保險問題 理性討論 回歸繼續你問我答

但係你需要注意嘅地方係你本身睇開嘅專科，係會有不保事項㗎，例如一直睇開眼睛嘅，買份門診想轉介專科嘅費用，其他就可以嘅，但係例如一直睇開嘅眼睛就包唔到㗎啦，呢個要留意

其他嗰啲如果你真係預計到你成日用到專科嘅，諗過度過OK先繼續，要計清楚條數先嘅，如果唔係你買咗之後都係放喺度，一般有幾可真係成日睇專科，通常睇得嘅都係要入醫院做手術轉介，咁呢個住院醫療嗰下已經包咗

不過唔緊要嘅你有興趣可以繼續睇，如果門診包得比較多又算平嘅，美國C字頭嘅你可以睇吓，保費算平，十字呢間比較濕鳩，claim得多佢會開始無聊地方challenge幾下，除非係佢比較獨家嘅特別保險，例如牙科或者寵物呢啲，出面冇乜地方買到嘅，咁就被迫要接受佢呢種比較特殊嘅服務態度

巴打咁我揾你幫手得唔得？

見樓主成日話AX_ 唔好 好難claim

但我就係買左佢既自願醫保高端醫療 癌症治療 同 定期人壽

點算好係唔係應該cut

但我又唔識其他公司既agent

驚遇到唔好既agent又係盞搞

我知fw_性價比高 但老婆只鐘意四大保險公司

依家好苦惱

so far 比較過咁多間保險公司既高端

ai_ ax_ 保_ 宏_ fw_

其實個個plan同價錢都唔差得好遠

呢間有呢樣無果樣 果間就無呢樣有果樣

呢間多左呢樣 保費又可能貴少少

fw_性價比係高 但始終係fw_

其實講到尾 俾我既感覺就係睇番你自己既喜好同需要

人地咁大間公司 背後咁多精算師 點會死錯人

但最懊惱係 我知自己清楚買緊乜都好重要

但買得大公司 緊係想有個好agent

有事既時候可以幫手 拎埋呢個service

但咁多agent你又唔知邊個好

如果搵brokers 你又唔知佢係咪為左佣金而推薦你d伏plan俾你

同埋brokers你買完收左錢應該都唔會幫你跟喇

所以買保險真係一樣好煩既野

60萬+12萬 cancer緊係唔夠喇

佢個網有寫d cancer藥要幾錢

你睇左再決定

想要隻可以睇跌打 多次數的意外保險

我覺得ok ar 如果你接受到呢類無agent既保險

就算公司醫保claim唔曬75000

都唔洗貼太多

同埋想問4大公司既自願醫保

其實包唔包質子治療同埋伽碼刀

c記係咁sell自己個非自願醫保寫明係包

但幾年前aia出信俾醫生

好似搞到好大件事

印象好似唔係咁好

lm

c記都可以搵broker買?

同埋broker會幫人跟單?

broker俾我感覺係收左第一次佣金就byebye

投保前未知已有疾病好多公司都無

如果真係想包埋惟有考慮自願醫保

即係易衛 尊衛

係 佢有兩個銷售渠道 broker 同埋自己網上或者打電話，都係同一個價錢嘅

當然會啦，我就係唔明點解你會咁諗，我哋嘅功能上係同agent一模一樣，只不過唔係幫特定公司打工咁解，就住邊一間公司係邊一個範疇做得好咪推薦邊間，同埋所有資訊都係公開你都會知道，所推薦嘅產品係真係好定係伏

咁嘅話其實agent都有機會遇到相同情況嘅，都係可以收咗第一年錢之後咩都唔理，同埋醫療上面大家都一樣係每年收錢，完全係冇咩分別個喎。Agent同Broker大家都係銷售同埋作跟進用途，只不過呢個行業總係會有唔同嘅人，咁你都要識得揀適合嘅人去幫自己去作購買，呢個都係自己責任，要學識分辨邊個好邊個差咁先唔會出事㗎嘛

自願醫保嘅產品就會包含未知現存疾病

各大公司都有嘅，只要選擇返自願醫保系列就可以

你下面講嘅就會係其中一間公司自願醫保系列入面普通醫療同埋中高端醫療嘅產品

cigna自願醫保都有高端醫療

本身公司有醫保買個有墊底費既醫保就搞掂

呢個係因為周一嶽做咗佢醫療顧問，佢係就住高端醫療收費海鮮價問題出信警告私家醫生

件事都比較癲嘅，而家普通一個腸胃鏡入醫院做都係大概四萬蚊左右，日間門診2萬到，但係嗰陣有人用佢個高端計劃做腸胃鏡收咗20萬，佢咪警告醫生個收費唔合理，價錢亂咁開

咁而家經過呢件事之後，私家醫生開價錢都係會緊貼市價既，唔會再好似以前咁望住你份保險咁高級去開一個超級貴嘅價錢，叫做一個合理嘅醫療收費，最近都冇乜點聽佢有特別拒絕賠償事件，咁四大公司入面最平保費又係佢，咁都值得睇吓嘅，如果係鍾意大牌子

質子治療要睇公司先有喎

加碼刀就冇啦，呢個同埋數碼導航刀一樣，得C字頭同埋大陸人壽隻高端醫療先有包

普遍自願醫保中高端計劃都會包含化療鏢靶激素治療免疫治療，其他嘅治療方案就同我上面講嘅咁

坊間都多選擇既

你可以睇睇曹星如 同埋新世界嗰個意外保險，都係可以獨立購買，亦都冇最高每日上限嘅，咁你過嚟可以注意返就OK