保險問題 理性討論 回歸繼續你問我答

巴打本身想買邊類醫保？

如果公司已經有醫保，係咪臨轉工/退休先自己買醫保省番d錢、？

醫療同危疾，兩樣我都幫佢買左，依家諗緊cut單，好懷疑佢既誠信

你睇返budget 幾多啦，其實搵過第2個跟都好嘅，
始終你都唔信佢

可以搵埋第2間公司睇睇啲plan compare 下先

如果不接考慮入行
邊間公司好啲

有冇分藍黃

洗底洗底

你意思係入行應該好？

唔係好睇得明你問題

大部份管理層個取態都睇到嘅，事實上入面有分

我四年黎都係咁 有咩好洗
我最早答保險問題係2017 當時個回答方法都係咁
冇乜分別㗎喎

等巴打覆 #34

危疾買邊間好？

巴打層樓供幾多年？

Budget / age /食唔食煙？

痴線 咁踴躍嘅

放心 有咩事我今晚凌晨盡量清咗佢

依家答住少少先 費事Hea答大家冇意思 大家都係想我詳細解答㗎啦

巴打如果你想幫手答問題呢

真係詳細少少，我feel到你有心想答，但係答嘅問題都唔係回應緊個問題

你應該要針對返佢嘅需要去講，同埋你可以試吓盡量答，有地方修正嘅我會再幫你講返

因為我呢度係想公開透明咁講返保險有咩注意有咩內容，同行可以大家幫手嘅，都係互相學習嘅一部份，你見呢度上面全部都係活生生嘅例子，就好似見好多客咁，基本上你清到一個post，你底子都唔會差得去邊

理論上淨係睇買嗰陣嘅，但保險公司係會建議你申報嘅，申報返會比較穩陣，食煙始終風險比較大咗

呢個就要睇你本身係買咗咩，醫療或者定期人壽呢種消費形式嘅就唔影響，如果你本身又係冇病冇痛嘅，直接轉走買其他公司都唔係問題。

至於如果牽涉有儲蓄形式嘅保險，儲蓄危疾或者儲蓄計劃等等，咁你提早走人係會輸錢，因為未過佢個回本期同埋提取年份，咁就一定會輸嘅

如果你唔係真係特別好反感一定要轉公司嘅建議你留守，又或者轉過其他同公司agent serve你，呢個都係可取嘅

冇問題
唔會
呢個就要睇公司嘅，保險公司通常呢就傭金會跌返比第一個收嘅，新接手嗰個都係得好少甚至冇嘅，所以通常話孤兒單就係呢隻，純粹係靠服務睇吓會唔會開到其他，普遍就應該冇嘅

下面呢個呢，我可以同你講如果你真係諗住掛牌處理完就走，都係玩鳩自己嘅啫。保險嘅嘢我做咗四年都keep住有嘢學，條例條款不斷更新，你唔會覺得做一兩個月就處理到掛，仲要當你買完之後當真係幾年之後用得着，你仲記得你學過嘅知識都好困難。

但當然如果你處理到嘅，你買儲蓄形式呢隻嘅第一筆傭金你會食得返，但係當你唔做嘅時候傭金咪一樣會跌俾你上面，唔會keep住出返比你，真係唔想人跟自己嘅可以考慮虛擬保險公司或者打電話同上網直接買，自己幫自己跟

想買危疾同醫療 買邊間保險公司好。 27歲 好少食煙 極少飲酒

同問，巴，30 唔煙唔酒，經常運動要買埋意外，有冇話推介邊間

純人壽直接睇價錢就OK 㗎啦，間間都大同小異，賠償方法都係，頭兩年唔可以自殺，之後有死亡證就claim到，唔牽涉難唔難claim，程序太簡單

我推薦你一個 p_cifi_ li_e，佢呢個最長係可以買到鎖定40年嘅保費，咁你變咗係可以用例如25歲嘅價錢買到65歲，對比其他10年轉換一次保費嘅，呢種做法係會平一半，可以考慮吓

如果你淨係睇上面四間大笨象應該會平啲，虛擬銀行嗰個呢係第一年有優惠，但係佢後面價錢應該冇煲呔咁好，煲呔價錢會平啲，藍色就完全唔知有咩用，佢個定期人壽價錢仲貴過有agent跟嘅公司，完全唔知做乜鳩，慳返嘅保費都唔知去咗邊

