保險問題理性討論回歸繼續你問我答

數到三

1001 回覆

149 Like 11 Dislike

半大全大. 2021-07-09 03:51:08

樓主你好我本身有一份宏利全護航自願醫保靈活計劃(普通房)連同特級高額醫療保障
24 唔煙每個月供400左右想請教你兩個問題

1.會唔會太貴？
2.最近經常肚痛，想去私家醫院睇吓醫生照下
想問包唔包？定係要住院先可以claim?
唔該晒

SkyDreamer 2021-07-09 04:02:31

推一推

數到三 2021-07-09 04:07:43

見你推咗我答你先啦

呢個係紅色老牌嘅核保標準，你可以參考吓，你可以見到如果你係屬於普通濕疹係唔需要加保費，如果係剝落性就需要加

我就建議你問多幾間試吓個情況先，因為如果你真係屬於普通濕疹唔係甩皮嗰隻，應該好多公司都係可以標準保費，包括c字頭加拿大李澤楷呢d

大叔伊恩 2021-07-09 04:18:11

大叔伊恩 2021-07-09 04:19:13

數到三 2021-07-09 04:26:37

墊底費既意思就係講緊有墊底費嘅保險即係中高端醫療，頭一部份嘅錢冇得賠償(即係你所選擇嘅墊底費15000,25000不等)，呢個金額往後嘅錢全部都可以做到賠償，上限就跟返個計劃上限

所以咁嘅話你一份呢種形式既醫療會比較好，一來保額比較大可以包括到好多大病都可以係全私家醫院處理，亦都可以用新式嘅癌症治療方法盡快處理病情。唔需要話普通醫療咁樣小病小痛先足夠處理，大病就係做完檢查就要返番公立，變咗到喉唔到肺。

如果你唔明白個意思呢我都有個圖可以解釋，希望你睇完就明，簡單講就係頭一部份唔賠償，佢就唔理你前面嘅部份用公司醫療又好或者自己比都好，後面嘅部份先會開始賠，佢淨係會理後面嘅部份

數到三 2021-07-09 04:28:35

有保險係可以處理智慧牙嘅

我曾經有處理過呢種類型保險，個客計嗰條數係話抵玩嘅，我亦都問過個牙醫客佢都話係超值。

只不過你買完之後就一定要一年之內去處理智慧牙，用完之後就cut返就可以，買一年處理晒就OK，性價比高嘅

爭在邊一間公司你Google下應該會發現到

數到三 2021-07-09 04:32:07

後面嗰隻會正啲

雖然你就咁睇保額佢係輸比紅色200萬，但係佢其他附加保障內容同埋配套係會比佢好，最重要係保費比佢平

不過紅色係四大公司入面都算係最好，爭在如果論性價比真係會輸比李澤楷，佢呢隻真係市場最熱門冇得否認既

你可以比較下兩隻價錢

數到三 2021-07-09 04:37:01

數到三 2021-07-09 04:39:08

呢個唔係我範疇喎，我以前做嘅back Office都唔係好back Office

你要去隔離post先得，嗰度有專業巴打同你傾呢個行業，

一般(再）保險問題，你問我答
https://lih.kg/2564133
- 分享自 LIHKG 討論區

數到三 2021-07-09 04:40:00

可以啊如果你想嘅可以公開比大家睇吓又得
唔想嘅你可以加密咗佢

你放上黎我就會解答

數到三 2021-07-09 04:44:29

正常如果按照規矩就要嘅，呢個當然會影響個保費，吸煙人士個風險同非吸煙人士個風險都好唔同，係會貴好多

但係如果講緊實際操作上面，保單生效之後保險公司係冇要求投保人喺續保嘅時候申報現時吸煙狀況，所以保險公司按照慣常處理都係唔會因為冇申報吸煙習慣而對索償作出拒絕，呢個就唔得嘅。

但係如果相反，喺買嘅時候自己虛報冇食實際有，比保險公司check到嘅話就係失實陳述，會令到保單失效並且拒絕賠償，所以買嘅時候真係要誠實申報清楚，唔好諗住側側膊，保險公司好神通廣大

