保險問題 理性討論 回歸繼續你問我答

本身有做開投資，美股債券同ETF

唔會太考慮買儲蓄… 求其買隻ETF都跑贏

不過人越大，Feel到健康越嚟越差，開始諗消費型嘅醫保

或者供人壽…起碼我有咩事，都有筆錢可以照顧到屋企人

如果醫保就睇你嘅個人需要而決定買咩plan喇，如果買普通自願醫保嘅話如果有嚴重疾病嘅話係cover唔曬，如果中高端就基本上cover曬但會因應你買幾多墊底費嘅plan而保費上有分別。

人壽係比到筆錢你照顧屋企人，但如果無醫療保嘅話其實你有咩事要入院都係要自己或者屋企人攞錢出嚟醫

醫療保險如果你本身能力許可，我都會建議你買嘅，去買一個去私家醫院嘅入場券

爭在買普通定係中高端就好個人嘅，小病小痛私家解決大病返公立嘅，普通會適合你。小病小痛自己解決或者用公司醫療解決，大病可以全私家就會適合中高端。

至於定期人壽，如果你本身有債務或者家庭負擔重，先會比較適合買嘅。主要係買返樓宇按揭金額，或者係當有小朋友/父母需要照顧，就買到小朋友足夠大學畢業或者父母未來生活就可以啦，我就會建議選擇一個鎖定年期較長嘅定期人壽，咁就可以用後生嘅價錢買到足夠嘅保額都可以好平

有公司係會每年送嘅，只不過係羊毛出自羊身上，保費都貴返嘅，只係送出嚟嘅你就會去用，唔係送嘅你都唔會特登走去做身體檢查，算係另類迫自己？

過咗等候期之後就可以驗，驗到有問題就可以用，不過如果情況唔緊急，最好就過多半年至一年先用，因為頭一兩年都屬於early claim，保險公司係會翻查好多記錄，當然如果本身冇事冇幹身體一直健康嘅係會順利賠償到只不過係會麻煩啲佢會問多啲，但係如果你本身有比較複雜嘅病歷，咁樣查法就會比較容易有問題，呢個就要注意返。

Sorry 細佬真係唔太熟，想請教多幾句
意外個度如果每次都claim 得一半學你話齋咁我買嚟jm9
咁你話曹個間獨立買，個度保費係講緊一年1500？定一個月？
咁其實如果真係去睇physio 睇一次都千頭，睇兩次都回咗本？點解我唔一早買

另外你回上面個位巴打，儲蓄危疾個度168 同無限，sorry 我get 唔到邊間，同埋保費大概幾錢？
同埋醫保，易衛/尊衛個度保費分別又係大概幾多？
中高同普通醫保你recommend 邊個好啲？

到最後如果我要扑鎚咁我直接搵翻個間嘅agent定搵一個broker 買好啲？

一年保費嚟嘅

其實係呀，意外保險從來都唔係睇斷手斷腳意外身亡，係睇物理治療呢啲意外醫療嘅費用上，基本上如果你真係有做開運動或者有揸車嘅，唔係會好大機會用到咁先會值得買㗎嘛，基本上你用一兩次就回返本，係值得玩嘅。爭在如果你本身都唔做運動或者點，咁你點樣回到本呢

危疾嗰個我講得好白㗎啦，真係自己理解下。至於價錢你可以比歲數年紀保額有冇食煙我，我喺度直接講個價錢你聽。

兩隻醫保個保費其實差唔多，爭在一個係有薦底費頭一筆數目冇得claim，剩低全包。定係小病小痛都可以用到做全包，但係如果重大疾病個保額就唔會夠用，主要係呢兩個差別。我個人就會建議用中高端嘅，因為小病小痛自己負擔到，但係講緊百幾2百萬嘅醫療費用就負擔唔起，咁先需要用保險去轉介風險。

我自己就會建議用broker既，因為起碼有咩事我哋都有rm嘅電話佢哋會有一定程度嘅決定權，可以幫到下手。同埋如果當公司出錯，broker係企喺同一個立場同你爭取權益，如果agent嘅話都係受雇同一間公司，你覺得如果真係公司出問題或者點同公司撐到行，下年合約唔會俾人terminate 或者會收warming 咩

1.冇錯，所以如果你揀到咁高墊底冇公司醫療會好頭痛，建議揀低d 25000 15000 會更加適合，係貴少少但起碼會靈活啲。

2.最大分別主要係200個個係大房計劃，800個個係半私家房，如果你買平嗰隻去到400價錢係同買800差唔多，佢係特登吸引你買大房嘅又或者直接上去高級嗰隻。同埋一個係自願醫保另外一個唔係，如果有扣稅考量嘅話都慳$1360嘅。當然檢查費用都係會包既，兩個計劃最主要分別只係保額房種，其他差距不大，所以定義上都係屬於中高端。

