事？

我想問下
保險賣既基金 其實同出面銀行/網上平台賣既
分別係咪唔大？

因為我朋友佢曾經sell過我
話佢隻plan可以t+1轉基金

聽起上黎既話好似都幾好

但我考慮左好耐

車保，家居，旅遊，幾個朋友都瀨過嘢。
幾千蚊嘢都唔捨得賠就執柒咗佢啦

lm

Plan 幾好都無用
最重要邊個跟

如果得公司醫保，想自己買返份
但係plan緊未來會移民，想問吓:
大房plan受保地區有冇全球(美圖除外)嘅?定得私家房plan先有？
如果買Cigna私家房全球plan到移民走咗個保費會唔會加得好勁？我見佢term有寫去澳洲同紐西蘭住滿16X日個賠償率得60%，咁係全單賠60%?定係個保障額得返60%？
thank you!

你要等我load下你係講邊隻
依家變咗大家要講簡寫我都要諗吓你係講邊隻

不過儲蓄保險呢真係可以講幾句
長年期嘅好多都唔係值得買嘅，越有錢嘅客越會睇保證成份同irr，你要明白佢有錢係有原因，唔會蠢得去邊，特別係有知識嗰班，佢只不過係費事自己煩先出錢叫你幫佢手去拆掂佢。

咁如果睇保證成份同irr，紅色嘅儲蓄計劃不嬲都唔係特別好，只能說不過不失。佢個非保證成份滾存出嚟效果都係會輸比市面上幾間公司，未去到最優秀。

至於你公司成日講嘅實現率長期做到，2010年咪得90，長遠咪同綠色差唔多，市場上面得一間公司係做到咁多年都係100%，嗰一間叫大陸人壽，係得佢做到長勝將軍，其他公司都係會間唔中輸少少。

至於你公司上個post咪有人話咩投資部有公司出價都唔走，我個post出咗事我覆唔到佢啦。我想同佢講佢資料真係好唔update同埋唔熟悉保險內部運作，首先投資部最出名係藍色嗰間，fixed income team 人工都係高過紅色好多，仲要未計全球市值佢一個排34 一個係250，個差距係幾大，佢叻唔叻呢我就唔敢講但係佢未去到成個市場最勁就真嘅。至於係咪真係會冇人走？佢之前咪設計你哋超級王牌產品嘅產品設計同精選過晒去ft，咪整咗隻168今日都係儲蓄危疾嘅王者。operation 就直情成對人比中資公司整走左，開兩倍人工叫咗成team人走嘅，咁你話係咪真係出面有好路數會唔走呢

同埋投資部咪即係in House既fund house，入面嘅流動性不知幾大，金融業嘅普遍就係走來走去成日都，點可以保證做得叻嘅唔好突然之間走。佢之前講到唔走純粹我諗係個人工未開夠，開夠應該都會走，做後面同做前線唔同，唔會講到話幫一間公司打死一世工，魚唔過塘唔肥梗係有好路數就要去

最重要係唔好局限自己眼界就得，呢個世界除咗儲蓄保險仲有好多唔同工具幫到手嘅，你唔需要做到全能咩都要識，但係最起碼你自己要有一兩項係特別擅長，你將自己嘅知識盡量發揮自然會搵到識得欣賞嘅

之前其實問過,不過刪左POST
57歲,女,非吸煙,想買醫療
而家有幾個方案:
1. 尊衛你 50000 (57-99歲總保費:1264169)
2. 智采醫療計劃80000+永明港健康醫療保(57-99歲總保費:1273480)
3. 信諾自願醫保系列-標準計劃+信諾升級醫療保(57-99歲總保費:969668)
4. 永明港健康醫療保+信諾升級醫療保(57-99歲總保費:855311)

(1)剩保到大病,少過5萬要硬食
(2)好似最全面,但其實 智采醫療計劃 同 尊衛你 最大分別係唔係智采每年得200萬,尊衛你有800萬. 同埋唔見智采有寫包訂明診斷成像檢測,其實你知唔知包唔包?
(3),(4)用 信諾升級醫療保 當升級版SMM有冇得諗?

你又覺得點樣最好? Thanks