數到三 2021-07-09 04:45:06

多謝支持

如果你有問題都可以放低啊答到你嘅一定答

數到三 2021-07-09 04:53:50

佢終身先得3000 紅色都有5000 李澤楷都有4500

老實講大家嘅保費相差唔遠，佢呢三間入面都唔算最平，咁你就知道其實佢保費表現唔算特別出色，會有更好選擇

這個保障內容上面更加係輸蝕咗佢，例如亞洲區除咗香港大陸澳門嘅住房，佢就淨係都係半私家，另外兩間已經係可以安排到私家房，個差別都算大架。同埋佢都缺少咗，一啲關於配套上面嘅支援，感覺唔算特別值得

如果真係鍾意牌子嘅買紅色，鍾意性價比就李澤楷，鍾意保障最全面就美國淨係做醫療嗰間c字頭

數到三 2021-07-09 04:57:48

都一樣會買到啊

自願醫保係去到80歲之前都可以買到，唔需要驚嘅

爭在你需要擔心嘅地方係兩位老人家會唔會過去有病歷或者入過醫院等等，又或者驗身報告有問題，呢個就會影響買唔買到嘅

保險方面，淨係買一份住院醫療就已經足夠，其他唔需要諗啦因為好貴同埋冇必要。住院係幫你轉介晒你作為仔需要負擔嘅醫療費用，如果你真係想為屋企人着想嘅幫佢哋買一份中高端就面對咩大病都唔需要驚，薦底費嘅意思你可以參考我個post上面有講過嘅。

萬一如果你真係覺得負擔唔起嘅，買一份普通醫療都可以嘅，小病小痛可以私家快手處理，大病就可以喺私家做完檢查再轉介返去公立，呢個速度會俾你直接排公立快好多，但係就全私家個效率咁快。即係唔會做到今日覺得唔舒服禮拜尾去睇醫生做檢查，下個星期出報告，再下個星期可以做手術咁樣，呢個就係個差別。

數到三 2021-07-09 05:05:11

一般小手術會足夠，但係如果你講緊癌症就唔會足夠嘅，你需要配搭埋佢另外一個戰癌，應付返癌症嘅醫療開支先可以叫做足夠使用。但係如果係講緊另外一啲除咗癌症嘅嚴重疾病例如中風心臟病，就冇其他嘢可以對沖返個風險，呢個就比較濕滯，要中高端醫療先搞得掂，但係佢呢個公司係冇出

其實呢大部份醫療保險都係有同私家醫院或者醫療集團合作，一直都存在嘅，咪就係所謂嘅網絡醫生，唔係新鮮事。我覺得就冇咁好嘅，因為佢嘅網絡醫生即係佢嘅人，如果個醫生處理咗好多索償個個都搵佢claim好多，你覺得佢下年續約嘅時候會唔會有說話聽呢個道理咋嘛。同埋網絡醫生個唔好處係佢嘅醫藥費會俾人壓低左3 4成，佢都係做同一件事但係如果做其他嘅醫療保險佢可以收多咗賺多啲，佢就會冇咁開心嘅。

佢呢個屈機好多，佢係做到50萬內全包，唔需要計算咩醫療分項上限，一張賬單去計算係冇咁容易爆。另外，如果係癌症相關係會有額外35萬，即係total85萬，雖然其實都唔夠用，但都一定足夠前期嘅檢查同一部份嘅治療費，叫做好過冇。你睇個內容就知點解佢會貴啲，佢呢個保障內容係高質啲嘅

數到三 2021-07-09 05:08:33

唔會呀

你買咗份保險之後驗到有問題咪可以即刻用佢去幫你解決返，唔會有損失個喎。係未買保險之前唔好亂做身體檢查姐，買咗之後係可以做

爭在如果你話你本身未買齊想買嘅保險就做身體檢查，呢個就會戇居嘅，因為真係驗到有問題你就真係會再買唔到，盡量一次過解決晒之後先買就得

如果檢查完有問題，已經買咗嘅保單不受影響，唔會因為咁樣加保費或者有不保事項。係未買嘅保單就會因為你做嘅身體檢查記錄，會出現加保費或者有不保事項甚至冇得買嘅情況，所以兩個結果好唔同嘅

轉保險就另一樣野，係等於買過份新單，所以如果你喺舊單嘅時候已經索償過或者身體檢查出現咗問題，係真係會影響轉一份新嘅保險，有機會要被迫繼續買同一份直到老

豬柳強蟲蟲 2021-07-09 08:30:36

google 完好似得藍色公司有