3.絕對可以，我以前幫人做普通計劃嘅時候通常我都唔會叫佢自己加smm直接買top up，因為smm係cover多出黎嘅費用上(有每年限額)可以做到8成到8成半賠償，自己只係需要比1成半到2成有限額嘅。top up就可以幫你cover基本計劃多出來費用嘅九成，每年100萬保額上限，呢個就會係令到你嘅自付費用減少，靈活好多嘅。

同埋提一提你同一間公司係只可以有一個醫療計劃，所以你嘅(3)係唔可行嘅，4係OK，亦都係我覺得最抵玩嘅，如果以普通醫療計算。但係如果你係想面對大病嘅時候唔會買咗好似冇買，中高端會係比較好，始終小病小痛自己負擔到，大病唔係個個有資格負擔得起

希望我意見幫到你啦，同埋講聲唔好意思先因為我呢排忙得滯，冇即刻覆你

呢份嘢真係一般，但係如果你講緊四大公司入面嘅話佢又算係最好。

出面其他公司會係好過佢，起碼同一個保額，出面係會平啲，保障範圍都會好啲。建議你做多啲比較先，咁樣起碼唔會後悔，因為你始終都係買緊一個好長年期嘅產品，多了解多接觸係好事。

同埋就建議你唔好玩18年，玩25年，個槓桿效果會大好多，因為供款期間出現問題往後嘅保費都唔需要再比，平均供款會少咗但係保額一樣，另外你平均會輕鬆咗壓力冇咁大。

有唔明繼續問啦

公司醫保有10萬smm ，買多份高端cigna 75000墊底費點睇？

每個full treatment (睇症到完左成個治療) 有4000蚊美金上限比你claim

你見我都係由第一版或者後面見咁岩見到嘅話覆起

親子個個我一陣間覆你，我要睇咗個內容先答到

你至於外國讀書或者移民就要視乎你係買咗咩保險嘅，醫療保險係自願醫保標準計劃係全球通用，中高端計劃普遍亞洲區內可以用，自己如果你想去其他地方就要睇吓你份嘢包唔包，但係如果係去到美國你哋去當地買會平4倍，冇必要香港買

至於危疾嘅話都係可以照用到，拎返當地醫生嘅確診證明，寄返香港就可以收到賠償，爭在如果係大陸嘅話就要喺三甲醫院開出嘅證明先可以，其他地方就大同小異。打俾物㗎喇佢囉如果你仲有香港戶口就可以選擇直接入你銀行戶口，又或者會出支票，到時咪會係agent\broker請寄出支票到你居住地，都係會收到賠償

同埋我都知你係琴日嗰個啦，我事冇不可對人言，你鍾意可以公開講你個問題，你可以幫我喺呢個post點樣答呢個問題，我私底下都會咁樣

我2019年買左份儲蓄型危疾(AIA加裕智倍保2)
而家想轉純危疾，係唔係一定要斷供左之後先轉到？

你唔係問我C字頭smm 同埋李澤楷自願醫保標準嘅分別個個咩？

其實我係呢個post都有覆過呢個問題嘅，你可以自己睇一睇，如果唔係你嘅當我唔好意思認錯人，不過我都會好奇你點解會知我名

首先講咗樣嘢先
同公司係唔可以持有兩份保險，所以你買咗佢呢個top up係唔可以喺佢公司買到另外一份標準計劃，需要採用其他公司先得

另外第二樣嘢因為你買嘅墊底費比較低，你可以選擇市面上做得最平嘅就可以，同埋睇返佢個過往記錄如何，作個參考就可以。我自己就會推薦買加拿大嘅，市面上最平記錄又算唔錯，看門口嘅話幾好。
李澤楷我唔知你係講佢最Basic嗰個定50萬全包，但係如果前者嘅話價錢就及唔上其他公司吸引，後者嘅話就冇必要買top up，因為主計劃已經包50萬內全包，好少話特別項目會好似普遍醫療咁樣會爆出黎，變相用得着嘅機會率好細，就會好似冇咗個作用。

同你講返聲唔好意思先

我真係唔想良心做事都會比人騷擾希望你見諒

我今年30，唔煙唔酒，想知晒危疾同醫保分別幾錢

同埋「兩隻醫保個保費其實差唔多，爭在一個係有薦底費頭一筆數目冇得claim，剩低全包。定係小病小痛都可以用到做全包，但係如果重大疾病個保額就唔會夠用，主要係呢兩個差別。我個人就會建議用中高端嘅，因為小病小痛自己負擔到，但係講緊百幾2百萬嘅醫療費用就負擔唔起，咁先需要用保險去轉介風險。」
你依段我分唔清邊隻打邊隻？