就係普通醫療+smm，呢隻小病小痛可以用到，大病就個限額唔會夠，做完檢查就要去返公立嘅。我自己就會推薦用中高端走天涯，因為你有咩事都可以靠佢全私家，同埋保險係講一樣嘢，就係保障自己負擔唔起嘅，負擔得起我係唔需要買，所以我就寧願你係轉嫁左大事嘅風險，小病小痛要用嘅錢反而自己負擔會比較好。

不過我都推薦你幾間，就住你上面內容，你上面嗰隻全香港做得最平係鄭伊健嗰間，佢隻自願醫保普通係超值㗎啦，我都成日做，又係自願醫保可以扣稅，完全做到你上面個內容，重點係超平保障內容又好。 至於你話想做到全包，李澤楷嗰間都可以考慮，佢中間嗰個係可以做到50萬內全包，佢係用每年每個傷病計算，唔需要話好似傳統醫療咁樣左計右計，用成張單計算，咁就唔需要話某一個分行爆咗，就要自己比一部份咁，成張單計係好好多嘅，不過保費就會比我上面推薦鄭伊健嗰隻貴d，不過普通醫療做到全包嘅都係得一兩間做到，你可以考慮呢2隻

如果你有問題，可以喺度再問
真係唔知講緊邊隻計劃嘅你可以打出嚟我再答你係或者唔係，我而家好驚比人report，理財係自己嘅，你自己都要做一步，唔係我喂到埋口先得，原諒我做唔到好似之前咁可以講到好白，太多有心人望住我

你唔計扣稅嘅話年金未必買得過，同埋邊個投資計劃有保證5-6咁高，我都想知

而家成日做嘅年金係叫做扣稅年金，佢吸引嘅地方係扣稅，完成咗扣稅責任係要cut唔係真係拎嚟退休。因為最主要係例如佢10年供款期就可以扣10年稅，只要你keep住喺香港做嘢同埋收入都係要交呢個數目嘅稅，咁呢個計劃對於你就有吸引嘅價值。

佢唔計個扣稅成份嘅係唔太值得做，因為坊間其他計劃係做得好過佢，冇人真係會拎黎當年金用，真係做年金嘅係真係要買佢其他年金計劃。同埋唔同公司嘅扣稅年金計劃表現都好唔同，真係做得好同出色嘅絕對唔係而家你成日見到嗰幾間，睇新聞上網睇就會知真係做得出色係邊幾個。嗰幾間公司嘅計劃先會值得買，如果唔係10年個回報會差距好大，你真係要比較睇個Excel就知，有問題繼續再問，你可以講公司名我答你係唔係

呢個咩嚟 真係冇乜認識

屬於邊個範疇？life or general?

冇接觸過呢類型可唔可以講多少少，我都想學下野

我係個好濕鳩嘅保險狗，真係唔係識好多，好多地方都仲需要學習

係買唔過
住院現金買係最傻閪，佢賠償個準則好辣，你未必食得中，仲要keep住每年俾錢，係件好傻嘅事

咁不如買個醫療計劃，直接佢都包含咗呢樣嘢喺入面就算，冇人係會特登買呢樣野，醫療計劃好多而家本身都包咗，咁有得用就算，冇嘅都無謂特登買，冇必要浪費錢

我諗緊買醫療保險，覺得應該唔係太老就買左先，好過第時有咩事會有野唔保
其他乜保都有，係因為公司有醫療而冇自己買

買中高端醫療，係咪自己上網買會抵過經agent買？

Agent有講過有個基本醫療，加一個高端有墊底費嘅就可以食返個墊底費
但我又擔心如果我一冇工返，我就冇基本醫保
如果到時先再保返個基本醫保，又驚我會有啲不保事項
咁我係咪應該唔好諗咁多，買個冇墊底費嘅醫保好啲？又或者一個基本醫保再加有墊底費嘅醫保好？
定其實我諗太多，留返啲買基本醫保嘅錢等真係冇工返，又要入院先用，咁樣實際啲？

因為我都幾擔心，如果我一兩年入一次院check嘅話，冇個基本醫療咁我咪要年年畀墊底費😂

買C_gn_ 醫保算唔算保障比較好？定有冇agent嘅公司其實都差唔多，除左_X_?

唔該晒🙏🏼

普通醫療睇鄭伊健 或者李澤楷嘅自願醫保醫療
中高端就睇李澤楷 或者上網打電話可以買嗰間美國公司
呢幾間公司係呢幾個範疇做得最好，都分別係最高性價比或者保障最好

你可以就住我上面去睇返先，真係睇唔明我講咩，你就試吓列舉我再答係唔係，起碼你跟住我呢個推薦買就已經係買緊市場最好嗰幾隻