「爭在一個係有薦底費頭一筆數目冇得claim，剩低全包。」係指中高端？
「定係小病小痛都可以用到做全包，但係如果重大疾病個保額就唔會夠用」係指普通醫保？

你個人建議係中高端，我見你頂樓仲有講佢係入院所有個啲都包埋，但你之後所題嘅薦底費係講緊我要俾幾多？如買中高端，個病嘅醫療費要去到幾多先會考慮去claim, 因為你話小病小痛就自己搞掂，大病先用份保險黎頂，換句話講咁其實個醫費去到幾多你先講緊大病？
因為細佬應該小病真係都好少，三四年先睇一次醫生，如果要揀都學你咁諗要買都係買黎cover 啲大病，只係想理建清楚咁個下限係幾多，如果某啲病可能睇我兩萬，咁又唔叫多又唔叫少，咁所謂中高端co唔cover 埋


搭單問埋，咁危疾主要係aim 萬一突然有咩病痛開唔到工，一鳩俾一大班錢我？如果我覺得自己都應該唔會有依啲事幹的話，好喇我而家唔買，但到我40 50先黎想買會唔會貴咗好多？定其實支出係差唔多，如果我而家30走去買到40又冇出事冇claim 到會反而押死咗啲錢落去？

下？原來同公司唔可以有兩份醫療？
定只係信諾係咁？
因為axa本身有 真智醫療，幾年後我買埋智尊守慧個agent佢都照同我做

會唔會其實會有問題？

C字頭係咁，佢自己有寫住嘅同一個客人名下唔可以喺公司持有多於一份醫療保單，所以通常買咗佢top up係要用其他公司去配搭先得

其他公司要睇吓有冇呢個限制先得，藍色我真係唔敢掂佢，完全冇諗過了解佢內部醫療保單可唔可以持有幾份呢個問題，呢個一間我查吓先

危疾我一間幫你整個價錢睇吓先，如果你見我後面好耐冇覆過你，你再追我就睇到，因為我前面太多問題積累，我依家先去到第6頁而家去咗17應該都慢慢長路

前者講緊有薦底費嘅係講緊中高端醫療，後面講緊冇薦底費係普通醫療。中高端醫療就會係面對大病嘅時候選擇貴價嘅治療方案都可以包含到，其實平時都可以用到只不過你會因為有薦底費嘅關係會諗用定唔用好。普通醫療就係由於冇薦底費嘅緣故平時小病小痛都可以用，唔需要點考慮，但係去到大病嘅時候佢嘅保額就唔足夠去支付貴價嘅治療方案，咁又變咗只可以做咗個初步檢查然後轉介返去公立醫治，都省卻咗個排隊時間嘅。

後面冇講錯

因為例如當你選擇15,000 25,000嘅薦底，如果你嘅賬單都係講緊2 3萬蚊，咁你就會喺度諗用唔用好，用咗又好似同冇用冇分別，又或者會冇咗個冇索償折扣，就喺度諗用唔用好。但係如果你講緊例如一個手術10幾萬嘅諗都唔需要諗直接用就得，因為條數值得。我都唔講癌症一個全鏢靶治療140萬，呢啲就一定係要用，放低頭25,000，剩低137.5萬保險公司包哂，呢個就會係中高端個作用。同埋薦底費都只係每年第一次計算會扣，同一年第二次用由於第一次已經扣除左，第二次係可以做到全數賠償，直到去咗新一個年度就再重新計。

如果你真係平時好少病嘅，直接一份過就可以，選擇一個中間嘅薦底費，小病小痛如果金額唔大嘅咪自己負責，如果金額大嘅咪直接用佢。同埋你可以照將個醫療賬單加入去，咁如果同一年有機會要再入醫院，第一次嘅賬單雖然你係自己俾咗但都已經計算在薦底費內，咁你第二次咪唔需要再比，唔會話要你收幾次錢。因為保險係買自己負擔唔起嘅項目，小病小痛我相信你有能力靠積蓄或者自己已經解決到，但係大病嘅時候相信你都唔可以好隨便拎到百幾2百萬出嚟，呢個時候就會係最需要轉介風險嘅時候，所以係應該會用中高端比較好，兩者個保費差距係差唔多，爭在係要比薦底費就會令人卻步，但係你諗清楚個概念就會覺得係值得比，係用一個平嘅價錢買個私家醫院入場。

至於危疾個概念正確，係會貴咗好多，因為人係會隨着年紀風險上升，你今日買可能當$1000一個月，10年之後買就可能2000，保費會隨着年紀上升。如果你係買消費形式嘅話俾咗出去就係俾咗出去，例如你30歲買到40都冇出過事，錢就係消費咗唔會有得退。但係如果30到40期間出事，你俾咗少少保費就可以換取到你買嘅保額個槓桿係好高。同埋如果你年紀大咗身體毛病多有醫療記錄或者有驗身報告出問題，你到時都係會買唔到醫療或者危疾保險，因為過唔到核保。